СУТ БОНГИ ХАТАР МЕЗАНАД! Дар минтақаи аврупоии созмон, аз ҷумла дар Осиёи Марказӣ аз се як нафар антибиотикҳоро бе дорухат истифода мебарад

ДУШАНБЕ, 22.11.2022 /АМИТ «Ховар/.  Танҳо аз се ду ҳиссаи одамон дар 14 кишвари минтақаи Аврупои шарқии СУТ, ки дар як назарсанҷии охир ширкат доштанд, гуфтанд, ки давраи табобати охирини онҳо бо антибиотикҳо аз рӯи дорухати духтур сурат гирифт. Ҳар сеюмин нафар ё антибиотикҳои аз дорухати қаблӣ боқимондаро истифода мебурд ё онҳоро аз дорухона ё аз ҷои дигар бидуни дорухат дастрас намудааст. Дар ин бора АМИТ «Ховар» бо истинод ба Хадамоти хабарии СММ иттилоъ медиҳад.

Тибқи маълумоти назарсанҷии охирини Комиссияи Аврупо, ин дар муқоиса  ба кишварҳои Иттиҳоди Аврупо тақрибан се маротиба бештар аст.

Ин маълумоти муқаддимавӣ аз тадқиқоти нав оид ба муқовимати зиддимикробӣ гирифта шудааст, ки бори аввал дар қисмати шарқии минтақа, аз ҷумла Қафқоз ва Осиёи Марказӣ анҷом дода шудааст.

Иттилоъ дода шуд, ки танҳо дар ИА ҳамасола беш аз 35 000 нафар дар натиҷаи сироятҳое, ки тавассути антибиотикҳо табобат намешаванд, мефавтанд.

АКС: Бонки ҷаҳонӣ