Дар Тоҷикистон корҳои экспедитсионӣ доир ба пешгирии обшавии босуръати пиряхҳо роҳандозӣ мегарданд
ДУШАНБЕ, 24.12.2022 /АМИТ «Ховар»/. Аз рӯи натиҷаи тадқиқоти инструменталӣ, ки аз ҷониби мутахассисони Агентии обуҳавошиносӣ давоми 66 соли охир гузаронида мешаванд, таназзули босуръати пиряхҳо ба назар мерасад ва дар ин замина бояд корҳои экспедитсионии минтақавию байналмилалӣ бо мақсади омӯзиши амиқи ҳолат ва тағйирёбии минбаъдаи онҳо дар доираи «Барномаи давлатии омӯзиш ва ҳифзи пиряхҳои Тоҷикистон барои солҳои 2010-2030» роҳандозӣ гарданд. Ин матлаб 22 декабр зимни баргузории ҳамоиши илмӣ – амалӣ бахшида ба қабул гардидани қатъномаи иҷлосияи Маҷмааи умумии СММ оид ба эълон намудани «Соли 2025-Соли байналмилалии ҳифзи пиряхҳо», «21 март — Рӯзи ҷаҳонии ҳифзи пиряхҳо» ва «Таъсиси Фонди боварии байналмилалии ҳифзи пиряхҳо» дар бинои Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон баён шуд.
Зикр шуд, ки ҳадаф аз баргузории ҳамоиши мазкур-ин натиҷагирии фаъолияти гурӯҳи кории байниидоравӣ оид ба таъсиси Фонди байналмилалии ҳифзи пиряхҳо, баррасии ҳолати кунунӣ ва арзёбии дурнамои вазъи пиряхҳо, таъсири тағйирёбии иқлим ба захираҳои обии Ҷумҳурии Тоҷикистон ва ҷаҳон мебошад.
Иштирокчиёни ҳамоиш бо мақсади ҳамоҳангсозии фаъолияти минбаъда дар доираи истиқболи Соли 2025-соли байналмилалии ҳифзи пиряхҳо ва Рӯзи байналмилалии ҳифзи пиряҳҳо инчунин ташкил намудани экспедитсияҳои омӯзиширо дар ҳавзаи дарёҳои асосии ҷумҳурӣ таъкид намуданд.
Мақсади баргузории экспедитсияҳои омӯзишӣ — ин баҳогузории ҳолати пиряхҳо бо иштироки олимону коршиносони сатҳи минтақавию байналмилалӣ ва фаъол намудани кори гурӯҳҳои байниидоравӣ мебошад.
АКС: Агентии обуҳавошиносии Кумитаи ҳифзи муҳити зист
Имсол кирмакпарварони ноҳияи Хуросон беш аз 10 ҳазор килограмм пилла месупоранд
Дар Тоҷикистон Мусобиқаи ҷумҳуриявии «МегаФон Life бо сабки футбол» оғоз ёфт
Имрӯз дар баъзе ноҳияҳои Тоҷикистон борони кӯтоҳмуддат меборад
Дар озмуни вилоятии «Барномасози ҷавон» 34 довталаб аз муассисаҳои таълимии Бадахшон иштирок намуд
Дар ноҳияи Ёвон Дави миллӣ ва марафони велосипедронӣ баргузор шуд
Бахшида ба 70-солагии таъсиси шаҳри Бӯстон Озмуни шаҳрии «Китобхонаи беҳтарин» баргузор гардид
Кирмакпарварони ноҳияи Панҷ беш аз 78 фоизи нақшаи пилласупориро иҷро намуданд
«ДОНАНДАИ БЕҲТАРИНИ АСАРҲОИ ПЕШВОИ МИЛЛАТ». Даври якуми озмуни ҷумҳуриявӣ дар муассисаҳои таҳсилоти миёна ва олии касбӣ оғоз гардид
Имрӯз дар шаҳри Душанбе ҳаво то 35 дараҷа гарм мешавад
«ФАРЗАНД — ИДОМАДИҲАНДАИ ОИЛА». Дар ноҳияи Данғара таҳти ин унвон иқдоми маърифатӣ гузаронида шуд
Ғолибони озмуни «Донандаи беҳтарин асарҳои Пешвои миллат» дар Донишгоҳи давлатии Хоруғ муайян гардиданд
Имрӯз дар ноҳияҳои алоҳидаи кӯҳии Тоҷикистон борони кӯтоҳмуддат меборад
