Вакили Маҷлиси намояндагони Тоҷикистон дар ҷаласа оид ба ҳифзи ҳуқуқҳои инсон дар Истанбул иштирок намуд

Ноябрь 22, 2022 09:02

ДУШАНБЕ, 22.11.2022 /АМИТ «Ховар»/. 21-22 ноябр вакили Маҷлиси намояндагони Маҷлиси Олии Ҷумҳурии Тоҷикистон Мавлуда Мирзозода дар кори ҷаласаи муштараки Дафтари минтақавии Комиссари Олии Созмони Милали Муттаҳид оид ба ҳуқуқи инсон дар Осиёи Марказӣ ва Дафтари минтақавии Барномаи рушди СММ дар Истанбул, ки ба хотири пешбурд ва ҳифзи ҳуқуқҳои инсон дар баробари чолишҳои минтақавӣ ва ноустувориҳои ба ҳам пайвастаи марбут ба низоъ, тағйирёбии иқлим ва нақзи ҳуқуқи инсон баргузор гардид, иштирок намуд. Дар ин бора ба АМИТ «Ховар» котиби матбуоти Маҷлиси намояндагон Муҳаммадато Султонов хабар дод.

Вакили Маҷлиси намояндагони Маҷлиси Олии Ҷумҳурии Тоҷикистон Мавлуда Мирзозода дар назди иштирокчиёни ҷаласаи мазкур иброз намуд, ки «итминон дорам, ин вохӯрии минтақавӣ дар самти рушду таҳкими минбаъдаи робитаҳои мо дар соҳаи ниҳодҳои миллии ҳуқуқи башари кишварҳои Осиёи Марказӣ қадами муҳим хоҳад буд».

Дафтарҳои Комиссари Олии Созмони Милали Муттаҳид оид ба ҳуқуқи инсон ва Барномаи рушди СММ арзиши худро ҳамчун мақомоти муассири вокуниш ба пешбурд ва ҳифзи ҳуқуқи инсон бо истифода аз нуфузи муассисаҳои миллии ҳуқуқи инсон барои қабули қарорҳои сиёсати миллӣ ба таври боварибахш ва бо стандартҳои байналмилалӣ исбот кардаанд.

Тибқи муқаррароти моддаи 14-и Конститутсияи Ҷумҳурии Тоҷикистон ҳуқуқу озодиҳои инсон ва шаҳрванд тавассути Конститутсия, қонунҳои ҷумҳурӣ ва санадҳои ҳуқуқии байналмилалие, ки Тоҷикистон онҳоро эътироф кардааст, ҳифз карда мешаванд.

Дар айни замон Ҷумҳурии Тоҷикистон бо созмонҳои байналмилалӣ, дар соҳаи ҳуқуқи инсон бо дарназардошти намунаҳои институтҳои миллии ҳуқуқи инсон бо сохторҳои зерин -Комиссия оид ба иҷрои уҳдадориҳои байналмилалӣ дар соҳаи ҳуқуқи инсон, Ваколатдор оид ба ҳуқуқи инсон, шуъбаи кафолатҳои ҳуқуқи инсони Дастгоҳи иҷроияи Президенти Ҷумҳурии Тоҷикистон дар кишвар ҳамкории зич дорад.


Ин ниҳодҳо барои мусоидат ба иҷрои уҳдадориҳои байналмилалии Ҷумҳурии Тоҷикистон дар соҳаи ҳуқуқи инсон таъсис дода шудаанд.

Қонунгузории Ҷумҳурии Тоҷикистон барои ташаккули ҷомеаи шаҳрвандӣ заминаи устувор гузошта, рушди озоди ҳар шахс ва ҳуқуқу озодиҳои асосии инсон ва шаҳрванд, аз қабили озодии баён, гуногунандешӣ, ошкорбаёниро кафолат медиҳад.

Имрӯз дар Тоҷикистони муосир тадриҷан институтҳои гуногуни ҷомеаи шаҳрвандӣ, аз қабили созмонҳои ғайридавлатии ҳифзи ҳуқуқ ташаккул меёбанд. Онҳо ба ин ё он дараҷа таъсири худро ба раванди сиёсӣ, ҳифзи манфиатҳои шаҳрвандон ва тараққиёти ҷамъият мерасонанд.

«Мо ният дорем, ки минбаъд низ аз ин майдон барои таҳкими робитаҳои сиёсӣ, иқтисодӣ ва экологии байни кишварҳоямон ҳам дар заминаи бисёрҷониба ва ҳам дар заминаи дуҷониба масъалаҳои марбут ба ҳуқуқи инсонро фаъолона истифода намоем»,-гуфт дар фарҷом Мавлуда Мирзозода.

Ёдовар мешавем, ки ҷаласаи муштараки Дафтари минтақавии Комиссари Олии Созмони Милали Муттаҳид оид ба ҳуқуқи инсон дар Осиёи Марказӣ ва Дафтари минтақавии Барномаи рушди СММ дар Истанбул, ки ба хотири пешбурд ва ҳифзи ҳуқуқҳои инсон дар баробари чолишҳои минтақавӣ ва ноустувориҳои ба ҳам пайвастаи марбут ба низоъ, тағйирёбии иқлим ва нақзи ҳуқуқи инсон бахшида шудааст, шоми имрӯз, 22 ноябр анҷом меёбад.

Акс: МН МО ҶТ

Ноябрь 22, 2022 09:02

Хабарҳои дигари ин бахш

Вакили Маҷлиси намояндагон Барно Саидвализода бо сокинону интихобкунандагон дар ноҳияҳои Муъминобод, Шамсиддин Шоҳин ва Ховалинг вохӯрӣ намуд
Сомонаи нави Маҷлиси намояндагон ба фаъолият шуруъ намуд
Вакили Маҷлиси намояндагон бо масъулони соҳаи маорифи шаҳри Хуҷанд вохӯрӣ намуд
Мавсума Муинӣ дар Форуми парламентҳои осиёӣ оид ба аҳолӣ ва рушд доир ба ташаббусҳои Тоҷикистон дар соҳаи захираҳои об ва иқлим сухан намуд
Дар палатаи поёнии Парлумон бахшида ба Истиқлолияти давлатии Тоҷикистон ҳамоиши идона доир шуд
Дар Кӯлоб барномаҳои рушди иҷтимоию иқтисодӣ ва сиёсии Тоҷикистон баррасӣ гардиданд
Вакилони Маҷлиси намояндагон бо сокинони шаҳри Бохтар вохӯрӣ намуданд
Вакилони Маҷлиси намояндагон бо кормандону табибони шаҳри Хуҷанд мулоқот намуданд
Вакилони палатаи поёнии Парлумони Тоҷикистон дар шаҳру ноҳияҳо бо интихобкунандагон вохӯрӣ менамоянд
Истиқлолияти давлатӣ ва рушди парламентаризми миллӣ
Файзалӣ Идизода дар ноҳияи Сангвор бо интихобкунандагон вохӯрӣ намуд
Файзалӣ Идизода дар ноҳияи Лахш бо интихобкунандагон вохӯрӣ намуд