Дар Тошканд Форуми XV зиёиёни эҷодкор ва илмии кишварҳои узви ИДМ ҷараён дорад
ДУШАНБЕ, 13.12.2022 /АМИТ «Ховар»/. Иштирокчиёни Анҷумани зиёиёни эҷодкор ва илмии кишварҳои ИДМ, ки дирӯз, 12 декабр дар Тошканд кушода шуд, дар Театри опера ва балети ба номи Алишер Навоӣ таҷрибаи 30-солаи ҳамкории башардӯстонаи кишварҳои Иттиҳоди Давлатҳои Мустақилро баррасӣ намуда, оид ба дурнамои рушди он мубодилаи афкор мекунанд.
Ҳайати Тоҷикистонро дар ин ҳамоиш Ёрдамчии Президенти Ҷумҳурии Тоҷикистон оид ба масъалаҳои рушди иҷтимоӣ ва робита бо ҷомеа Эмомалӣ Насриддинзода раҳбарӣ мекунад.
«Форуми навбатии XV зиёиёни эҷодкор ва илмии кишварҳои узви ИДМ, ки бори аввал дар Тошканд баргузор мегардад, рӯйдоди назаррас дар ҳаёти фарҳангии на танҳо Узбекистон, балки ҳамаи кишварҳои Иттиҳод мегардад ва боз як далели нигоҳ доштан, инкишоф додан ва мустаҳкам намудани риштаҳои дӯстии мамлакатҳои мост. Боварӣ дорам, ки форуми мазкур ба таҳким ва рушди фазои муштараки фарҳангии Иттиҳоди Давлатҳои Мустақил хизмат хоҳад кард», — зикр намуд Вазири фарҳанги Ҷумҳурии Узбекистон Озодбек Назарбеков дар маросими ифтитоҳи форум.
ДАР АКС: роҳбарони ҳайатҳо дар форум
Форуми ҷашнӣ, ки дар он зиёда аз 200 нафар намояндагони зиёиёни эҷодкор ва илмии кишварҳои ИДМ иштирок доранд, устуворона майлу хоҳиши ҳамкорӣ ва хамраъйиро равшан нишон медиҳад.
Мавзӯи ҳамоиши имрӯза «Ҳамкории башардӯстона — таҷрибаи сӣ сол ва дурнамои рушд» таъйин шудааст. Он муҳокимаи нақшаҳои ҳамкориро бо дарназардошти воқеияти ҳозиразамон ва муайян намудани самтҳо ва шаклҳои афзалиятноки кор дар бар мегирад.
ДАР АКС: намояндагони Тоҷикистон дар форум
Азиза ДАДАБОЕВА,
АМИТ «Ховар»
АКС: АМИ «УзА»/АМИТ «Ховар»
Рӯзи фарҳанги ноҳияи Шамсиддин Шоҳин дар Душанбе баргузор гардид
Рӯзи фарҳанги ноҳияҳои Тоҷикободу Нуробод бо шукуҳу шаҳомати хос баргузор шуд
35-СОЛАГИИ ИСТИҚЛОЛИ ДАВЛАТӢ ВА ОСОРХОНАИ МИЛЛӢ. Нақши ин ниҳод дар ҳифзу муаррифии дастовардҳои истиқлол муҳим аст
Имрӯз дар боғҳои Душанбе рӯзҳои фарҳанги ноҳияҳои Шамсиддин Шоҳин, Тоҷикобод ва Нуробод баргузор мегарданд
НИШАСТИ МАТБУОТӢ. Имсол Донишкадаи давлатии санъати тасвирӣ ва дизайни Тоҷикистонро 228 нафар хатм намуданд
«ТОҶИКИСТОН — КИШВАРИ ЁДГОРИҲОИ НОДИР». Дар Италия намоиши шоҳкорҳои беназири мероси таърихию фарҳангии Тоҷикистон доир мегардад
Дар Душанбе рӯзҳои фарҳанги шаҳри Роғун, ноҳияҳои Шамсиддин Шоҳин, Тоҷикобод, Нуробод, Муъминобод ва Варзоб баргузор мегарданд
Роҳбарияти Осорхонаи миллии Тоҷикистон бо ҳафриёти бостоншиносӣ дар ёдгории бостонии Сайёд шинос шуд
РИОЯИ ФАРҲАНГИ МИЛЛӢ. Дар Донишкадаи давлатии фарҳанг ва санъати Тоҷикистон барои блогерон даври омӯзишӣ гузаронида мешавад
Аз ноҳияи Темурмалик ёдгориҳои нодири мансуб ба асри биринҷ ва давраи Кушониён бозёфт гардиданд
Китоби «Дар ҳавои Мавлоно»-и Раҳмоналӣ Мирализода рӯнамоӣ гардид
