ОБУ ҲАВО. Имрӯз дар ноҳияҳои кӯҳии Тоҷикистон бориши борон ва барф дар назар аст

ДУШАНБЕ, 02.11.2022. /АМИТ «Ховар»/. Имрӯз дар ноҳияҳои кӯҳии ҷумҳурӣ бориши борон ва барф дар назар аст, иттилоъ доданд ба АМИТ «Ховар» дар Агентии обуҳавошиносии Тоҷикистон.

Имрӯз дар Вилояти Мухтори Кӯҳистони Бадахшон ҳаво қисман абрнок шуда, дар ноҳияҳои алоҳида бориши борон ва барф дар назар аст. Шамол аз самти шарқ бо гузариш ба ғарб бо суръати 4-9 метр дар як сония мевазад. Ҳаво дар ғарби вилоят  шабона 0+5 дараҷа гарм, рӯзона 6+11 дараҷа  гарм, дар шарқи вилоят шабона 5-10 дараҷа хунук ва рӯзона 1+6 дараҷа гарм мешавад.

Дар вилояти Суғд ҳаво қисман абрнок шуда, дар водиҳо баъзан ҳолатҳо боридани борон дар назар аст. Дар ноҳияҳои кӯҳӣ бориши борон ва барф ва рӯзона дар баъзе ноҳияҳо бошиддат ба амал меояд.  Шамол аз самти ғарб бо суръати 5-10 метр дар як сония мевазад. Ҳаво дар водиҳо шабона 9+14 дараҷа гарм, рӯзона 11+16 дараҷа гарм, дар ноҳияҳои кӯҳӣ шабона аз 1 дараҷа хунук о 4 дараҷа гарм,  рӯзона 5+10 дараҷа гарм мешавад.

Дар вилояти Хатлон ҳавои  қисман абрнок, дар ноҳияҳои алоҳида дар баъзе ҳолатҳо борон меборад. Дар гурӯҳи ноҳияҳои минтақаи Кӯлоб борони бошиддат меборад. Шамол аз самти ғарб бо суръати 4-9, дар ноҳияҳои алоҳида бо шиддати 12-17 метр дар як сония мевазад. Ҳаво дар водиҳо шабона 9+14 дараҷа гарм, рӯзона 16+21 дараҷа гарм, дар доманакӯҳҳо шабона 4+9  дараҷа гарм, рӯзона 11+16 дараҷа гарм мешавад.

Дар шаҳру ноҳияҳои тобеи марказ ҳаво абрнок шуда, дар водиҳо боридани борон дар назар аст. Дар ноҳияҳои кӯҳӣ бориши борон ва барф, дар баъзе ноҳияҳо бориши бошиддат ба амал меояд. Шамол аз самти ғарб бо суръати 4-9 метр дар як сония мевазад. Ҳаво дар водиҳо шабона 7+12 дараҷа гарм ва рӯзона 12+17 дараҷа гарм, дар ноҳияҳои кӯҳӣ шабона 1+6 дараҷа гарм, рӯзона 6+11 дараҷа гарм мешавад.

Дар Душанбе ҳавои абрнок шуда, дар баъзе ҳолатҳо борон ва рӯзона бошиддат меборад. Шамол аз самти ғарб бо суръати 3-8 метр дар як сония мевазад. Ҳаво шабона 10+12 дараҷа гарм ва рӯзона 14+16 дараҷа гарм мешавад.