Зайнулло Шарифзода раиси нави Федератсияи таэквондо (WT)-и Тоҷикистон интихоб гардид
ДУШАНБЕ, 02.11.2022 /АМИТ «Ховар»/. 1 ноябр дар Кумитаи миллии олимпии Тоҷикистон ҷаласаи ғайринавбатии интихоботии Конференсияи миллии Федератсияи таэквондо (WT)-и Тоҷикистон баргузор шуд. Дар ин бора ба АМИТ «Ховар» дар Кумитаи миллии олимпии Тоҷикистон хабар доданд.
Дар ҷаласа аъзои федератсия, мураббиёну доварон ва намояндагони варзишгарон ширкат карданд.
Пас аз тасдиқи рӯзнома ва тартиби кори ҷаласа масъалаи истеъфои раиси федератсия ва интихоби раиси нави федератсия баррасӣ шуд.
Ҷаҳонзеб Қармишев, ки аз соли 2017 раиси Федератсияи таэквондо (WT)-и Тоҷикистон буд, истеъфо дод. Аъзои ҷаласа ба Ҷаҳонзеб Қармишев барои фаъолияташ дар ин симмат дар муддати панҷ сол миннатдорӣ баён карда, барояш муваффақият хостанд.
Зикр гардид, ки натиҷаи варзишгарони мо дар намуди таэквондо хуб аст. Аз ҷумла, аз рӯи ин намуди варзиш мо медали биринҷии Бозиҳои олимпии наврасон (2010-Сингапур), ду иштирокчии Бозиҳои олимпӣ (2012-Лондон), се медали биринҷии Бозиҳои Осиё (2014-Инчон), 3 медали нуқра ва 5 медали биринҷии чемпионатҳои Осиёро дорем.
Сипас бо ҷонибдории якдилонаи иштирокчиёни ҷаласа Зайнулло Шарифзода- директори Агентии хариди давлатии мол, кор ва хизматрасонии назди Ҳукумати Ҷумҳурии Тоҷикистон Раиси Федератсияи таэквондо (WT)-и Тоҷикистон интихоб шуд.
Зайнулло Шарифзода ба иштирокчиёни ҷаласа барои боварӣ изҳори миннатдорӣ карда, иброз намуд, ки дар ҳамкорӣ намуди олимпии таэквондоро рушд медиҳем. Ӯ вазифа гузошт, ки бояд варзишгарони мо аз рӯи ин намуд ба Бозиҳои олимпии Париж-2024 роҳхат гиранд.
Бо пешниҳоди раиси нави федератсия Ҷаҳонзеб Қармишев ноиби аввали раис ва Парвиз Собирзода ноиби раиси федератсияи интихоб шуданд.
АКС: КМО Тоҷикистон
ФУТБОЛ. Дастаи мунтахаби Тоҷикистон бо тими мунтахаби Ҳиндустон бозиҳои дӯстона анҷом медиҳад
Дар Ёвон гулгашти фарҳангию фароғатӣ бо муҷассамаи «Рамзи футбол» ба истифода дода шуд
Дар деҳаи ба номи Иброҳим Бозорови шаҳри Турсунзода бахшида ба Рӯзи ҷаҳонии футбол майдони варзишии «Ҳумо Арена» ифтитоҳ ёфт
Бахшида ба Рӯзи ҷаҳонии футбол Фестивали бошукуҳи футбол баргузор гардид
Дар Душанбе Варзишгоҳи миллӣ ба истифода дода мешавад
Хислатҳои неки роҳбарии Рустами Эмомалӣ -ҳадафмандӣ, таваҷҷуҳ ба таҷрибаҳои беназир, эҳтиром ба одамон ва муоширати сатҳи баланд
Эмомалӣ Раҳмон: «Футбол имрӯз на танҳо як намуди варзиш, балки омили муҳими таҳкими дӯстӣ, ҳамдигарфаҳмӣ ва ҳамбастагии халқҳо гардидааст»
Дар шаҳри Оснабрюки Олмон бахшида ба Рӯзи ҷаҳонии футбол мусобиқа баргузор гардид
25 МАЙ — РӮЗИ ҶАҲОНИИ ФУТБОЛ. Дар Варзишгоҳи марказии ҷумҳуриявӣ Фестивали футбол доир мегардад
Дар Душанбе Рӯзи ҷавонони Тоҷикистон бошукуҳ таҷлил карда шуд
Дар Хатлон Рӯзи ҷаҳонии футболро таҷлил намуданд
РӮЗИ ҶАҲОНИИ ФУТБОЛ – 25 МАЙ: Дипломатияи варзишии Рустами Эмомалӣ дар сатҳи ҳуқуқи байналмилалӣ
