Ҳамкорӣ ва табодули таҷриба миёни табибони Тоҷикистон ва Эрон густариш меёбад
ДУШАНБЕ, 29.10.2022 /АМИТ «Ховар»/. Аз 23 то 27 октябр Вазири тандурустӣ ва ҳифзи иҷтимоии аҳолии Ҷумҳурии Тоҷикистон бо сафари корӣ дар Ҷумҳурии Исломии Эрон қарор дошт, ки зимни он ҳамкории мутақобилан судманд доир ба омода кардани мутахассисони баландихтисоси соҳаи тиб, табодули таҷрибаи табибони ду мамлакат, ҷорӣ намудани усулҳои нави ташхис ва табобат, ҳамзамон ба роҳ мондани ҳамкорӣ дар самти коркарди гиёҳҳои шифобахш ва дигар масъалаҳои соҳаи тандурустӣ ва ҳифзи иҷтимоии аҳолӣ баррасӣ гардиданд.
Дар ин бора ба АМИТ «Ховар» дар маркази матбуоти Вазорати тандурустӣ ва ҳифзи иҷтимоии аҳолии мамлакат хабар доданд.
Дар доираи сафар Ҷамолиддин Абдуллозода бо Вазири беҳдошт, дармон ва омӯзиши пизишкии Ҷумҳурии Исломии Эрон доктор Баҳром Айнуллоҳӣ мулоқот намуд. Зимни суҳбат Ҷамолиддин Абдуллозода иброз дошт, ки «дар Тоҷикистон соҳаи ҳифзи солимии аҳолӣ яке аз самтҳои афзалиятноки рушди иқтисодиёти давлат ба шумор рафта, дар даҳсолаи охир ба дастовардҳои назаррас ноил гаштааст. Ин аз сиёсати хирадмандонаи Президенти Ҷумҳурии Тоҷикистон муҳтарам Эмомалӣ Раҳмон шаҳодат медиҳад. Дар айни замон теъдоди муассисаҳои тандурустии давлатӣ ва бунёди бунгоҳҳои саломатӣ бештар гардидааст. Инчунин фавти модарон ва кӯдакон хеле коҳиш ёфтааст, ки яке аз дастовардҳои беназири даврони соҳибистиқлолии мамлакат мебошад».
Зикр шуд, ки ин вохӯрӣ ҷиҳати ба роҳ мондани ҳамкорӣ дар самти омӯзиш, бозомӯзӣ, иштирок дар чорабиниҳои илмию амалии якдигар, машварат ва гуфтугӯ мусоидат менамояд.
Ҳамчунин дар доираи сафари корӣ ба Ҷумҳурии Исломии Эрон Вазири тандурустӣ ва ҳифзи иҷтимоии аҳолии мамлакат бо роҳбарияти Донишгоҳи улумипизишкӣ ва илми Машҳад, Донишгоҳи улумипизишкии ба номи Шаҳид Биҳиштӣ ва Донишгоҳи улумипизишкии шаҳри Шероз мулоқот намуд.
Зимни вохӯриҳо ҳамкории муассисаҳои олии таълимии ду мамлакат мавриди баррасӣ қарор дода шуда, дар ин самт якчанд созишномаҳои ҳамкорӣ ба имзо расиданд.
АКС: Вазорати тандурустӣ ва ҳифзи иҷтимоии аҳолии ҶТ
3 ДЕКАБР -РӮЗИ БАЙНАЛМИЛАЛИИ МАЪЮБОН. Давоми се соли охир дар Тоҷикистон нишондиҳандаи маъюбӣ 7 фоиз паст фароварда шуд
«БЕҲТАРИН ХИЗМАТЧИИ ДАВЛАТӢ АЗ ҲИСОБИ ЗАНОН». Имрӯз маросими ҷоизасупорӣ ба ғолибони озмуни ҷумҳуриявӣ баргузор гардид
Дохил шудан ба низоми хизмати давлатӣ ва фаъолият дар он барои ҳар хизматчии давлатӣ шараф ва ифтихор аст
ХУШҲОЛОНА ЗИНДАГӢ НАМО – АЗ ВАЗЪИ СОЛИМИИ ХУД ОГОҲ БОШ! Дар Академияи идоракунии давлатӣ вохӯрӣ баргузор гардид
ТАДБИРҲОИ БАЛАНД БАРДОШТАНИ МАҚОМИ ЗАН ДАР ҶОМЕА. Аз тасвиби ин Фармони таърихии Президенти Тоҷикистон 24 сол сипарӣ гашт
1 ДЕКАБР- РӮЗИ ҶАҲОНИИ МУБОРИЗА БО ВИРУСИ НОРАСОИИ МАСУНИЯТИ ОДАМ (ВНМО-ВИЧ/СПИД). Соли 2023 дар ҷаҳон тақрибан 1,7 миллион сирояти нав ба қайд гирифта шудааст
«БЕҲТАРИН ХИЗМАТЧИИ ДАВЛАТӢ АЗ ҲИСОБИ ЗАНОН». 77 довталаб аз ҳисоби занон ба даври ниҳоии озмуни ҷумҳуриявӣ роҳхат гирифтанд
ЗИМИСТОН ФАРО РАСИД. Дар моҳи аввали ин фасл Тоҷикистонро чӣ гуна ҳаво интизор аст?
Дар Донишгоҳи давлатии тиббии Тоҷикистон бо мақсади пешгирии бемориҳои ғайрисироятӣ конференсияи байналмилалӣ доир шуд
Намояндаи Тоҷикистон дар ҷаласаи нахустини Комиссия оид ба ҳуқуқи инсони Иттиҳоди Давлатҳои Мустақил дар Минск иштирок намуд
Дар Душанбе бо мақсади баланд бардоштани ҳамкорӣ дар соҳаи тандурустӣ ҷаласа доир гардид
Бонки Осиёи Рушд бо мақсади фарогирии хизматрасонии босифати тиббӣ ба ноҳияҳои таҷрибавӣ — Дарвоз, Данғара ва Айнӣ маблағи иловагӣ ҷудо менамояд
