Тоҷикистон ва Нидерланд бахшида ба Конфронси оби СММ-2023 дар Ню-Йорк мизи мудаввари сатҳи баланд доир намуданд
ДУШАНБЕ, 24.09.2022 /АМИТ «Ховар»/. Дирӯз, 23 сентябр мизбонони Конфронси оби СММ-2023 Тоҷикистон ва Нидерланд дар доираи «Ҳафтаи сатҳи баланд»-и Маҷмаи Умумии СММ мизи мудаввари сатҳи баландро бахшида ба Конфронси мазкурро баргузор намуданд. Дар ин бора ба АМИТ «Ховар» дар Вазорати корҳои хориҷии Ҷумҳурии Тоҷикистон хабар доданд.
«Дар он доир ба омодагӣ ба Конфронс ва амалҳои минбаъда дар доираи Рӯзномаи амал оид ба об табодули афкор сурат гирифт»,- таъкид намуданд дар ВКХ Тоҷикистон.
Мизи мудаввар бо суханронии Вазири корҳои хориҷии Ҷумҳурии Тоҷикистон Сироҷиддин Муҳриддин ва Сарвазири Шоҳигарии Нидерланд Марк Рутте ифтитоҳ гардида, дар он муовини якуми Дабири кулли СММ, сарвазирони кишварҳои Мозамбик, Ҳаити, ноиби Президенти Уганда, вазирони корҳои хориҷии Финляндия ва Бангладеш, вазири рушди иқтисоди Миср, вазири савдои хориҷӣ ва рушди ҳамкории Шоҳигарии Нидерланд иштирок ва суханронӣ намуданд.
Сироҷиддин Муҳриддин дар суханронии хеш аҳаммияти Конфронси соли 2023-ро барои татбиқи «Рӯзномаи 2030»-и СММ оид ба рушди устувор таъкид карда, аз роҳбарони кишварҳо даъват ба амал овард, ки ҷиҳати амалӣ намудани ҳадафу вазифаҳои Даҳсолаи байналмилалии амал «Об барои рушди устувор, солҳои 2018-2028» тадбирҳои мушаххас андешанд.
Ёдовар мешавем, ки Конфронси оби СММ-2023 22-24 марти соли 2023 дар шаҳри Ню-Йорк таҳти ҳамраисии Тоҷикистон ва Нидерланд доир мегардад.
Акс: ВКХ ҶТ
Қоҳир Расулзода бо директори Бюрои рушди телекоммуникатсияи Иттиҳоди байналмилалии телекоммуникатсия Космас Завазава мулоқот намуд
Ҳайати Тоҷикистон дар чорабинии сатҳи баланд: «Муттаҳидӣ ба хотири об: даъват ба амали дастҷамъӣ» иштирок намуд
Тоҷикистон дар Ню-Йорк ҳамоиши сатҳи баланд оид ба ҳифзи пиряхҳо ва таҳкими устувории иқлим баргузор намуд
Ҳамкории мутақобили судманд байни Тоҷикистон ва Ироқ баррасӣ гардид
Сироҷиддин Муҳриддин нақши фаъоли Тоҷикистонро дар доираи СММ ва саҳми ташаббусҳои байналмилалӣ таъкид намуд
Дар шаҳри Абу Забӣ бахшида ба 35-солагии Истиқлоли давлатии Тоҷикистон чорабинии тантанавӣ баргузор гардид
Дар Давҳа 35-солагии Истиқлоли давлатии Тоҷикистон таҷлил гардид
Сироҷиддин Муҳриддин бо вазирони корҳои хориҷии Салтанати Умон, Габон, Кипр ва Сингапур мулоқот намуд
Дар Ню-Йорк омодагӣ ба Конфронси оби СММ – 2028 дар шаҳри Душанбе баррасӣ гардид
Идомаи сафари расмии Сарвазири Ҷумҳурии Тоҷикистон Қоҳир Расулзода дар Ҷумҳурии Озарбойҷон
Вазири корҳои хориҷии Тоҷикистон бо Дабири кулли Созмони ҳамкории рақамӣ вохӯрӣ намуд
Таҳти ҳамоҳангсозии Тоҷикистон ҷаласаи сафирони Гурӯҳи кишварҳои рӯ ба тараққии маҳсур дар хушкӣ доир гардид
