Ҳамкории Тоҷикистон ва Олмон дар соҳаи илму маориф вусъат меёбад
ДУШАНБЕ, 02.12.2022. /АМИТ «Ховар»/. Дар айни замон дар муассисаҳои таҳсилоти олии касбии Ҷумҳурии Федеративии Олмон беш аз 200 нафар шаҳрвандони Ҷумҳурии Тоҷикистон таҳсил намуда, ҳамзамон дар муассисаҳои таҳсилоти олии касбии Тоҷикистон ба донишҷӯён забони олмонӣ таълим дода мешавад. Ин нукта зимни вохӯрии Вазири маориф ва илми Ҷумҳурии Тоҷикистон Раҳим Саидзода ва Сафири Ҷумҳурии Федеративии Олмон дар Ҷумҳурии Тоҷикистон Андреас Протманн баён гардид, хабар доданд ба АМИТ «Ховар» дар маркази матбуоти Вазорати маориф ва илми ҷумҳурӣ.
Зимни суҳбат таъкид гардид, ки ҳамкории Ҷумҳурии Тоҷикистон бо Ҷумҳурии Федеративии Олмон дар асоси Протоколи байниҳукуматии Тоҷикистон ва Олмон оид ба ҳамкории молиявӣ ва техникӣ ва барномаҳое, ки аз ҷониби Ҷамъияти ҳамкории байналмилалии Олмон (GIZ) дар Ҷумҳурии Тоҷикистон амалӣ мегарданд, ба роҳ монда шудааст.
Дар баробари ин озмуни ҷумҳуриявӣ аз фанни забони олмонӣ дар шаҳри Душанбе ва таҷлили Рӯзи омӯзгори забони олмонӣ дар Донишгоҳи миллии Тоҷикистон аз ҷумлаи чорабиниҳое буданд, ки соли 2022 дар доираи ҳамкории ҷойдошта баргузор гардидаанд.
Дар идомаи мулоқот ҷонибҳо вобаста ба рушди ҳамкорӣ изҳори омодагӣ намуда, вобаста ба баргузор намудани олимпиада аз фанни забони олмонӣ, ҷудо намудани бурсияҳои таҳсилӣ ҷиҳати таҳсили шаҳрвандони Ҷумҳурии Тоҷикистон дар муассисаҳои таҳсилоти олии касбии Олмон, ба роҳ мондани табодули барномаҳои инноватсионӣ ва технологияҳои информатсионӣ, гузаронидани тадқиқоти муштараки илмӣ миёни муассисаҳои таҳсилоти миёна ва олии касбии Тоҷикистон ва Олмон, ташкили курсҳои омӯзишӣ дар Олмон ҷиҳати омӯзиши таҷрибаи пешқадам дар самти илму маориф ва чанд таклифу пешниҳоди дигарро ироа намуданд.
АКС: Маркази матбуоти Вазорати маориф ва илми Ҷумҳурии Тоҷикистон
Донишҷӯёни Донишгоҳи байналмилалии сайёҳӣ ва соҳибкории Тоҷикистон дар Олимпиадаи байналмилалӣ оид ба бехатарии молиявӣ иштирок намуданд
Ба муассисаҳои таҳсилоти миёнаи умумии Тоҷикистон зиёда аз 842 ҳазор китоби дарсии «Забони русӣ» ворид гардид
Дар Донишгоҳи давлатии Хоруғ ду маркази муосири таълимӣ ба истифода дода шуд
Дар Донишгоҳи давлатии Кӯлоб бахшида ба Рӯзи омӯзгорон ва Рӯзи забони давлатӣ ҳамоиши илмӣ–маърифатӣ доир шуд
Пешвои миллат: «Бе донистани забони адабии тоҷикӣ омӯхтани забонҳои хориҷӣ номумкин аст»
Дар Душанбе доир ба саҳми Пешвои миллат дар рушди забони тоҷикӣ ҳамоиш баргузор шуд
«ЗЕҲНИ СУНЪӢ–ЭЪТИМОД, АМНИЯТ ВА РУШД». Дар Донишгоҳи технологии Тоҷикистон конфронси байналмилалӣ доир шуд
«ЗАБОНИ МИЛЛАТ-ҲАСТИИ МИЛЛАТ». Дар Донишкадаи омӯзгории Тоҷикистон дар Рашт ҳамоиши илмӣ доир гардид
Раҳим Саидзода: «Омӯзгор бо таълиму тарбияи насли наврас дар ташаккули неруи зеҳнӣ ва маънавии ҷомеа саҳм мегузорад»
МУАЛЛИМ–АҚЛ, ШАРАФ ВА ВИҶДОНИ ҶОМЕА. Иқтибосҳо аз суханрониҳои Президенти Тоҷикистон муҳтарам Эмомалӣ Раҳмон
«ЗАБОН ДОНӢ-ҶАҲОН ДОНӢ». Дар Донишгоҳи байналмилалии забонҳои хориҷии Тоҷикистон Озмуни байналмилалии донишҷӯён ҷамъбаст шуд
Дар ноҳияи Ванҷ Литсейи касбии техникӣ сохта мешавад
