Барандаи Шоҳҷоизаи Озмуни ҷумҳуриявии «Фурӯғи субҳи доноӣ китоб аст» Шаҳло Сайдалиева бо 10 000 сомонӣ ҳавасманд гардид
ДУШАНБЕ, 30.12.2022. /АМИТ «Ховар»/. Барандаи Шоҳҷоизаи Озмуни ҷумҳуриявии «Фурӯғи субҳи доноӣ китоб аст», хонандаи синфи 10-и муассисаи таҳсилоти миёнаи умумии №8-и ноҳияи Данғара Шаҳло Сайдалиева бо «Ифтихорнома»-и Мақомоти иҷроияи ҳокимияти давлатии ноҳияи Данғара ва мукофоти пулӣ ба маблағи 10 000 сомонӣ қадрдонӣ гардид. Дар ин бора ба АМИТ «Ховар» дар Мақомоти иҷроияи ҳокимияти давлатии ноҳияи Данғара хабар доданд.
«Ифтихорнома» ва мукофоти пулиро Раиси ноҳияи Данғара Исломиддин Раҳмон дар чорабинии тантанавӣ, ки 29 декабри соли равон доир гардид, ба Шаҳло Сайдалиева тақдим намуд.
Раиси ноҳияи Данғара ҳамчунин ба ғолиби ҷойи сеюми даври ниҳоии Озмуни ҷумҳуриявии «Тоҷикистон — Ватани азизи ман» Искандар Маҳмадшозода дар вазъияти тантанавӣ «Ифтихорнома»-и Мақомоти иҷроияи ҳокимияти давлатии ноҳияи Данғара ва мукофоти пулиро тақдим кард.
Дар ин чорабинии тантанавӣ ҳамчунин дигар нафароне, ки дар озмунҳои «Фурӯғи субҳи доноӣ китоб аст», «Тоҷикистон — Ватани азизи ман» ва «Илм фурўғи маърифат» ба гирифтани ҷойҳои ифтихорӣ сазовор гардиданд, қадрдонӣ шуданд.
Хотиррасон мешавем, ки 17 декабри соли равон дар Театри давлатии академии опера ва балети ба номи Садриддин Айнии шаҳри Душанбе маросими тантанавии ҷамъбасти Озмуни ҷумҳуриявии «Фурӯғи субҳи доноӣ китоб аст» баргузор шуд, ки дар он хонандаи синфи 10-и муассисаи таҳсилоти миёнаи умумии №8-и ноҳияи Данғара Шаҳло Сайдалиева соҳиби «Шоҳҷоиза» ва маблағи 70 ҳазор сомонӣ гардид.
Ба ин муносибат Шаҳло Сайдалиеваро дар ноҳияи Данғара ботантана пешвоз гирифтанд. Дар истиқболи ў сардори Раёсати маорифи вилояти Хатлон Ғазалшоҳ Сафарзода, раиси ноҳияи Данғара Исломиддин Раҳмон, муовинони раиси ноҳия, роҳбарони ташкилоту муассисаҳо ва омӯзгорону хонандагон бо гулу гулдастаҳо иштирок карданд.
Ёдовар мешавем, ки 28 декабр дар Донишгоҳи миллии Тоҷикистон маросими ҷоизасупорӣ ба ғолибони даври ҷумҳуриявӣ ва байналмилалии олимпиадаҳои фаннӣ дар соли 2022 баргузор гардид, ки дар он ғолибону барандагони ҷоизаҳо аз рӯйи 13 номина қадрдонӣ шуданд. Аз ҷумла, муассисаи таълимии давлатии «Мактаби президентӣ барои кӯдакони болаёқат дар ноҳияи Данғара» бо гирифтани 118 медал (20 тилло, 43 нуқра ва 55 биринҷӣ) дар байни ҳамаи муассисаҳои таълимии ҷумҳурӣ дар даври ҷумҳуриявии олимпиадаи фаннӣ ва ишғоли ҷойи аввал дар номинаи «Даҳ муассисаи таҳсилоти умумӣ ва ҳаракати олимпӣ» бо «Ифтихорнома»-и Вазорати маориф ва илми Ҷумҳурии Тоҷикистон сарфароз гардонда шуд.
Рухсораи НУР,
АМИТ «Ховар»
АКС: Мақомоти иҷроияи ҳокимияти давлатии ноҳияи Данғара
«АЗ НАВРӮЗ ТО НАВРӮЗ». Таҳти чунин унвон дар Донишкадаи давлатии санъати тасвирӣ ва дизайн намоиши асарҳо ифтитоҳ гардид
Дар Наврӯз барои солимии бадан ғизои зарурӣ пешниҳод мегардад, ки оши бурида яке аз онҳост
ШОГУН БАҲОР МУБОРАК! Дар Бадахшон базми наврӯзии ҷавонон доир карда шуд
НАВРӮЗ — ҚИМАТТАРИН МЕРОСИ НИЁГОН. Мулоҳизаҳои мардумшинос дар бораи таҷлили он аз давраи Сосониён то соҳибистиқлолии Тоҷикистон
НАВРӮЗ БАРОБАРИ ҶАШНИ ИСТИҚЛОЛ АЗИЗ АСТ. Дар шаҳри Хоруғ базми пуршукуҳи наврӯзӣ доир гардид
Дар шаҳри Бохтар Наврӯз — ҷашни қадимии миллати тоҷикро хотирмон таҷлил намуданд
«КӢ БА МАҚСАД МЕРАСАД?». Таҳти ин унвон бахшида ба Наврӯз китоби қиссаҳои бачагона ба нашр расид
ОМАДАНАШ ФАРРУХУ ФАРХУНДА БОД! Дар адабиёти классик ва муосири тоҷик баҳору Наврӯз бо самимияти хосса тараннум гардидааст
Дар Москва Ҷашни байналмилалии Наврӯзро бо намоиши расму оинҳои тоҷикӣ таҷлил карданд
НАВРӮЗИ ТОҶИКИСТОН ҶАШНИ ШЕЪРУ СУРУД АСТ. Эҳдо ба Рӯзи байналмилалии шеър
ХУШ ОМАДӢ, НАВРӮЗ! Тибқи ҳисобҳои астрономӣ, соати 02:30-и 21 март Наврӯз ба Тоҷикистон фаро расид
Дар Маркази омӯзиши пиряхҳо бо хонандагони муассисаҳои таълимӣ ҳамоиши омӯзишӣ доир шуд
