Дар Тоҷикистон то 27 ноябр ҳавои бебориш пешгӯӣ мешавад
ДУШАНБЕ, 22.11.2022 /АМИТ «Ховар»/. Тайи чанд рӯз аст, ки дар Тоҷикистон ҳаво бебориш буда, ҳарорат то 18 дараҷаро ташкил медиҳад. Ин гуна ҳаво то 27 ноябр идома ёфта, дар шаҳри Душанбе ҳаво рӯзона аз 18 то 20 дараҷа гарм мешавад, иттилоъ доданд ба АМИТ «Ховар» дар Агентии обуҳавошиносии мамлакат.
Дар вилояти Хатлон ҳарорат то имрӯз аз 16 то 19 дараҷаро ташкил медод. Аз 23 то 26 ноябр дар вилоят ҳавои тағйирёбандаи бебориш пешгӯӣ мешавад.
Аз 23 то 27 ноябр дар вилояти Суғд ҳавои тағйирёбандаи асосан бебориш ҳукмфармо мешавад. Ҳаво дар водиҳо рӯзона 14 ва дар
ноҳияҳои кӯҳӣ 8 дараҷа гарм мешавад.
Ноҳияҳои тобеи ҷумҳуриро низ дар ин рӯзҳо ҳавои тағйирёбандаи бебориш интизор аст. Дар баъзе ноҳияҳо тормеғ мефарояд. Ҳаво дар водиҳо аз 7 то 18 дараҷа гарм, дар ноҳияҳои кӯҳӣ шабона аз 4 дараҷа хунук ва то 1 дараҷа гарм, рӯзона 11 дараҷа гарм мешавад.
Дар ВМКБ тӯли ин рӯзҳо ҳавои тағйирёбандаи бебориш дар назар аст. Ҳаво дар ғарби вилоят рӯзона 6 дараҷа гарм ва дар шарқи вилоят 6 дараҷа хунук мегардад.
Ба иттилои олимони соҳаи кишоварзӣ, ҳавои ин шабу рӯз ба деҳқонон имкон медиҳад, ки ҳосили дар саҳро бударо сари вақт ҷамъ оваранд. Зеро ҳоло мавсими ҷамъоварии ҳосили пахта, биринҷ ва мевагиҳо мебошад.
Тавре ба АМИТ «Ховар» дар Вазорати кишоварзии мамлакат иттилоъ доданд, ҳоло бо истифода аз рӯзҳои мусоиди офтобӣ кишоварзон ҳосили пахтаро беталаф ҷамъварӣ намуда истодаанд. То 18 ноябр дар ҷумҳурӣ 391 ҳазору 965 тонна пахта ҷамъоварӣ шудааст, ки нисбат ба ҳамин давраи соли гузашта 5340 тонна зиёд мебошад.
Инчунин ҳосили умумии ғалладонагиҳои ҷамъоваришуда дар ҷумҳурӣ то 18 ноябр беш аз 975 ҳазор тоннаро ташкил медиҳад, ки нисбат ба соли 2021 84577 тонна зиёд мебошад.
АКС: АМИТ «Ховар»
Дар Душанбе нахустин маротиба Рӯзи кормандони соҳаи суғуртаи иҷтимоӣ ва нафақа таҷлил гардид
ҒИЗОИ СОЛИМ. Омили афзоиши бемории диабети қанд истеъмоли ғизои аз ҳад зиёд ва номутаносиб мебошад
1 ИЮЛ — РӮЗИ КОРМАНДОНИ СОҲАИ СУҒУРТАИ ИҶТИМОӢ ВА НАФАҚА. Дар солҳои соҳибистиқлолӣ андозаи нафақаҳо зиёда аз 20 маротиба зиёд карда шуд
Дар Душанбе дар мавзуи «Сиёсисозии ислом ва хатари он ба амнияти сиёсӣ ва суботи ҷомеа» ҳамоиши илмӣ доир мегардад
Маросими видоъ бо раиси марҳуми Вилояти Мухтори Кӯҳистони Бадахшон Алишер Мирзонабот баргузор гардид
ОГОҲӢ! Аз 1 то 3 июл дар баъзе минтақаҳои Тоҷикистон омадани селҳои хусусияти маҳаллидошта пешгӯӣ мешавад
Оид ба амалишавии Стратегияи миллии фаъолгардонии нақши занон дар Тоҷикистон конференсия доир шуд
Як гурӯҳ модарон бо шароити хизмати ҳарбии сарбозони яке аз қисми низомӣ дар ноҳияи Данғара шинос шуданд
Пагоҳ Форуми ҷумҳуриявии «Маърифати ҳуқуқӣ — омили рушди давлати ҳуқуқбунёд» доир мешавад
Дар Кумита оид ба таҳсилоти ибтидоӣ ва миёнаи касбӣ бахшида ба Даҳсолаи байналмилалӣ оид ба таҳкими сулҳ ҳамоиши тантанавӣ баргузор шуд
Дар Агентии суғуртаи иҷтимоӣ ва нафақа оид ба саҳми Пешвои миллат дар пойдории сулҳ ва ваҳдати миллӣ филми ҳуҷҷатӣ намоиш дода шуд
Дар Кумитаи кор бо занон ва оила бахшида ба қабули қатъномаи Даҳсолаи байналмилалӣ оид ба таҳкими сулҳ барои наслҳои оянда ҳамоиш доир шуд
