Маркази миллии тестӣ дар 300 муассисаи таҳсилоти миёнаи умумӣ имтиҳонҳои озмоишӣ баргузор менамояд
ДУШАНБЕ, 27.10.2022 /АМИТ «Ховар»/. Аз 22 октябр то 20 декабри соли равон Маркази миллии тестии назди Президенти Ҷумҳурии Тоҷикистон дар зиёда аз 300 муассисаи таҳсилоти миёнаи умумии ҷумҳурӣ бо хатмкунандагон имтиҳонҳои озмоишӣ баргузор менамояд.
Тавре ба АМИТ «Ховар» дар маркази матбуоти Маркази миллии тестии назди Президенти Ҷумҳурии Тоҷикистон иттилоъ доданд, аввалин имтиҳонҳои озмоишӣ барои имсол дар муассисаҳои таҳсилоти миёнаи умумии №12, 16, 48, 31, 97-и шаҳри Панҷакент бо фарогирии 240 нафар хатмкунандагон гузаронида шуданд. Инчунин ба шуъбаҳои маорифи шаҳру ноҳияҳои кишвар шакли электронии китобчаҳои тестии имтиҳонҳои озмоишӣ ирсол шуд.
Имтиҳонҳои озмоишӣ дар дигар шаҳру ноҳияҳои ҷумҳурӣ низ тибқи нақша ба роҳ монда мешаванд.
Имтиҳонҳои озмоишӣ дар ҳамкорӣ бо Вазорати маориф ва илми мамлакат бо мақсади муайян намудани сатҳи дониши хатмкунандагон аз фанҳои имтиҳонӣ, шиносоии онҳо бо тарҳи маҷмӯи фанҳои имтиҳонӣ ва таркиби саволу масъалаҳои тест, баланд бардоштани масъулияти хатмкунандагон барои супоридани имтиҳонҳо аз рӯйи тарҳи нави маҷмӯи фанҳои имтиҳонии низоми Имтиҳонҳои марказонидаи дохилшавӣ ба муассисаҳои таълимии таҳсилоти миёна ва олии касбӣ доир мегарданд.
Дар сомонаи расмии Маркази миллии тестии назди Президенти Ҷумҳурии Тоҷикистон низ шакли электронии тарҳи нави маҷмӯи китобчаҳои тестии имтиҳонҳои озмоишӣ гузошта шуд, то ки хатмкунандагон бо он мустақилона шинос шаванд.
АКС аз бойгонии АМИТ «Ховар»
Имрӯз даври асосии имтиҳонҳои марказонидаи дохилшавӣ ба муассисаҳои таълимии таҳсилоти миёнаи касбӣ ва олии касбӣ оғоз гардид
Доир ба ташаббуси навбатии ҷаҳонии Тоҷикистон конфронси илмӣ-назариявӣ баргузор шуд
Дар Донишгоҳи байналмилалии забонҳои хориҷии Тоҷикистон бахшида ба Даҳсолаи байналмилалӣ оид ба таҳкими сулҳ ҳамоиши илмӣ баргузор шуд
Ректори Донишгоҳи давлатии Кӯлоб: «Фарҳанги сулҳ пурарзиштарин неъмат ва беҳтарин дастоварди халқи тоҷик мебошад»
Дар Донишгоҳи миллӣ аз саҳми намоёни Тоҷикистон дар густариши сулҳи ҷаҳонӣ ёдовар шуданд
ПЕШВОИ ВАҲДАТОФАРУ СУЛҲПАРВАР — ИҚБОЛИ БАЛАНДИ МИЛЛАТ. Андешаҳои ректори Донишгоҳи давлатии Бохтар дар ин хусус
МАСЛИҲАТ БА ДОВТАЛАБ. Дар рӯзи имтиҳонҳои дохилшавӣ чӣ бояд кард?
Ваҳдати миллӣ шарти асосии ҳифз, таҳким ва пойдории истиқлолият гардид
Аз 1 июл даври асосии имтиҳонҳои марказонидаи дохилшавӣ ба муассисаҳои миёна ва олии касбӣ оғоз мегардад
ЭМОМАЛӢ РАҲМОН – ПЕШВОИ ВАҲДАТОФАР! Ба қадри неъмати бебаҳо – Ваҳдати миллӣ бирасем
Дар Донишгоҳи байналмилалии сайёҳӣ ва соҳибкории Тоҷикистон неругоҳи офтобӣ бо иқтидори 150 кВт ба истифода дода шуд
Дар Донишгоҳи давлатии Кӯлоб оид ба нақши Ваҳдати миллӣ дар ташаккули ҷомеаи шаҳрвандӣ ҳамоиш баргузор шуд
