Дар Душанбе бо иштироки доираи тиҷоратии Амрико фазои соҳибкориву сармоягузорӣ баррасӣ гардид
ДУШАНБЕ, 28.10.2022 /АМИТ «Ховар»/. Дар шаҳри Душанбе дар ҳамкорӣ бо Шӯрои соҳибкории Иёлоти Муттаҳидаи Амрико-Тоҷикистон бо доираи тиҷоратии Амрико ҳамоиш баргузор гардид. Дар ин бора ба АМИТ «Ховар» дар Кумитаи давлатии сармоягузорӣ ва идораи амволи давлатӣ хабар доданд.
Дар ҳамоиш роҳбарият ва масъулини Кумитаи давлатии сармоягузорӣ ва идораи амволи давлатӣ, роҳбарони вазорату идораҳо, роҳбарият ва аъзои Шӯрои соҳибкории Иёлоти Муттаҳидаи Амрико-Тоҷикистон, инчунин ширкатҳои бонуфузи амрикоӣ, аз қабили General Electric, Coca-Cola, Valley irrigation, VISA иштирок намуданд.
Дар ҳамоиш Раиси Кумитаи давлатии сармоягузорӣ ва идораи амволи давлатӣ Саъдӣ Қодирзода, роҳбарони вазорату идораҳо ва бахши хусусии ҳарду ҷониб сухан гуфтанд.
Дар ин раванд иштирокчиён вобаста ба фазои соҳибкориву сармоягузорӣ, имконияти сармоягузорӣ дар соҳаҳои саноат, кишоварзӣ, энергетика ва бонкӣ маълумот дарёфт намуда, ҷиҳати роҳандозӣ ва тавсеаи коршарикӣ бо ҳамтоёни тоҷикистонӣ изҳори ҳавасмандӣ карданд.
Дар ҷараёни ҳамоиш вохӯрии бахши хусусии Иёлоти Муттаҳидаи Амрико бо бахши давлатии Ҷумҳурии Тоҷикистон баргузор гардид.
Дар фарҷом аз иштирокчиён даъват ба амал оварда шуд, ки дар амалишавии лоиҳаҳои сармоягузорӣ ва тиҷоратӣ саҳм гузошта, ба ташкили корхонаҳои муштарак таваҷҷуҳ зоҳир намоянд.
АКС: Кумитаи давлатии сармоягузорӣ ва идораи амволи давлатии Ҷумҳурии Тоҷикистон
Ҳайати Тоҷикистон дар Тотористон бо фаъолияти корхонаҳои истеҳсолии парки технологии «ИСКРА-ВОЛГА» шинос шуд
Байни «Шабакаҳои интиқоли барқ»-и Тоҷикистон ва «Маркази илмӣ-техникии системаи ягонаи энергетикӣ»-и Русия Созишномаи ҳамкорӣ ба имзо расид
Рустам Минниханов: «Барои рушди ҳамкории бисёрҷониба байни Тоҷикистон ва Тотористон имконоти фаровон мавҷуданд»
Дар Қазон ҷаласаи 68-уми Шурои электроэнергетикии кишварҳои аъзои ИДМ баргузор шуд
«GEOSCIENCE & EXPLORATION CENTRAL ASIA». Ҳайати Тоҷикистон дар Форуми байналмилалии геологӣ иштирок намуд
Сармоягузорони Чин бо фаъолияти корхонаҳои истеҳсолии МОИ «Данғара» шинос шуданд
Вазири энергетика ва захираҳои оби Тоҷикистон дар Форуми байналмилалии электроэнергетикии Қазон – «ЭНЕРГОПРОМ» иштирок намуд
«Shohin Airlines» ҳавопаймои нави L410 NG харидорӣ менамояд
Вазири энергетикаи Тоҷикистон бо истеҳсоли таҷҳизоти турбинаҳои газии гурӯҳи ширкатҳои «АМКОР»-и Тотористон шинос шуд
Доир ба мушкилоти тағйирёбии иқлим, сабабҳо, пайомад ва усулҳои мутобиқшавӣ ба он китоб ба нашр расид
Дурнамои рушди ҳамкории гумрукӣ байни Тоҷикистон ва Корея баррасӣ гардид
Хуршед Каримзода дар ҳамоиши байналмилалии «Такмили экосистемаи ҷаҳонии савдо» дар Корея иштирок намуд
