16 РӮЗИ МУБОРИЗА БАР ЗИДДИ ХУШУНАТИ ХОНАВОДАГӢ. Таҳти чунин унвон дар Бадахшон конфренсия доир гардид

Декабрь 3, 2022 10:12

ДУШАНБЕ, 03.12.2022 /АМИТ «Ховар»/. 1 декабр бо ташаббуси шуъбаи кор бо занон ва оилаи Мақомоти иҷроияи ҳокимияти давлатии шаҳри Хоруғ, ташкилоти ҷамъиятии «Занон барои адолат» дар Раёсати Агентии меҳнат ва шуғли аҳолии Вилояти Мухтори Кӯҳистони Бадахшон таҳти унвони «16 рӯзи мубориза бар зидди хушунати хонаводагӣ» конфренсия баргузор гардид. Дар ин бора ба АМИТ «Ховар» дар Мақомоти иҷроияи ҳокимияти давлатии шаҳри Хоруғ хабар доданд.

Дар конференсия мудири шуъбаи кор бо занон ва оилаи мақомоти иҷроияи ҳокимияти давлатии шаҳри Хоруғ Гулшод Гулбекова зикр кард, ки амалҳои зӯроварӣ ва хушунат дар ҷомеаи мо имрӯзҳо дар шаклҳои мухталиф зоҳир мегарданд ва алайҳи онҳо тадбирҳо андешида мешаванд.

Таҷриба муайян намуд, ки хушунат дар рӯзгори мардум ҳамчун хушунати мард нисбат ба ҳамсар, хушунати модаршӯ нисбат ба келинҳо, хушунати падарону бародарон нисбат ба духтарону хоҳарон ва дар баъзе ҳолатҳо хушунати калонсолон нисбат ба хурдсолон, яъне кӯдакон зоҳир мегардад.

Бояд гуфт, ки омода набудан ба оиладорӣ, набудани маълумоти касбӣ, паст будани маърифати ҳуқуқӣ, огоҳ набудан аз ҳуқуқҳои худ ва надоштани одоби муошират барои хушунат дар хонавода замина муҳайё мекунанд.

Намояндаи Ташкилоти ҷамъиятии «Занон барои адолат» Дурсултон Гулмамадова иброз дошт, ки «ҳамасола аз 25 ноябр то 10 декабр дар тамоми ҷаҳон маъракаи «16 рӯзи мубориза бар зидди хушунат» ҷашн гирифта мешавад. Зӯроварӣ дар оила — кирдори зиддиҳуқуқии бадқасдонаи дорои хусусияти ҷисмонӣ, рӯҳӣ, шаҳвонӣ ё иқтисодиест, ки дар доираи муносибатҳои оилавӣ аз ҷониби як узви оила нисбат ба узви дигари оила содир шуда, боиси поймол шудани ҳуқуқ ва озодиҳои ӯ, расонидани дарди ҷисмонӣ ё зарар ба саломатии ӯ мегардад».

Дар интиҳои ҳамоиш иштирокдорон андешаҳои худро вобаста ба хушунати хонаводагӣ баён намуданд.

АКС: МИҲД шаҳри Хоруғ

Декабрь 3, 2022 10:12

Хабарҳои дигари ин бахш

«Тоҷиксуғурта» соли гузашта дар ҳаҷми зиёда аз 5,8 миллион сомонӣ маблағи суғуртавӣ пардохт намуд
Соли 2022 барои таҷдиду барқарорсозии 42 иншооти оби нӯшокӣ беш аз 14 миллион сомонӣ ҷудо карда шуд
НИШАСТИ МАТБУОТӢ. Соли гузашта 770 ҳолати вайрон намудани Қонун «Дар бораи танзими анъана ва ҷашну маросим дар Ҷумҳурии Тоҷикистон» ба қайд гирифта шуд
ФАВРӢ! Роҳи мошингарди Душанбе-Чаноқ кушода шуд
Дар мақомоти Ваколатдор оид ба ҳуқуқи инсон лоиҳаи 50 санади меъёрии ҳуқуқӣ мавриди омӯзиш қарор гирифт
Маркази миллии қонунгузорӣ барои такмили механизми татбиқи қонунҳо беш аз 600 таклиф пешниҳод намуд
IRS ХАБАР МЕДИҲАД. Дар километрҳои аз 52 то 73-юми роҳи Душанбе-Чаноқ 45 тармаи хурду бузург фаромад
Соли 2022 дар Тоҷикистон номи 56 шаҳраку деҳот иваз карда шуд
Агентии обуҳавошиносӣ: «Соли гузашта 365 пешгӯиҳои якшабонарӯзӣ тартиб дода шуд, ки дурустии онҳо 93%-ро ташкил медиҳад»
ТАВАҶҶУҲ! Кумитаи ҳолатҳои фавқулода ва мудофиаи гражданӣ аз резиши сангу фаромадани тарма ҳушдор медиҳад
Доир ба тавзеҳи Паёми Президенти Ҷумҳурии Тоҷикистон ба Маҷлиси Олии Ҷумҳурии Тоҷикистон байни хизматчиёни давлатӣ омӯзиши идоравӣ ташкил карда шуд
Табибони тоҷик дар Ҷопон ва Эрон малакаи касбии хешро такмил медиҳанд