АМАЛҲОИ МУШТАРАК БАР ЗИДДИ ТАҲДИДҲОИ ҶАҲОНӢ. Ҳайати Тоҷикистон дар конференсияи Фаронса иштирок дорад
ДУШАНБЕ, 28.11.2022 /АМИТ «Ховар»/. 28 ноябр дар шаҳри Лиони Ҷумҳурии Фаронса конференсияи ҳарсолаи роҳбарони Бюрои миллии марказии Интерпол дар мавзӯи «Амалҳои муштарак бар зидди таҳдидҳои ҷаҳонӣ» оғоз гардид, ки дар он Ҷумҳурии Тоҷикистонро сардори Хадамоти давлатии «Муҳофиза»-и Вазорати корҳои дохилӣ, генерал-майори милитсия Анварҷон Ализода, сардори Бюрои миллии марказии «Интерпол»-и ВКД Ҷумҳурии Тоҷикистон Шаҳриёр Назриев ва дигар шахсони расмӣ намояндагӣ доранд, хабар медиҳад АМИТ «Ховар» бо истинод ба Вазорати корҳои дохилии Ҷумҳурии Тоҷикистон.
28 ноябр дар ҷараёни конференсияи мазкур аз ҷониби мутахассисони Котиботи генералии Интерпол мавзӯъҳои «Баланд бардоштани самаранокӣ: аввалан маълумот”, «Роҳ ба биометрияи нав”, “Имконият ва парвандаҳои оқилона”, “Набудани пойгоҳи додаҳои ДНК-и инсон ва беҳтар кардани сифат ва миқдори маълумоти биометрӣ” ва дигар мавзӯъҳои мубрам мавриди омӯзиш қарор гирифтанд.
Зимни конференсия музокираю мубоҳисаҳо сурат гирифта, иштирокдорон оид ба тақвияти имконияти полиси байналмилалӣ дар самти ҷустуҷӯи байналмилалӣ, мубориза бар зидди ҷиноятҳои кибернетикӣ ва дигар масъалаҳое, ки бевосита ба фаъолияти кории ин созмон тааллуқ доранд, фикру ақидаҳояшонро иброз доштанд.
Конференсияи мазкур то 30 ноябр идома ёфта, аз ҷараёни он иловатан иттилоъ медиҳем.
Акс: ВКД ҶТ
Ҷаласаи корӣ бо иштироки роҳбарони мақомоти марказии иҷроияи ҳокимияти давлатии Ҷумҳурии Тоҷикистон доир гардид
ПЕШГИРИИ СӮХТОР. Қоидаҳо бар зидди сӯхторро қатъиян бояд риоя намуд
Милитсияи пойтахт аз шаҳрвандон талаб намуд, ки аз фурӯшу паҳнсозӣ ва истифодаи маводи тарфгарӣ худдорӣ кунанд
Ба муносибати таъсиси Воҳидҳои таъйиноти махсуси милитсия дар вилоятҳои Суғд, Хатлон ва Бадахшон ҷамъомади тантанавӣ доир шуд
РӮЗИ ТАЪСИСИ ВОҲИДҲОИ ТАЪЙИНОТИ МАХСУСИ МИЛИТСИЯ. Кормандони ин ниҳод вазифаҳои душвору масъулиятнок бар зимма доранд
Дар Минск вохӯрии вазирони корҳои дохилии Тоҷикистон ва Беларус баргузор гардид
Изҳороти Маркази матбуоти Қӯшунҳои сарҳадии Кумитаи давлатии амнияти миллии Ҷумҳурии Тоҷикистон
«МУҚОВИМАТ БО КОРРУПСИЯ ДАР СОҲАИ ТИҶОРАТ». Дар Душанбе таҳти ин унвон форуми байналмилалӣ баргузор мешавад
Дар Душанбе оид ба усулҳои нави ҷамъоварии маълумот дар самти муқовимат ба савдои одамон ҷаласа доир шуд
Нақшаи даъвати тирамоҳии шаҳрвандони Тоҷикистон ба сафи Артиши миллӣ пурра иҷро гардид
Ҳайати Тоҷикистон дар конференсияи 26-уми байналмилалии раисони судҳои олии кишварҳои ҷаҳон иштирок намуд
ҚОИДАҲОИ БЕХАТАРӢ АЗ СӮХТОРРО РИОЯ НАМОЕД! Дар Тоҷикистон беш аз 900 ҳодисаи сӯхтор ба қайд гирифта шудааст
