Раванди татбиқи марҳилаи чоруми БРАМОМ-4 дар мақомоти гумрук бо ҳайати Бонки ҷаҳонӣ баррасӣ гардид

Декабрь 2, 2022 10:47

ДУШАНБЕ, 02.11.2022 /АМИТ «Ховар»/. Татбиқи марҳилаи чоруми Барномаи «Беҳтар намудани роҳҳои алоқаи минтақавӣ дар Осиёи Марказӣ» (БРАМОМ-4) зимни мулоқоти муовини якуми сардори Хадамоти гумруки назди Ҳукумати Ҷумҳурии Тоҷикистон Азим Турсунзода ва аъзои гурӯҳи Бонки ҷаҳонӣ- муҳандиси калони нақлиёт ва Роҳбари гурӯҳи лоиҳа Муҳаммад Зулфиқор, мутахассис оид ба нақлиёт ва роҳбари даста Абдулҳамид Халилӣ ва мутахассиси калон оид ба масъалаҳои содагардонии расмиёти савдо Сатя Прасад Саху баррасӣ гардид. Дар ин бора АМИТ «Ховар» бо истинод ба Хадамоти гумруки назди Ҳукумати Ҷумҳурии Тоҷикистон иттилоъ додааст.

Дар мулоқот раванди татбиқи лоиҳа, шиносоӣ бо ҳолати ҷории идоракунии молиявӣ, амалигардонии равандҳои харид, инчунин мувофиқа намудани фаъолият барои суръатбахшии лоиҳа муҳокима шуд.

Азим Турсунзода зикр намуд, ки дастоварди назаррас аз миссияи охирини Бонки ҷаҳонӣ (майи соли 2022)- ба имзо расидани Созишнома бо Конференсияи Созмони Милали Муттаҳид оид ба Савдо ва Рушд «UNCTAD» 22 июни соли 2022 ва мутаносибан оғози фаъолияти онҳо дар Тоҷикистон мебошад. Мавсуф афзуд, ки имрӯз аллакай дар серверҳо шакли санҷишии низоми АСИКУДА насб карда шуда, корҳо дар самти омӯзиши бизнес-равандҳо ба роҳ монда шудааст.

Илова бар ин, масъалаҳои ҷорӣ оид ба самтҳои асосии фаъолият дар доираи қисмати 3, аз ҷумла навсозии платформаи ТИК-и гумрукӣ, таҳкими иқтидори дастурӣ ва захираҳои кадрӣ дар Хадамоти гумрук, навсозии таҷҳизоти техникӣ барои назорати сарҳадии интиқоли бор ва мусофирон баррасӣ шуданд.

АКС: Хадамоти гумруки назди Ҳукумати Ҷумҳурии Тоҷикистон

Декабрь 2, 2022 10:47

Хабарҳои дигари ин бахш

Дар Суғд барои дарёфти грантҳои раиси вилоят озмун баргузор мешавад
Дар Эстония Хонаи савдои Тоҷикистон таъсис дода мешавад
Намояндагони Тоҷикистон дар «Аirspace world 2024» дар Женева иштирок намуданд
Роҳбари хоҷагии деҳқонии «Бобои Носир»: «Истифодаи оқилонаи 7,5 гектар замин ва даромад аз он дар баланд гардидани сатҳи зиндагии 5 оила мусоидат намуд»
Деҳқонони ноҳияи Мастчоҳ имсол дар майдони зиёда аз 23 ҳазор гектар кишту парвариши зироати кишоварзиро ба нақша гирифтаанд
Дар шаҳри Хуҷанд Намоишгоҳи X байналмилалии савдо «Суғд-2024» доир мегардад
«РОҲ БА СӮИ ТИЁНШОН». Душанбе охири моҳи май мизбони конфронси байналмилалӣ мегардад
Соли 2023 ба буҷети шаҳри Гулистон аз ҳисоби хизматрасонии сайёҳӣ ва табобатӣ зиёда аз 40 миллион сомонӣ ворид шуд
Ҳоҷагидорони Кооперативи истеҳсолии «Сомон-Бохтар»-и ноҳияи Кӯшониён майдони парвариши лимӯро васеъ менамоянд
Сардхонаи муосири деҳоти «Файзи Истиқлол»-и ноҳияи Кӯшониён ба аҳолӣ хизмат мерасонад
«ТОҶИКИСТОН-2024». Дар Душанбе Намоишгоҳи байналмилалии универсалӣ доир мешавад
120 гектар замини канори деҳаи Ғӯсари шаҳри Панҷакент бо оби полезӣ таъмин мегардад