НАТО хароҷоти умумии мудофиавиро ба андозаи 350 миллиард доллар зиёд мекунад

ДУШАНБЕ, 22.11.2022 /АМИТ «Ховар/. Кишварҳои Иттиҳоди Атлантикаи Шимолӣ хароҷоти умумии дифоии худро нисбат ба соли 2014 350 миллиард доллар зиёд намуданд. Дар ин бора котиби генералии НАТО Йенс Столтенберг дар нишасти ассамблеяи Парлумонии ин иттиҳод дар Мадрид изҳор дошт, иттилоъ медиҳад АМИТ «Ховар» бо истинод ба ТАСС.

Ба гуфтаи Столтенберг, имсоли соли ҳаштум аст, ки НАТО хароҷоти мудофиавии худро зиёд мекунад. «Маблағи иловагие, ки мо аз соли 2014 барои дифоъ харҷ мекунем, то охири сол ба 350 миллиард доллар мерасад»,-зикр намуд сиёсатмадор.

Дар ҳамин замина Столтенбург изҳор кард, ки кишварҳои НАТО мебояд дар оянда низ хароҷотро барои дифоъ зиёд намоянд. Ӯ иброз дошт, ки барои мудофиа ҷудо кардани 2 фоизи ММД-ро аъзои иттиҳод бояд ҳамчун ҳадди миёна ҳисоб кунанд, на баландтарин. Тибқи ҳисобҳои НАТО, соли гузашта буҷаи умумии дифои 30 давлати иттиҳод 1,05 триллион долларро ташкил додааст.

АКС: unsplash.com