Ба шаҳрвандони эҳтиёҷманди шаҳри Турсунзода кумаки молиявии яквақта дар ҳаҷми 600 сомонӣ пардохт карда шуд
ТУРСУНЗОДА, 23.01.2023 /АМИТ «Ховар»/. Дар Паёми Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба Маҷлиси Олӣ масъулони дахлдор вазифадор карда шуданд, ки то охири соли 2022 ба 475 ҳазор нафар шаҳрвандони эҳтиёҷманди мамлакат, аз ҷумла кӯдакони ятим ва бесаробон, маъюбон, оилаҳои камбизоат ва гирандагони нафақаи иҷтимоӣ кумаки молиявии яквақта дар ҳаҷми 600 сомонӣ ба таври илова пардохт намоянд.
Муовини мудири филиали «Амонатбонк» дар шаҳри Турсунзода Маҳмадулло Латипов ба хабарнигори минтақавии АМИТ «Ховар» Субҳониддини МАҲМУД иброз дошт, ки “дар асоси супориши Паёми Сарвари давлат ҷиҳати расонидани кумаки молиявии яквақта дар ҳаҷми 600 сомонӣ бояд дар шаҳри Турсунзода ба 11 145 нафар ба маблағи 6 687 000 сомонӣ кумак расонида мешуд. То 19 январ ба 3303 нафар гирандагони кумакпулии яквақтаинаи ҳифзи иҷтимоӣ ба маблағи 1 981 800 сомонӣ ва ба 6759 нафар гирандагони кумакпулии яквақтаинаи суғуртаи иҷтимоӣ ба маблағи 4 055 400 сомонӣ маблағи кумакпулии пешниҳодгардида пардохт карда шуд”.
Имрӯзҳо дар 6 маркази хизматрасонии “Амонатбонк” дар ҷамоатҳои шаҳраку деҳоти шаҳри Турсунзода кормандони филиали бонк ба 1083 нафар гирандагони кумакпулии яквақтаинаи ҳифзи иҷтимоии боқимонда маблағи кумакпулияшонро дар асоси рӯйхати пешниҳодгардида тариқи нақдӣ пардохт намуда истодаанд.
Ёдовар мешавем, ки зимни ироаи Паёми Президенти Ҷумҳурии Тоҷикистон ба Маҷлиси Олии Ҷумҳурии Тоҷикистон Пешвои миллат муҳтарам Эмомалӣ Раҳмон тазаккур доданд, ки “дар панҷ соли охир аз ҳисоби ҳамаи манбаъҳои маблағгузории буҷети давлатӣ барои дастгирии табақаҳои осебпазири аҳолӣ тавассути пардохти нафақа, кумакпулӣ ва ҷубронпулиҳо, нигоҳдории муассисаҳои ҳифзи иҷтимоӣ ва уҳдадориҳои дигар зиёда аз 19 миллиард сомонӣ, аз ҷумла танҳо соли 2022 4,3 миллиард сомонӣ равона карда шуд».
АКС аз манбаъҳои боз
ПУРСИДЕД, ҶАВОБ МЕДИҲЕМ. Дар кадом ҳолатҳо муҳоҷирон ба рӯйхати шахсони назоратшаванда ворид мешаванд?
Ҳамкории Маркази тадқиқоти стратегии Тоҷикистон бо Раёсати нашр ва паҳнкунии адабиёт бо забонҳои хориҷии Чин густариш меёбад
Таъсиси маркази касбомӯзӣ ва омӯзиши забонҳои арабӣ ва англисӣ барои муҳоҷирони меҳнатӣ баррасӣ шуд
Истифодаи барномаи «Амина» барои шаҳрвандони хориҷие, ки ба Русия бе раводид ворид мешаванд, ҳатмӣ мегардад
ТАВСИЯҲОИ МУФИД. Доир ба тарзи нави захира кардани меваҷоту сабзавот барои фасли зимистон
«ЭЪЛОМИЯИ ҲУҚУҚИ БАШАР». Таҳти чунин унвон ҳамоиши ҷумҳуриявӣ доир гардид
Китоби Пешвои миллат Эмомалӣ Раҳмон таҳти унвони «Ҳизби Халқии Демократии Тоҷикистон ва марҳилаҳои рушди Тоҷикистони соҳибистиқлол» рӯнамоӣ гардид
Дар Хадамоти иҷро оид ба татбиқи хизматрасониҳои электронӣ машварати омӯзишӣ доир гардид
Тақвияти ҳамкории Тоҷикистон ва Британияи Кабир дар соҳаи муҳоҷирати меҳнатии бехатар баррасӣ шуд
Дар фурудгоҳҳои байналмилалии Тоҷикистон оид ба муҳоҷирати меҳнатии қонунӣ ва бехатар корҳои фаҳмондадиҳӣ гузаронида шуданд
Дар Тоҷикистон Даҳаи дастгирии шири модар оғоз гардидааст
«ҲУҚУҚ БА САЛОМАТӢ». Таҳти чунин унвон озмуни байналмилалӣ доир мегардад
