ОМОДАГӢ БА ЗИМИСТОН. Марказҳои барқу гармидиҳии шаҳри Душанбе пурра ба кор даромаданд
ДУШАНБЕ, 18.10.2022 /АМИТ «Ховар»/. Марказҳои барқу гармидиҳии шаҳри Душанбе пурра ба реҷаи корӣ даромада, рӯзҳои наздик сокинони 4 ноҳияи пойтахт бо оби гарми қубурӣ таъмин хоҳанд шуд. Дар ин бора зимни суҳбат бо мухбири АМИТ «Ховар» сухангӯи Ширкати «Барқи тоҷик» Нозирҷон Ёдгорӣ хабар дод.
Тавре иттилоъ дода шуд, МБГ №1-2 шаҳри Душанбе ҳанӯз аз 10 октябр ба кор шуруъ намуда, аз 14 октябр тақсимкунии оби гарм ба ноҳияи Исмоили Сомонӣ ва як қисми ноҳияи Сино ба роҳ монда шуд. Рӯзҳои наздик тамоми ноҳияҳои пойтахти кишвар бо оби гарми қубурӣ таъмин мегарданд.
Ба иттилои Сардори басти неругоҳи МБГ-2 шаҳри Душанбе Наимҷон Ҳақназаров, дар айни замон маркази мазкур дар як соат 400 МГВ қувваи барқ истеҳсол намуда, захираи имсола 900 ҳазор тонна ангиштро ташкил медиҳад. «Маркази барқу гармидиҳии Душанбе-2 ҳоло бо тамоми қувва ба фаъолият оғоз намудааст, ки дар як шабонарӯз 5400-5500 тонна ангишт масраф мешавад. Вақте аз оби гарми қубурӣ истифода мебарем, барқ 3 маротиба сарфа мешавад»,-изҳор медорад ӯ.
Бино ба маълумоти расмӣ, дар мавсими тирамоҳу зимистони солҳои 2021-2022 аз тарафи марказҳои барқу гармидиҳии шаҳри Душанбе дар якҷоягӣ бо дегхонаҳои шарқиву ғарбӣ 2767 иншоот бо гармӣ таъмин гардиданд.
Имсол дар мавсими солҳои 2022-2023 аз ҳисоби тамоми манбаъҳои гармидиҳӣ- МБГ №1, №2 ва дегхонаҳо бояд 3 ҳазор иншоот бо оби гарми қубурӣ таъмин карда шаванд.
АКС: АМИТ «Ховар»
DITE-2025. Бо ташаббуси Рустами Эмомалӣ Душанбе ба маркази сайёҳии минтақа табдил меёбад
Дар Душанбе 37 фоизи кӯдакони синни томактабӣ ба таълиму тарбияи аввалия фаро гирифта шудаанд
15 июл иҷлосияи дуюми Маҷлиси вакилони халқи шаҳри Душанбе, даъвати ҳафтум баргузор мегардад
ТАЪТИЛИ БОФАРОҒАТ. Дар Душанбе 47 майдончаи тандурустиву солимгардонӣ ташкил гардидааст
ҶОМИ РАИСИ ШАҲРИ ДУШАНБЕ. Мусобиқаи футболи хурд байни кормандони вазорату идораҳо ҷамъбаст шуд
Иҷлосияи дуюми Маҷлиси вакилони халқи шаҳри Душанбе, даъвати ҳафтум баргузор мегардад
Пагоҳ дар Душанбе ба муносибати Рӯзи Ваҳдати миллӣ барномаи фарҳангӣ доир мешавад
Дилбар Одилзода: «Ваҳдати миллӣ ва рушди зан дар Тоҷикистон ду раванди бо ҳам пайвастанд»
Раиси шаҳри Душанбе бинои шуъбаи Вазорати корҳои дохилӣ дар ноҳияи Исмоили Сомониро ифтитоҳ намуданд
Рустами Эмомалӣ роҳи мошингарди кӯчаи Бухоро пайваст ба кӯчаи Ҳабибулло Назаровро мавриди истифода қарор доданд
Рустами Эмомалӣ бо Шайх Сурур бин Муҳаммад Оли Наҳён мулоқот намуданд
Тавсеаи робитаҳои бародаршаҳрӣ байни Душанбе ва Теҳрон баррасӣ гардид
