Давлаталӣ Саид бо Вазири корҳои хориҷии Ҷопон мулоқот намуд

Декабрь 2, 2022 14:25

ДУШАНБЕ, 02.12.2022 /АМИТ «Ховар»/. Имрӯз, 2 декабр дар доираи сафари корӣ ба Токио мулоқоти муовини якуми Сарвазири Ҷумҳурии Тоҷикистон Давлаталӣ Саид бо Вазири корҳои хориҷии Ҷопон Ҳаяши Йошимаса баргузор гардид, хабар медиҳад мухбири АМИТ «Ховар» бо истинод ба Сафорати Тоҷикистон дар Ҷопон.

Зимни вохӯрӣ ҷонибҳо ҳолати кунунӣ ва дурнамои рушди муносибатҳои дуҷониба ва бисёрҷонибаи Тоҷикистон ва Ҷопонро мавриди баррасӣ қарор доданд.

Тавре қаблан АМИТ «Ховар» хабар дод, 1 декабр дар Токио ҳайати расмии Ҷумҳурии Тоҷикистон таҳти роҳбарии муовини якуми Сарвазири мамлакат Давлаталӣ Саид дар Форуми сармоягузории Осиёи Марказӣ зери унвони «Эҷоди пулҳо барои рушди устувор» ширкат намуд.

Форуми сармоягузории кишварҳои Осиёи Марказӣ (CAIF) бо ибтикори Бонки аврупоии таҷдид ва рушд, Ҳукумати Ҷопон, Бонки ҳамкории байналмилалии Ҷопон, Агентии Ҷопон оид ба ҳамкории байналмилалӣ ва шарикони мизбон ташкил карда шуд.

Давлаталӣ Саид дар ҷаласаи пленарӣ иштирок карда, дар бораи дастовардҳои кишвар дар сӣ соли истиқлол ва рушди сиёсати ҷалби сармоягузорӣ сухан гуфт.

Дигар аъзои ҳайат дар панелҳои тахассусӣ иштирок ва суханронӣ карда, ба суолҳои иштирокдорони форум посух гуфтанд.

Дар қатори ҳайати расмӣ дар ҳошияи форум инчунин шуморе аз соҳибкорони ватанӣ, ки дар форум ширкат доштанд, бо ҳамтоёни ҷопонии худ гуфтушунидҳои корӣ баргузор намуданд.

АКС: Сафорати Тоҷикистон дар Токио

Декабрь 2, 2022 14:25

Хабарҳои дигари ин бахш

Тоҷикистон ва Туркия мубодилаи таҷрибаро дар самти фаъолияти инноватсионӣ ва тадқиқотӣ баррасӣ намуданд
Ҳайати парламентӣ ва сафири Тоҷикистон дар мулоқоти сафирони давлатҳои аъзои СААД бо Вазири корҳои хориҷии Русия иштирок карданд
«СҲШ дар ҷаҳони тағйирёбанда: роҳ ба сӯйи саммити Ню Деҳлӣ». Таҳти чунин унвон дар Душанбе ҳамоиш доир шуд
ПЕШВОИ МИЛЛАТ ВА ИҚДОМОТИ САТҲИ ҶАҲОНӢ. Эътибори байналмилалии Тоҷикистон қавитар мегардад
ҲАМДИЛӢ АЗ ҲАМЗАБОНӢ БЕҲТАР АСТ. 31 соли муносибатҳои дипломатӣ байни Тоҷикистон ва Туркия
Тоҷикистон ва Қирғизистон масоили омодагӣ ба чорабиниҳои соли 2023 дар сатҳи олӣ доиршавандаро баррасӣ карданд
Вазирони корҳои хориҷии Тоҷикистон ва Озарбойҷон суҳбати телефонӣ анҷом доданд
Дар Русия ғолибони Озмун барои беҳтарин мақола бахшида ба 30-солагии Иҷлосияи Шўрои Олии Тоҷикистон муайян шуданд
Дар Москва ҷаласаи навбатии Шӯрои ҷамъиятии назди Сафорати Ҷумҳурии Тоҷикистон дар Федератсияи Русия баргузор гардид
Тоҷикистон ва Италия масъалаҳои рушди муносибатҳои мутақобилан судмандро баррасӣ карданд
Дар Остона бизнес-форумҳои Тоҷикистон ва Қазоқистон баргузор карда мешаванд
Тоҷикистон ва Арабистони Саудӣ масъалаҳои ҳамкории дуҷониба ва бисёрҷонибаро баррасӣ карданд