СИРОЯТҲОИ ШАДИДИ ВИРУСИИ РОҲИ НАФАС ВА ЗУКОМ. Дар Қирғизистон 172 мактаб дар ҳолати карантин буда, хонандагон ба таври онлайн дарс мехонанд
ДУШАНБЕ, 15.12.2022 /АМИТ «Ховар»/. Дар Қирғизистон бинобар вазъи эпидемиологӣ дар соли таҳсили 2022-2023 172 муассисаи таълимӣ ба ҳолати карантин гузаронида шуданд. Тавре агентии миллии иттилоотии Қирғизистон «Кабар» иттилоъ медиҳад, дар ин бора дафтари матбуоти Вазорати маориф ва илми Ҷумҳурии Қирғизистон хабар додааст.
Бино ба маълумоти Вазорати маориф ва илми Ҷумҳурии Қирғизистон, аз ин муассисаҳои таълимӣ 32 адад дар вилояти Чуй, 111 адад дар вилояти Талас, 3-то дар вилояти Иссиқул, 6 адад дар вилояти Ҷалолобод, 12-то дар Ӯш ва 8 адад дар шаҳри Бишкек мебошанд.
Иттилоъ дода шуд, ки ҳангоми ҳолати карантинӣ омӯзиш ба таври онлайнӣ гузаронида мешавад.
Дар асоси фармони Вазорати тандурустӣ, мактабу кӯдакистонҳое, ки аз ҷониби маркази назорати санитарию эпидемиологии маҳаллӣ дар бораи ба карантин гирифтани онҳо хулоса бароварда шудааст, ба ҳолати карантинӣ гузаронида мешаванд.
Дар вазорат тасмими бастани мактабҳо дар пасманзари афзоиши мизони зиёдшавии зуком ва СШВРН гирифта шуд. Рӯзҳои охир дар беморхонаҳои Бишкек навбатпоии зиёд мушоҳида шудааст. Дар маҷмӯъ, тибқи маълумоти вазорати тандурустӣ, аз 5 то 11 декабр дар Қирғизистон 14 078 ҳолати сирояти шадиди вирусии респираторӣ ва зуком ба қайд гирифта шудааст. Нисбат ба ҳафтаи гузашта беморӣ 1,5 баробар бештар афзудааст. Аз шумораи зиёди беморшудагон қариб 70% кӯдакони то 14-сола мебошанд.
София ШОИК,
АМИТ «Ховар»
АКС аз манбаъҳои боз
Зиёда аз 40 ҳазор нафар ҷавонони Тоҷикистон дар муассисаҳои таҳсилоти олии қариб 50 кишвари ҷаҳон илму дониш ва касбҳои муосир меомӯзанд
Масоили омода намудани мутахассисон дар дохил ва хориҷи Тоҷикистон баррасӣ шуд
350 нафар донишҷӯёни тоҷик дар Ҷумҳурии Корея таҳсил менамоянд
Ёддошти тафоҳум байни Вазорати маориф ва илми Ҷумҳурии Тоҷикистон ва Вазорати маорифи Ҷумҳурии Корея ба имзо расид
Байни Тоҷикистон ва Корея Ёддошти тафоҳуми ҳамкорӣ оид ба барқарорсозии рақамии ҷангалҳо ва амалиёти иқлимӣ ба имзо расид
Барои рушди соҳаи маорифи ноҳияҳои водии Рашт дар 20 соли охир беш аз 2,1 миллиард сомонӣ равона шудааст
Бо иштироки 602 нафар довталаб даври шаҳрии Озмуни ҷумҳуриявии «Илм-фурӯғи маърифат» оғоз гардид
«ДОНАНДАИ БЕҲТАРИНИ АСАРҲОИ ПЕШВОИ МИЛЛАТ». Беш аз 200 нафар ба даври ниҳоии озмун роҳхат гирифтанд
Дар Филиали Донишгоҳи миллии тадқиқотии «Донишкадаи энергетикии Москва» дар шаҳри Душанбе озмоишгоҳи нав ба истифода дода шуд
Маркази миллии тестӣ давраи сеюми бақайдгирии довталабонро тамдид намуд
Имрӯз даври сеюми Озмуни ҷумҳуриявии «Илм — фурӯғи маърифат» оғоз гардид
Тоҷикистон натиҷаҳои аввалини PISA 2025-ро муаррифӣ мекунад
