«НАШЪАМАНДӢ — ВАБОИ АСР». Таҳти ин унвон дар Қубодиён барномаи маърифатӣ-иттилоотӣ баргузор гардид
ДУШАНБЕ, 18.12.2022. /АМИТ «Ховар»/. Бо ташаббуси Раёсати маорифи вилояти Хатлон дар тамоми муассисаҳои таҳсилоти миёнаи умумии шаҳру ноҳияҳои вилоят таҳти унвони «Нашъамандӣ — вабои аср» барномаҳои маърифатӣ-иттилоотӣ доир мегарданд. Аз ҷумла, дар муассисаи таҳсилоти миёнаи умумии №1 — и ноҳияи Қубодиён барои таъсирбахш гузаштани чорабинии мазкур хонандагон дар мавзўи оқибати нашъамандӣ саҳначаҳои пандомўз омода карда, расмҳои кашида худро манзур намуданд.
Тавре дар Раёсати мазкур ба АМИТ «Ховар» иттилоъ доданд, омӯзгорони муассисаи таҳсилоти миёнаи умумии №1 — и ноҳияи Қубодиён зимни баргузории ин чорабинӣ ба хонандагон дар бораи оқибатҳои хатарнок доштани нашъамандӣ ва роҳҳои пешгирии он маълумот доданд. Онҳо аз ҷумла, зикр карданд, ки имрӯз нашъамандӣ ҷомеаи ҷаҳониро ба ташвиш овардааст. Ба ин амали номатлуб ҷавонону наврасони ноогоҳ аз оқибатҳои даҳшатбори нашъамандӣ даст мезананд.
Таъкид гардид, ки ин табақаи ҷомеа дар ҳама ҳолатҳо бояд худро аз хатарҳои нашъамандию нашъаҷаллобӣ ва дигар кирдорҳои ношоиста эмин нигоҳ доранд. Истеъмоли маводи нашъадор ва дигар моддаҳои заҳрнок ба саломатӣ зарари ҷиддӣ расонида, оқибат ба марг оварда мерасонад.
«Биёед, якҷоя бо аҳли оила, мактаб, бо рафиқон ва ҳамсояву хешу табор бар зидди нашъамандию нашъаҷаллобӣ мубориза барем, барои пешгирии чунин кирдорҳо ба кормандони ҳифзи ҳуқуқ муроҷиат намоем. Нашъамандӣ ин раҳоӣ аз бенавоӣ набуда, балки сароғози ҳамаи бадбахтиҳои инсон мебошад. Пулу моле, ки бар ивази он дастрас мешавад, муваққатӣ буда, қадру манзалати инсонро коста мегардонад»,-чунин даъват ба амал оварданд омўзгорони мактаб.
АКС: Раёсати маорифи вилояти Хатлон
Дар минтақаи Кӯлоб оид ба ҳифзи арзишҳои миллӣ ва пешгирии хурофотпарастӣ ҷаласа доир гардид
«ИСТИҚБОЛИ САРБОЗИ ВАТАН ШАРАФ АСТ». Кумитаи кор бо ҷавонон ва варзиш сарбозони аз қисмҳои ҳарбӣ баргаштаро пешвоз мегирад
Дар якчанд шаҳру ноҳияҳои Тоҷикистон бар асари бориши шадид сел ба амал омад
МАСИРИ МУҲОҶИРАТИ МЕҲНАТӢ. Андешаҳои Абдураҳим Шоҳиён дар робита ба ин мавзуъ
«ВАТАН-ШУКУҲАТ ПОБАРҶО». Дар Тоҷикистон озмуни қироати шеър ва маҳорати суханварӣ бо забонҳои хориҷӣ баргузор мегардад
Дар Душанбе масъалаи амалишавии гранти Хазинаи глобалӣ баррасӣ гардид
Барои интихоб ва ҷобаҷогузории кадрҳои роҳбарикунанда занону духтарони болаёқат ба забономӯзӣ ҷалб гардидаанд
Дар се моҳи соли 2024 дар ноҳияи Балҷувон 87 нафар ба нафақа баромаданд
«Сомон Эйр» дар масири Хуҷанд-Урумчӣ-Хуҷанд парвозҳои мустақим анҷом медиҳад
Кумитаи ҳолатҳои фавқулода ва мудофиаи гражданӣ аз раъду барқ, жола ва шамолҳои бошиддат ҳушдор медиҳад
Муассисаҳои тиббии Тоҷикистон соҳиби дастгоҳҳои муосир гардиданд
Интиқоли ғайриқонунии беш аз 4 тонна гӯшти мурғ пешгирӣ карда шуд
