Дар Бойгонии давлатии вилояти Хатлон дар шаҳри Кӯлоб ҳуҷҷатҳо ба шакли электронӣ гузаронида мешаванд
КӮЛОБ, 13.12.2022 /АМИТ «Ховар»/. Дар Бойгонии давлатии вилояти Хатлон дар шаҳри Кӯлоб вобаста ба талабот дар айни замон ҳуҷҷатҳоро ба шакли электронӣ гузаронида истодаанд, хабар медиҳад мухбири минтақавии АМИТ «Ховар» Сулаймон ХОЛЗОДА.
Дар шаҳри Кӯлоб дар баробари бойгонии шаҳр Бойгонии давлатии вилояти Хатлон фаъолият мекунад, ки дар он ҳуҷҷату санадҳои ташкилоту идора ва қарору дигар аснод нигоҳдорӣ карда мешаванд. Имсол кормандони Бойгонии давлатии вилояти Хатлон дар шаҳри Кӯлоб тавонистанд аз корхонаю ташкилот ва мақомоти иҷроияи ҳокимияти давлатӣ миқдори зиёди ҳуҷҷатҳоро ба бойгонӣ ворид намоянд. Дар баробари ин ба шаҳрвандон вобаста ба муроҷиаташон нусхаи ҳуҷҷатҳои зарурӣ дастрас карда мешавад.
Директори бойгонӣ Сафар Нурализода иттилоъ дод, ки «нигоҳдории ҳуҷҷатҳо талаботи худро дорад ва дар ин бино барои нигоҳдории онҳо шароити хуб фароҳам мебошад. Ҳарорати дохили бино ҳар соат назорат карда мешавад, то аз меъёри муъаяншуда паст ё баланд нашавад. Қоидаҳои бехатарӣ аз сӯхтор қатъиян риоя гардида, таҷҳизоти махсуси ҳимоявии равшанидиҳанда, гӯшаҳои бехатарӣ аз сӯхтор бо тамоми таҷҳизот ва хатти муосири огоҳидиҳанда васл гардидаанд. Дар ҳамаи шуъбаҳо ҳуҷҷатҳо аз рӯи талабот ҷо ба ҷо ва тамғагузорӣ шудаанд то ҳангоми муроҷиати шаҳрвандон сари вақт дастрас ва пешниҳоди муроҷиаткунандагон гарданд».
Мутаассифона, то ҳол баъзе идораву ташкилот ва ҷамоатҳои деҳоту бойгониҳои ноҳияҳо ҳуҷҷатҳоро ба Бойгонии давлатии вилояти Хатлон насупоридаанд.
Ҳуҷҷатҳои дар бойгонӣ маҳфуз вобаста ба сол, моҳ, шаҳру ноҳия ва ташкилоту идораҳо рақамгузорӣ карда шудаанд. Дар инҷо барои ҳуҷҷатҳои воридшаванда низ ҷой омода карда шудааст.
АКС: АМИТ «Ховар»
Оид ба Конститутсия ва ҷойгоҳи он дар танзими муносибатҳои идоракунии давлатӣ ҳамоиши ҷумҳуриявӣ доир шуд
«КОНСТИТУТСИЯ-КАФИЛИ АДОЛАТИ СУДӢ». Дар Суди Олии иқтисодии Тоҷикистон ҳамоиш доир гардид
Муассисаи «Шабакаи гармидиҳии шаҳри Душанбе»: «Муштариён метавонанд барои ҳалли мушкилот ба рақами кӯтоҳи 14-44 занг зананд»
Доир ба саҳми академик Муҳаммадҷони Шакурӣ дар рушди илму адаб конференсияи илмӣ баргузор шуд
«КОНСТИТУТСИЯ–ПОЙДОРИИ ДАВЛАТИ ҲУҚУҚБУНЁД». Таҳти чунин унвон конференсияи ҷумҳуриявӣ доир гардид
Роҳҳои баланд бардоштани ҳосилнокии зироатро дар шаҳри Кӯлоб баррасӣ намуданд
Дар мавзуи «Конститутсия ва таъмини ҳуқуқ ба озодии эътиқод» конференсияи ҷумҳуриявӣ доир шуд
Дар ҷаласаи Шурои ҷамъиятии Ҷумҳурии Тоҷикистон механизмҳои нави ҳимояи ҳуқуқи муҳоҷирони меҳнатӣ баррасӣ гардид
Бахшида ба Рӯзи Конститутсия дар Кумитаи иҷроияи ҲХДТ дар вилояти Суғд ҳамоиш доир шуд
Дар ноҳияи Данғара нақшаи ҷамъоварии пахта 100 фоиз иҷро гардид
Дар ноҳияи Деваштич иншооти гуногуни иҷтимоӣ ба истифода дода шуданд
Дар Академияи идоракунии давлатӣ оид ба нақши Конститутсия дар таъмини баробарии гендерӣ ҳамоиш доир шуд
