Вакилони Иҷлосияи ХVI Шӯрои Олии Ҷумҳурии Тоҷикистон аёдат карда шуданд
ДУШАНБЕ, 01.11.2022 /АМИТ «Ховар»/. Дар асоси нақшаи чорабиниҳои Маҷлиси намояндагони Маҷлиси Олии Ҷумҳурии Тоҷикистон вакилони мардумӣ Сурайё Дӯстмуродзода ва Ғиёсиддин Ашурзода вакилони Иҷлосияи ХVI Шӯрои Олии Ҷумҳурии Тоҷикистон Абдуманон Абдуразоқов ва Абдуваҳоб Мирзоевро аёдат намуданд. Дар ин бора ба АМИТ «Ховар» котиби матбуоти Маҷлиси намояндагон Муҳаммадато Султонов хабар дод.
Зимни аёдат ба вакилони Иҷлосияи ХVI Шӯрои Олӣ паёми роҳбарияти Маҷлиси намояндагон расонида шуда, барои хидматҳои бенуқсони чандинсола дар соҳаҳои гуногун ба нафъи халқу Ватан ва тарбияи кадрҳои болаёқату хештаншинос изҳори сипос баён гардид.
Тавре вакилон зикр доштанд, замоне, ки Иҷлосияи ХVI Шӯрои Олии Ҷумҳурии Тоҷикистон баргузор мегардид, ҳамаи мардумро яъсу ноумедӣ фаро гирифта буд, ҳеҷ кас ба ояндаи дурахшони кишвар бовар надошт, шумораи гурезагон аз хоки Тоҷикистон меафзуд, кишвар дар вартаи алангаи ҷанги таҳмилии шаҳрвандӣ қарор гирифта буд. Иҷлосияи мазкур бинобар сабаби авҷи даргириву нооромиҳо дар пойтахти мамлакат – шаҳри Душанбе дар Қасри Арбоби шаҳри Хуҷанд доир гардид.
Маҳз интихоби дурусти Раиси Шӯрои Олӣ буд, ки кишвар аз ҷанг бароварда шуд, гурезагони иҷборӣ ба Ватан баргардонида шуданд ва ниҳоят сулҳи деринтизор ба миллат ҳадя гардид. Ин иқдоми аввалини муҳтарам Эмомалӣ Раҳмон ба ҳайси Раиси Шӯрои Олӣ буд.
Тазаккур дода шуд, ки таҷрибаи сулҳофаринии Президенти Ҷумҳурии Тоҷикистон аз ҷониби созмонҳои бонуфузи дунё ҳамчун таҷрибаи нодир пазируфта шуда, дар кишварҳои ҷангзада мавриди омӯзиш ва амал қарор мегирад.
Таъкид гардид, ки имрӯз вазъи ҷомеаи ҷаҳон бисёр мураккаб гашта, ба пойдории истиқлолияти баъзе кишварҳо таҳдиду хатар пеш омадааст.
-Дар ин марҳилаи ҳассос ҳар шаҳрванди мамлакатро зарур аст, ки дар атрофи сиёсати сулҳҷӯёна, башардӯстона, дурандешона ва созандаи фарзанди барӯманди миллат- муҳтарам Эмомалӣ Раҳмон сарҷамъ бошад ва Тоҷикистонро боз ҳам ободу зебо гардонад,- зикр доштанд вакилони Иҷлосияи ХVI Шӯрои Олии Ҷумҳурии Тоҷикистон.
Ёдовар мешавем, ки вакилони Иҷлосияи ХVI Шӯрои Олии Ҷумҳурии Тоҷикистон Абдуманон Абдуразоқов ва Абдуваҳоб Мирзоев имрӯзҳо бо шукургузорӣ аз фазои сулҳу суботи комили Ватан давлати пирӣ меронанд.
Акс: МН МО ҶТ
Ҳайати вакилони Тоҷикистон дар Муколамаи дуюми минтақавии парламентӣ оид ба рушди технологияҳои «сабз» иштирок намуд
Дар Маҷлиси намояндагон лоиҳаи Қонуни Ҷумҳурии Тоҷикистон «Дар бораи мақоми омӯзгор» мавриди баррасӣ қарор гирифт
Дар Русия ҷаласаҳои навбатии Ассамблеяи байнипарламентии давлатҳои ИДМ баргузор гардиданд
Файзалӣ Идизода бо ваколатдор оид ба ҳуқуқи инсон дар Федератсияи Русия вохӯрӣ намуд
Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ бо муовини Раиси Ҳукумати Федератсияи Русия Марат Ҳуснуллин мулоқот намуданд
Файзалӣ Идизода дар ҷаласаи маҷозии роҳбарони парламентҳои кишварҳо иштирок намуд
Иҷлосияи дуюми Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Ҳайати Гурӯҳи дӯстӣ ва ҳамкории Маҷлиси намояндагони Тоҷикистон бо Палатаи намояндагони Маҷлиси миллии Беларус мулоқот намуд
Намояндаи Тоҷикистон дар Конфронси умумиҷаҳонии парламентӣ оид ба мубориза бо терроризм ва пешгирии ифротгароӣ иштирок намуд
Вакили Маҷлиси намояндагон: «Парлумони Тоҷикистон иштирокчии фаъол ва шарики муътамади Форуми осиёии ҳамкории парламентӣ мебошад»
ЗАБОНИ ТОҶИКӢ — ЗАБОНИ ҚУДРАТ ВА ИЛМУ ТАҲСИЛ. Андешаҳо оид ба бузургдошти забони давлатии Тоҷикистон
Дар Душанбе доир ба асосҳои қонунгузории гузариш ба рушди «сабз» ҳамоиш баргузор гардид
