ҲАДИСИ МУСАВВАР. Кӯчаву хиёбонҳои шаҳри Душанбе аз барф тоза карда мешаванд

ДУШАНБЕ, 14.01.2023. /АМИТ «Ховар»/. Дар шаҳри Душанбе ҷиҳати бартараф намудани боришоти барф дар кӯчаву хиёбонҳои пойтахт ва пешгирии тамбашавии воситаҳои нақлиёт масъулин вобаста гардида, бо ин мақсад онҳо аз тамоми нерую восита ва техникаҳои роҳдорӣ истифода бурда истодаанд.

Тавре ба хабарнигори АМИТ «Ховар» муовини Сардори Муасисаи давлатии истифодабарии роҳҳои ноҳияи Синои шаҳри Душанбе Абдулмаҷид Ҳақназаров иброз дошт, аз рӯзҳои аввали бориши барф дар хиёбони Саъдии Шерозӣ 6 адад техникаи калон ва зиёда аз 200 нафар кормандони ин муасиса барои тоза кардани роҳҳо сафарбар гардиданд.

Ӯ тазаккур дод, ки мушкилот дар хиёбони мазкур саривақт бартараф карда шуд.

Бино ба гуфтаи собиқадори Муасисаи давлатии истифодабарии роҳҳои ноҳияи Сино Нуқрахон Назрулоева, дар тӯли 15 соли охир чунин боришот набуд.

Рустам ҶАМИЛЗОДА,
Тоҳир САИД (АКС),
АМИТ «Ховар»