Вазири корҳои хориҷии Тоҷикистон сафири ИМА-ро ба муносибати анҷоми маъмурияташ ба ҳузур пазируфт
ДУШАНБЕ, 28.11.2022 /АМИТ «Ховар»/. Имрӯз, 28 ноябр Вазири корҳои хориҷии Ҷумҳурии Тоҷикистон Сироҷиддин Муҳриддин Сафири Фавқулода ва Мухтори Иёлоти Муттаҳидаи Америка дар Тоҷикистон Ҷон Марк Поммершаймро ба муносибати анҷом ёфтани маъмурияташ ба ҳузур пазируфт. Дар ин бора ба АМИТ «Ховар» дар Вазорати корҳои хориҷии Ҷумҳурии Тоҷикистон хабар доданд.
Дар ҷараёни вохӯрӣ ҷонибҳо ҳолати кунунӣ ва дурнамои рушди муносибатҳои дуҷониба ва бисёрҷонибаи Тоҷикистон ва Иёлоти Муттаҳидаро дар самтҳои сиёсӣ, иқтисодӣ, илмию фарҳангӣ, тандурустӣ ва маориф мавриди баррасӣ қарор доданд.
Вазири корҳои хориҷии Тоҷикистон ба М.Поммершайм барои саҳми ӯ дар таҳкими муносибатҳои дӯстӣ миёни Тоҷикистон ва ИМА изҳори миннатдорӣ намуд.
Ёдовар мешавем, ки 26 июн Призиденти ИМА Ҷо Байден номзадии Мануэл Микаллерро ба мақоми Сафири Фавқулода ва Мухтор дар Тоҷикистон пешбарӣ намуд. Мануэл Микаллер дипломати ботаҷриба буда, ҳоло ба ҳайси муовини роҳбари намояндагии ИМА дар Непал кор мекунад.
Мануэл Микаллер қаблан дар сафоратҳои ИМА дар Муғулистон, Марокаш ва Тоҷикистон кор карда, дар Департаменти давлатӣ мақоми баландро ишғол намудааст. Дар Тоҷикистон ба ҳайси мушовири сафир оид ба иқтисод фаъолият кардааст.
Микаллер дараҷаи бакалаврро дар Донишгоҳи Ҷон Ҳопкинс ва дараҷаи магистрро дар идораи соҳибкориро дар Донишгоҳи Ҷорҷ Вашингтон гирифтааст. Ӯ инчунин дар Донишгоҳи мудофиаи миллӣ дараҷаи магистр гирифта, донандаи якчанд забонҳои хориҷӣ, аз ҷумла русӣ ва тоҷикӣ мебошад.
Акс: ВКХ ҶТ
Машваратҳои сиёсӣ байни вазоратҳои корҳои хориҷии Тоҷикистон ва Индонезия баргузор гардиданд
Дар Душанбе ҷаласаи навбатии комиссияи байниҳукуматии Тоҷикистону Эрон доир шуд
РАВАНДИ ОБИ ДУШАНБЕ. Сарвазири Тоҷикистон Конфронси чоруми байналмилалиро натиҷагирӣ намуд
РАВАНДИ ОБИ ДУШАНБЕ. Тоҷикистон мавқеи пешсафи худро дар пешбурди рӯзномаи ҷаҳонии об тасдиқ намуд
Умут Аҷар: «Дар Тоҷикистон чорабиниҳои байналмилалӣ дар сатҳи баланди ташкилӣ гузаронида мешаванд»
Сироҷиддин Муҳриддин: «Ҳамкории муассир ягона роҳи устувори ҳалли мушкилоти муштараки об мебошад»
РАВАНДИ ОБИ ДУШАНБЕ. Дар Душанбе ташаккули рӯзномаи ҷаҳонии об баъд аз соли 2030 баррасӣ шуд
Ҷонибек Ҳикмат: «Баргузории Конфронси сатҳи баланди оби Душанбе таҷассумгари саҳми шоистаи Тоҷикистон дар пешбурди рӯзномаи ҷаҳонии об мебошад»
РАВАНДИ ОБИ ДУШАНБЕ: Тоҷикистон ва СММ омодагиро барои баррасии ҷамъбастии Даҳсолаи байналмилалии амал оид ба об дар соли 2028 оғоз намуданд
Намояндаи Африқои Шимолӣ Мпҳепҳу Нндвелени: «Тоҷикистон пешоҳанги ҳалли масъалаҳои обу иқлим дар ҷаҳон аст»
РАВАНДИ ОБИ ДУШАНБЕ. Дар Душанбе ҷаласаҳои пленарӣ ва нишастҳои ҷамъбастии Конфронси чоруми байналмилалии сатҳи баланд баргузор мегарданд
РАВАНДИ ОБИ ДУШАНБЕ. Нақши рӯзномаи об дар равандҳои бисёрҷонибаи байналмилалӣ дар Душанбе баррасӣ шуд
