Сарвари давлат Эмомалӣ Раҳмон бо Раиси Сенати Покистон Содиқ Санҷаронӣ мулоқот анҷом доданд
ДУШАНБЕ, 15.12.2022. /АМИТ «Ховар»/. 15 декабр Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар шаҳри Исломобод бо Раиси Сенати Ҷумҳурии Исломии Покистон Содиқ Санҷаронӣ мулоқот намуданд.
Ҳамкории байнипарлумонии Тоҷикистону Покистон василаи муассири таҳкими равобити дуҷониба ва таъмини манфиатҳои давлатҳо дар сатҳи минтақавӣ ва байналмилалӣ мебошад, изҳор доштанд Пешвои миллат муҳтарам Эмомалӣ Раҳмон ва бо изҳори итминон ба ояндаи неки муносибатҳои байнидавлатӣ, нақши парламентҳои ду давлатро дар таҳкими муколамаи сиёсии пайвастаи Тоҷикистону Покистон муҳим арзёбӣ намуданд.
Ба фаъолияти Гурӯҳи дӯстии байнипарлумонии Тоҷикистону Покистон баҳои баланд дода шуд ва зарурати ба роҳ мондани машваратҳои васеи Гурӯҳи дӯстӣ ва ҳамкории байнипарлумонӣ доир ба масъалаҳои сулҳу амният дар минтақа таъкид гардид.
Дар мулоқот ҳамчунин масоили марбут ба нақши Тоҷикистону Покистон дар татбиқи лоиҳаи CASA-1000, ҳамкорӣ дар соҳаҳои энергетика, истифодаи оқилонаи захираҳои обӣ, дар заминаи гузаштан ба «энергетикаи сабз», рушди ҳамкории байнидавлатӣ дар соҳаҳои иқтисоду тиҷорат, нақлиёту сармоягузорӣ ва фарҳангу тандурустӣ баррасӣ гардида, роҳҳои баланд бардоштани нақши парлумонҳо дар таҳкими муносибатҳои дуҷониба дар ин соҳаҳҳо таъкид гардид.
Баргузор намудани форумҳои байнипарлумонӣ дар Тоҷикистон ва Покистон воситаи муассири таҳкимбахши ҳамкории ду давлат дар тамоми соҳаҳои барои ҳарду ҷониб афзалиятнок маънидод гардид.
Ҷонибҳо ҳамчунин доир ба мушкилоти хатарбори минтақа ва ҷаҳон, аз ҷумла таҳдиди терроризму экстремизм ба амнияту суботи давлатҳо, шиддат ёфтани низоъҳо, бархурдҳои иттилоотӣ ва қиберҷиноятҳо, тағйирёбии иқлим ва оқибатҳои фалокатбори он, инчунин афзоиши бемориҳои сироятӣ ва зарурати таъмини рушди иқтисодиву иҷтимоии кишварҳо дар чунин шароит табодули афкор намуданд.
Президенти Ҷумҳурии Тоҷикистон Эмомалӣ Раҳмон ба Сарвазири Шоҳигарии Таиланд Анутин Чарнвиракул барқияи изҳори тасаллӣ ирсол намуданд
Суханронии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар маросими ифтитоҳи бинои Вазорати адлия
Сарвари давлат Эмомалӣ Раҳмон бо роҳбарону кормандони мақомоти адлияи кишвар мулоқот намуданд
Пешвои миллат Эмомалӣ Раҳмон бинои нави Вазорати адлияро ифтитоҳ намуданд
Пешвои миллат Эмомалӣ Раҳмон бо намояндагони се ширкати калонтарини металлургии Чин мулоқот намуданд
Президенти Ҷумҳурии Тоҷикистон Эмомалӣ Раҳмон бо роҳбарону фаъолони вилояти Суғд ва кормандони соҳаи саноати кишвар мулоқот намуданд
Суханронии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар мулоқот зимни боздид аз сохтмони корхонаи ғанигардонии маъдани оҳан дар ноҳияи Бобоҷон Ғафуров
Сарвари давлат Эмомалӣ Раҳмон ба таври фосилавӣ ба бунёди корхонаҳои истеҳсоли семент дар шаҳри Истаравшан ва истеҳсоли оҳак дар ноҳияи Бобоҷон Ғафуров оғоз бахшиданд
Пешвои миллат Эмомалӣ Раҳмон дар ноҳияи Бобоҷон Ғафуров аз ҷараёни сохтмони корхонаи металлургии ҶСП «Комбинати металлургии тоҷик» дидан намуданд
Сарвари давлат Эмомалӣ Раҳмон дар Минтақаи озоди иқтисодии Суғд марҳилаи дуюми ҶДММ «Сайри Суғд»-ро ифтитоҳ намуданд
Президенти Ҷумҳурии Тоҷикистон Эмомалӣ Раҳмон ба таври фосилавӣ 4 иншоотро дар шаҳри Хуҷанд ва ноҳияи Кӯҳистони Мастчоҳ ифтитоҳ намуданд
