Варзишгари тоҷик Нурулло Алиев пас аз пирӯзӣ бар ҳарифаш ба UFC роҳхат ёфт
ДУШАНБЕ, 21.09.2022 /АМИТ «Ховар»/. Муштзани шинохтаи тоҷик Нурулло Алиев дар мубориза барои дарёфти қарордоди имконпазир бо UFC варзишгари амрикоӣ Ҷош Уикиро дар раунди якум шикаст дод, хабар медиҳад шореҳи варзиши АМИТ «Ховар» Меҳрони Қурбон.
Ҳамин тавр муштзани тоҷик Нурулло Алиев ба бузургтарин созмони размкории ҷаҳон UFC пайваст. Акнун Нурулло аввалин варзишгари тоҷик аст, ки дар UFC ҳунармоӣ мекунад.
Ҷош Уик 12 пирӯзӣ ва панҷ бохт дорад. Ӯ дар созмонҳои гуногун мубориза намуда, як разми хешро дар ташкилоти амрикоии Bellator анҷом додааст.
Ёдовар мешавем, ки як моҳ пеш варзишгари тоҷик Нурулло Алиев бо ташкилоти Дана Уайт — «Dana White Contender Series» шартнома ба имзо расонид. Ҳоло Нурулло пас аз ғалаба бар Ҷош Уики 27-сола ба UFC роҳ ёфт ва минбаъд рақобатҳояшро дар ин ташкилот доир мекунад.
Нурулло Алиеви 22-сола ҳоло бо 7 пирӯзӣ ва бе ягон бохт фаъолияташро идома медиҳад. Алиев фаъолияти касбии худро дар муҳорибаҳои омехта соли 2018 оғоз кард ва тавонист дар чанд созмони маҳаллӣ ҳунарнамоӣ кунад. Нурулло охирин набарди худро моҳи сентябри соли гузашта анҷом дода, бо қарори якдилона пирӯз шуда буд.
АКС аз манбаъҳои боз
Дастаи мунтахаби наврасони Тоҷикистон дар Дубай се бозии дӯстона анҷом медиҳад
БАРНОМАИ РУШДИ ФУТБОЛ ДАР ТОҶИКИСТОН. Беш аз 15 ҳазор наврасон ба тамрини футбол фаро гирифта шуданд
Шурои мураббиёни ФФТ натиҷаи фаъолияти дастаҳоро ҷамъбаст ва нақшаҳои соли 2027-ро баррасӣ намуд
Варзишгари тоҷик Фатҳулло Одинаев дар марафони байналмилалии Ню-Йорк иштирок намуд
Ҳафт паҳлавони тоҷик дар Чемпионати ҷаҳон оид ба гӯштини кураш дар Қазоқистон иштирок менамоянд
Дастаи миллии Тоҷикистон оид ба футзал бо дастаи мунтахаби Узбекистон бозиҳои дӯстона анҷом медиҳад
Дар ноҳияи Абдураҳмони Ҷомӣ Мусобиқаи кушод оид ба гӯштини тарзи озод байни наврасон оғоз гардид
Наврасони Тоҷикистон баъди ғалаба дар дивизиони «D» дар Боку ба Ватан баргаштанд
Президенти Кумитаи паралимпии Осиё ба натиҷаи иштироки дастаи мунтахаби Тоҷикистон дар Бозиҳои паралимпии Осиё баҳои баланд дод
Дар деҳаи Варзоб — Қалъаи ноҳияи Варзоб майдончаи варзишӣ ба истифода дода шуд
Дастаи мунтахаби наврасони Тоҷикистон (U-17) бозии дуюми дӯстонаро бо Қатар мусовӣ анҷом дод
Дастаи мунтахаби наврасони Тоҷикистон (U-15) дар Чемпионати ҷаҳон-2026 оид ба футбол бар тимҳои Бермуд ва Филиппин пирӯз шуд
