Конференсияи ҷумҳуриявии Донишгоҳи аграрии Тоҷикистон ба самаранокии кори воситаҳои техникӣ бахшида шуд
ДУШАНБЕ, 08.12.2022 /АМИТ «Ховар»/. 7 декабр дар Донишгоҳи аграрии Тоҷикистон ба номи Шириншоҳ Шоҳтемур дар мавзӯи «Техника ва технологияи истеҳсолоти кишоварзӣ: муаммоҳо ва роҳҳои ҳалли он» Конференсияи ҷумҳуриявии илмӣ-амалӣ баргузор шуд, хабар доданд ба АМИТ «Ховар» дар Донишгоҳи мазкур.
Дар конференсия олимони соҳа оид ба баланд бардоштани самаранокии кори воситаҳои техникӣ, эътимоднокӣ, истифода ва технологияи кишоварзӣ, технологияи парвариши зироати кишоварзӣ, роҳҳои баланд бардоштани ҳосилнокии зироат тавассути истифодаи самараноки технологияҳои муосир, технологияи истеҳсоли маҳсулоти кишоварзӣ ва дигар масъалаҳо маърӯза намуданд.
Зикр шуд, ки самаранокии истеҳсолоти кишоварзӣ аз дараҷаи ҳалли проблемаҳои зиёд, аз ҷумла аз сатҳи истифодаи мошинҳо ва воситаҳои энергетикӣ ва мукаммалнамоии технологияи коркарди хок ва таъмини соҳаи кишоварзӣ бо техникаҳои кишоварзии муосир вобастагии калон дорад. Таҳқиқ ва таҳлилу омӯзиши технологияҳо ва парвариши зироати кишоварзӣ дар заминҳои лалмӣ нишон дод, ки истифодаи мошинҳои кишоварзии чуқурнамкунак метавонад барои парвариши зироати кишоварзӣ беҳтарин шароит фароҳам орад. Муайян карда шудааст, ки дар натиҷаи ковок намудани сатҳи хок дар миқёси 40-50 см хусусияти нигоҳдории намӣ хуб мешавад.
Дар конфронс намояндагон аз Вазорати кишоварзии Ҷумҳурии Тоҷикистон, Корхонаи воҳиди давлатии ҷумҳуриявии «Тоҷикагролизинг», корхонаи ҶДМП «Агротехсервич»-и шаҳри Ҳисор, Корхонаи давлатии санҷиши мошинҳои кишоварзии (МИСМС), Маркази илмии технологияҳои инноватсионӣ ва механиконии кишоварзии АИКТ ва дигарон иштирок намуданд.
АКС: Донишгоҳи аграрии Тоҷикистон ба номи Шириншоҳ Шоҳтемур
ПАРЧАМИ МО ХУД САРИ БОЛОИ МОСТ! Дар шаҳру ноҳияҳои вилояти Суғд Рӯзи Парчами давлатӣ бошукуҳ таҷлил гардид
«ПАРЧАМАТ БОДО ПАРАФШОН, ТОҶИКИСТОНИ АЗИЗ!». Таҳти ин унвон дар Лахш ҳамоиши идона доир шуд
Дар Москва Рӯзи Парчами давлатии Ҷумҳурии Тоҷикистон таҷлил гардид
Биогаз дар минтақаҳои деҳот: роҳи ҳал ё таҷрибаи муваққатӣ барои Тоҷикистон?
ZET-MOBILE натиҷаҳои давравии иқдоми «Миллионро гир» -ро барои моҳи октябр эълон намуд
Дар Донишгоҳи давлатии ҳуқуқ, бизнес ва сиёсати Тоҷикистон Рӯзи Парчами давлатиро бошукуҳ таҷлил намуданд
Имрӯз дар Тоҷикистон ҳавои камабри бебориш пешгӯӣ мешавад
Дар Миср бахшида ба Рӯзи Парчами давлатии Ҷумҳурии Тоҷикистон ҳамоиш баргузор шуд
Дар Донишгоҳи давлатии Кӯлоб Рӯзи Парчами давлатиро ҷашн гирифтанд
Имрӯз дар шаҳри Душанбе чангу ғубор ба амал меояд
ШУКУҲИ ПАРЧАМИ ДАВЛАТӢ. Дар Донишгоҳи байналмилалии сайёҳӣ ва соҳибкории Тоҷикистон ҳамоиши идона доир шуд
Парчами давлатӣ симои Тоҷикистонро чун давлати соҳибистиқлолу соҳибтамаддун дар ҷаҳон муаррифӣ менамояд
