Сафири Тоҷикистон бо муовини Сарвазир ва Котиби давлатии Вазорати корҳои хориҷӣ ва ҳамгироии аврупоии Молдова мулоқот намуд
ДУШАНБЕ, 30.09.2022 /АМИТ «Ховар»/. 28 сентябр дар шаҳри Кишинёв мулоқоти Сафири Фавқулода ва Мухтори Ҷумҳурии Тоҷикистон дар Ҷумҳурии Молдова Давлаталӣ Назризода бо муовини Сарвазир, Вазири инфрасохтор ва рушди минтақавии ин кишвар Андрей Спину сурат гирифт. Дар ин бора ба АМИТ «Ховар» дар Вазорати корҳои хориҷии Ҷумҳурии Тоҷикистон хабар доданд.
Дар ҷараёни мулоқот ҷонибҳо доир ба ҳолати кунунӣ ва дурнамоии рушди ҳамкории дуҷониба ва бисёрҷонибаи Тоҷикистон ва Молдова мубодилаи афкор намуда, ба мустаҳкам кардани пойгоҳи шартномавӣ-ҳуқуқӣ, таҳким ва рушди ҳамкории тиҷоратӣ-иқтисодӣ, афзоиши гардиши мол ва баргузор намудани ҷаласаи навбатии Комиссияи байниҳукуматии Тоҷикистону Молдова оид ба ҳамкории тиҷоратӣ-иқтисодӣ ва илмӣ-техникӣ диққати махсус доданд.
Инчунин 28 сентябр Сафир Тоҷикистон дар Молдова Давлаталӣ Назризода бо котиби давлатии Вазорати корҳои хориҷӣ ва ҳамгироии Ҷумҳурии Молдова Руслан Болбочан мулоқот намуд.
Зимни гуфтушунид ҳолати кунунӣ ва дурнамоии рушди муносибатҳои дуҷониба мавриди баррасӣ қарор гирифта, ба масъалаҳои мустаҳкам кардани пойгоҳи шартномавӣ-ҳуқуқӣ, рушди ҳамкории тиҷоратӣ-иқтисодӣ ва баргузор намудани ҷаласаи навбатии Комиссияи байниҳукуматии Тоҷикистон ва Молдова оид ба ҳамкории тиҷоратӣ-иқтисодӣ ва илмӣ-техникӣ, ҳамкории байнипарлумонӣ, гузаронидани машваратҳои сиёсии байниидоравӣ ва омодагиҳо ба таҷлили 30-солагии барқароршавии муносибатҳои дипломатӣ миёни Ҷумҳурии Тоҷикистон ва Ҷумҳурии Молдова таваҷҷуҳи бештар зоҳир гардид.
Акс: ВКХ ҶТ
Намояндагони Сафорати Тоҷикистон дар Донишкадаи энергетикии Москва бо донишҷӯёни тоҷик мулоқот намуданд
Дар қароргоҳи ЮНЕСКО дар Париж Наврӯзи байналмилалиро таҷлил карданд
Сафири Тоҷикистон бо Директори Академияи дипломатии Вена мулоқот намуд
Густариши робитаҳои дуҷонибаи Тоҷикистону Австрия баррасӣ гардид
Бахшида ба Наврӯз дар Боку шоми фарҳангии «Chakan Fashion Show: мероси анъанаҳо давоми асрҳо» баргузор шуд
Изҳороти Вазорати корҳои хориҷии Ҷумҳурии Тоҷикистон бобати расидан ба оташбас дар Ховари Миёна
Ҳамкории Тоҷикистону Русия дар доираи созмонҳои байналмилалӣ баррасӣ гардид
Конфронси чоруми байналмилалии сатҳи баланд Тоҷикистонро ҳамчун давлати фаъол дар ҳалли масъалаҳои обу иқлим муаррифӣ менамояд
Сафири Тоҷикистон бо ёвари Котиби энергетикаи Иёлоти Муттаҳидаи Амрико мулоқот намуд
Дар Душанбе омодагӣ ба Саммити сарони давлатҳои «Осиёи Марказӣ-Ҷумҳурии Корея» баррасӣ гардид
Дар Миср Ҷашни байналмилалии Наврӯзро таҷлил намуданд
Дар шаҳри Анқара Ҷашни Наврӯзи байналмилалиро таҷлил намуданд
