ТУҒЁНИ ЭҲСОСОТ. Шоҳроҳи Помир ба ТОП 10 зеботарин роҳҳои сайёра дар соли 2022 шомил гардид!
ДУШАНБЕ, 22.11.2022 /АМИТ «Ховар»/. Дар рейтинги зеботарин роҳҳои сайёра дар соли 2022 шоҳроҳи Помир ба ТОП-10 зеботарин роҳҳои сайёра шомил шуда, дар раддабандӣ ҷои сеюми ифтихориро ишғол кард ва танҳо баъд аз роҳҳои зебои Фаронса ва ИМА ҷой гирифт. Рейтинг дар автосомонаи rating-avto.ru нашр шудааст, иттилоъ медиҳад хабарнигори АМИТ «Ховар».
Ба гуфтаи тартибдиҳандагони ин рейтинг, «Шоҳроҳи Помир- баландтарин роҳи хокии сайёра буда, аз Душанбе то ба Вилояти Мухтори Кӯҳистони Бадахшон мегузарад ва шаҳри Хоруғи Тоҷикистонро бо Ӯши Қирғизистон мепайвандад.
Роҳ аз чанд ағба мегузарад, ки пасттаринаш Талдиқ дар баландии 3600 метр аз сатҳи ҷаҳон ҷойгир буда, ағбаи Оқбайтал (4650 метр) ба нуқтаи болои «Боми ҷаҳон», чунонки Помирро аз замонҳои қадим меноманд, ҳамшафат аст. Дар ҳар сурат қуллаи Ленин (аз соли 2006 — қуллаи Абуалӣ ибни Сино ё Авитсенна — тавзеҳи АМИТ «Ховар») бо баландии 7135 метр, воқеъ дар ҳудуди Боғи миллии Помир, аз гузаргоҳ хеле хуб намоён аст. Аз кӯли кӯҳи Қарокул (аз сатҳи баҳр 3915 метр баланд) роҳи хушманзара, ки манзараҳои зебо ва дилрабо дорад, мегузарад, маҳз дар ҳамин ҷо нуқтаи ин роҳ аз доманаи Помири Калон мегузарад. Дар ин ҷо шумо тамоми аҷоиботи барои роҳҳои кӯҳӣ хосро пайдо мекунед — нақбҳо, дараҳо, растаниҳои нодир ва ҳатто деҳаҳои камёфт. Ва, албатта, рамаҳои гӯсфандоне, ки ба сокинони маҳаллӣ тамоми чизи барои ҳаёт заруриро медиҳанд. Омода бошед, ки дар роҳ дар қатори мошинҳои боркаш хару хачирҳое, ки бо ҳар гуна борҳои вазнин равонанд, ба чашм мерасанд».
ДАР АКС: шоҳроҳи Помир
Ёдовар мешавем, ки шоҳроҳи бузурги Помир бо дарозии беш аз 1200 километрро соли 1933 22 ҳазор сокини Тоҷикистон ҳамагӣ дар 110 рӯз бунёд карда буданд. Соли оянда, соли 2023 ба кори ба истифода додани шоҳроҳ расо 90 сол пур мешавад. Бояд гуфт, ки дар раддабандии 10 зеботарин роҳи ҷаҳон дар соли 2022 дараи Вердон (ҷанубу шарқии Фаронса, Прованс) ҷои аввалро ишғол мекунад. Дар ҷои дуюм шоҳроҳи Далтон (Аляска, ИМА) ҷойгир аст. Ба даҳ роҳи зебои беҳтарин инчунин шоҳроҳи Трансфэгэраш (Руминия), шоҳроҳи Чуйский (ҳудуди Олтойи Россия), роҳи Атлантик (Норвегия), «Роҳи баландкӯҳҳо»-и Тянмен (Чин), хатсайри 40 (Аргентина), Роҳи бузурги уқёнус ва Доираи Бузург (Колорадо, ИМА) дохил шудаанд.
АКС: rating-avto.ru
Дар Душанбе нахустин маротиба Рӯзи кормандони соҳаи суғуртаи иҷтимоӣ ва нафақа таҷлил гардид
ҒИЗОИ СОЛИМ. Омили афзоиши бемории диабети қанд истеъмоли ғизои аз ҳад зиёд ва номутаносиб мебошад
1 ИЮЛ — РӮЗИ КОРМАНДОНИ СОҲАИ СУҒУРТАИ ИҶТИМОӢ ВА НАФАҚА. Дар солҳои соҳибистиқлолӣ андозаи нафақаҳо зиёда аз 20 маротиба зиёд карда шуд
Дар Душанбе дар мавзуи «Сиёсисозии ислом ва хатари он ба амнияти сиёсӣ ва суботи ҷомеа» ҳамоиши илмӣ доир мегардад
Маросими видоъ бо раиси марҳуми Вилояти Мухтори Кӯҳистони Бадахшон Алишер Мирзонабот баргузор гардид
ОГОҲӢ! Аз 1 то 3 июл дар баъзе минтақаҳои Тоҷикистон омадани селҳои хусусияти маҳаллидошта пешгӯӣ мешавад
Оид ба амалишавии Стратегияи миллии фаъолгардонии нақши занон дар Тоҷикистон конференсия доир шуд
Як гурӯҳ модарон бо шароити хизмати ҳарбии сарбозони яке аз қисми низомӣ дар ноҳияи Данғара шинос шуданд
Пагоҳ Форуми ҷумҳуриявии «Маърифати ҳуқуқӣ — омили рушди давлати ҳуқуқбунёд» доир мешавад
Дар Кумита оид ба таҳсилоти ибтидоӣ ва миёнаи касбӣ бахшида ба Даҳсолаи байналмилалӣ оид ба таҳкими сулҳ ҳамоиши тантанавӣ баргузор шуд
Дар Агентии суғуртаи иҷтимоӣ ва нафақа оид ба саҳми Пешвои миллат дар пойдории сулҳ ва ваҳдати миллӣ филми ҳуҷҷатӣ намоиш дода шуд
Дар Кумитаи кор бо занон ва оила бахшида ба қабули қатъномаи Даҳсолаи байналмилалӣ оид ба таҳкими сулҳ барои наслҳои оянда ҳамоиш доир шуд
