ИМРӮЗ – ФИНАЛИ ЧҶ-2022! Аргентина ва Фаронса дар бозии ҳалкунанда бо ҳам рақобат менамоянд: пахши онро дар куҷо ва кай метавон тамошо кард?

ДУШАНБЕ, 18.12.2022 /АМИТ «Ховар»/. Имрӯз, 18 декабр дар Лусаил бозии финалии Чемпионати ҷаҳон-2022 оид ба футбол баргузор мегардад, ки дар он мунтахабҳои Аргентина ва Фаронса бо ҳам вомехӯранд, иттилоъ медиҳад хабарнигори АМИТ «Ховар».

Пахши мустақими бозии Аргентина ва Фаронса соати 20:00 ба вақти Душанбе оғоз мешавад. Бозии финалиро дар Тоҷикистон метавон тавассути шабакаҳои телевизионии «Футбол» ва «Варзиш» мустақим тамошо кардт.

Ёдовар мешавем, ки мунтахаби Фаронса чемпиони феълии ҷаҳон аст. Дар роҳ ба финали ЧҶ-2022 Фаронса дар даври плей-офф бар Лаҳистон (3:1), Англия (2:1) ва Марокаш (2:0) пирӯз шуд. Мунтахаби Аргентина дар даври плей-офф бар Австралия (2:1), Нидерланд (2:2, зарбаҳои 11-метра. — 4:3) ва Хорватия (3:0) ғолиб омад.

Ҳамин тавр, 22-юмин Чемпионати ҷаҳон оид ба футбол дар Қатар, ки рӯзи 20 ноябр оғоз гардид, рӯзи якшанбе, 18 декабр ба анҷом мерасад.

АКС аз манбаъҳои боз