ОБУ ҲАВО. Аз 5 то 8 ноябр дар Тоҷикистон хавфи боридани боронҳои бошиддат боқӣ мемонад

ДУШАНБЕ, 05.11.2022. /АМИТ «Ховар»/.  Аз 5 то 8 ноябр дар ноҳияҳои тобеи ҷумҳурӣ, ноҳияҳои доманакӯҳии вилояти Хатлон ва ноҳияи Дарвози ВМКБ хавфи ба амал омадани бориши боронҳои бошиддат боқӣ мемонад, иттилоъ доданд ба АМИТ «Ховар» дар Агентии обуҳавошиносии Тоҷикистон.

Имрӯз дар Вилояти Мухтори Кӯҳистони Бадахшон ҳаво қисман абрнок шуда, дар ноҳияҳои алоҳида бориши борон ва барф ба амал меояд. Шамол аз самти шарқ бо гузариш ба ғарб бо суръати 4-9 метр дар як сония мевазад. Ҳаво дар ғарби вилоят  шабона 1+4 дараҷа гарм, рӯзона 4+9дараҷа  гарм, дар шарқи вилоят шабона 5-10 дараҷа хунук ва рӯзона аз 1 дараҷа хунук то 4 дараҷа гарм мешавад.

Дар вилояти Суғд ҳаво қисман абрнок шуда, дар водиҳо дар баъзе ҳолатҳо борон меборад. Дар ноҳияҳои кӯҳӣ бориши борон ва барф, дар ноҳияҳои алоҳидаи кӯҳӣ ва доманакӯҳ борони  бошиддат ба амал меояд. Шамол аз самти ғарб бо суръати 4-9,  дар ноҳияҳои алоҳида бо шиддатнокии то 12-17 метр дар як сония мевазад. Ҳаво дар водиҳо шабона 6+11 дараҷа гарм, рӯзона 11+16 дараҷа гарм, дар ноҳияҳои кӯҳӣ шабона аз 2 дараҷа хунук то 3 дараҷа гарм,  рӯзона 4+9 дараҷа гарм мешавад.

Дар вилояти Хатлон ҳавои  қисман абрнок шуда, дар баъзе ноҳияҳо борон меборад. Дар ноҳияҳои доманакӯҳ борони пуршиддат меборад. Шамол аз самти ғарб бо суръати 4-9 метр дар як сония мевазад. Ҳаво дар водиҳо шабона 9+14 дараҷа гарм, рӯзона 15+20 дараҷа гарм, дар доманакӯҳҳо шабона 4+9  дараҷа гарм, рӯзона 10+15 дараҷа гарм мешавад.

Дар шаҳру ноҳияҳои тобеи марказ ҳаво қисман абрнок шуда, дар водиҳо дар баъзе ҳолатҳо борон меборад. Дар ноҳияҳои кӯҳӣ бориши борон ва барф ва  дар ноҳияҳои кӯҳӣ дар баъзе ҳолатҳо борони пуршиддат ба амал меояд. Шамол аз самти ғарб бо суръати 4-9 метр дар як сония мевазад. Ҳаво дар водиҳо шабона 6+11 дараҷа гарм ва рӯзона 12+17 дараҷа гарм, дар ноҳияҳои кӯҳӣ шабона 0+5 дараҷа гарм, рӯзона 5+10 дараҷа гарм мешавад.

Дар Душанбе ҳавои абрнок шуда, шабона борон, дар баъзе ҳолатҳо борони бошиддат меборад. Рӯзона ҳавои асосан бебориш дар назар аст. Шамол аз самти ғарб бо суръати 4-9 метр дар як сония мевазад. Ҳаво шабона 10+11 дараҷа гарм ва рӯзона 15+17 дараҷа гарм мешавад.

АКС аз бойгонӣ