БА ШАРАФИ 35-СОЛАГИИ ИСТИҚЛОЛИЯТИ ДАВЛАТӢ. Дар Бадахшон корхонаҳои саноатии хурду бузург ба истифода дода мешаванд
ДУШАНБЕ, 06.01.2023 /АМИТ «Ховар»/. То таҷлили 35-солагии Истиқлолияти давлатии Ҷумҳурии Тоҷикистон дар Вилояти Мухтори Кӯҳистони Бадахшон 82 корхонаи саноатӣ сохта, ба истифода дода мешаванд, ки 32 адади он ба шаҳри Хоруғ рост меояд. Дар ин бора зимни ҷаласаи ҷамъбасти фаъолияти солонаи Мақомоти иҷроияи ҳокимияти давлатии шаҳри Хоруғ зикр гардид, хабар медиҳад АМИТ «Ховар».
Дар ҷаласа ҳамзамон зикр шуд, ки Вилояти Мухтори Кӯҳистони Бадахшон бо дастгирӣ ва дастури Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба марҳилаи нави рушди босуботи иқтисодию иҷтимоӣ ворид гардид.
Дар ин замина ҳоло дар масъалаи расидан ба ҳадафи чоруми стратегии мамлакат- саноаткунонии босуръат дар шаҳри Хоруғ пешравиҳои назаррас ба чашм мерасанд.
Соли равон дар шаҳри Хоруғ корхонаи коркарди санг- ҶДММ «Суман», фабрикаи пойафзолбарорӣ, корхонаҳои истеҳсоли обҳои ташнагишикан ва нӯшокиҳои спиртӣ, шир ва маҳсулоти ширӣ ва матбааи вилоятӣ, ки зиёда аз 100 нафар сокинони вилоят бо ҷойи кори доимӣ таъмин мешаванд, сохта, ба истифода дода мешаванд.
Мавриди зикр аст, ки дар ҷаласаи мазкур муовини Раиси Маҷлиси миллии Маҷлиси Олии Ҷумҳурии Тоҷикистон, Раиси вилоят Алишер Мирзонабот, муовини якуми Вазири саноат ва технологияҳои нави Ҷумҳурии Тоҷикистон Бахтиёр Маҳмудзода, Раиси шаҳри Хоруғ Ризо Назарзода ва фаъолони шаҳр иштирок намуданд.
Ризо Назарзода зикр кард, ки ҷиҳати бартараф намудани камбудиҳои ҷойдошта ва иҷрои дастуру супоришҳои Раиси вилоят Мақомоти иҷроияи ҳокимияти давлатии шаҳри Хоруғ тадбирҳои зарурӣ андешида, соли 2023 ба тамоми корҳо вусъати тоза бахшида мешавад.
АКС: МИҲД ВМКБ / манбаъҳои боз
Дар Душанбе ҷашни Тиргон бо баргузории иди зардолу ва намоиши «Хушкмеваҳои Тоҷикистон» таҷлил карда шуд
Беш аз 17 километр роҳи мошингарди Хуҷанд – Истиқлол мумфарш карда мешавад
Ҷашни Тиргон асоси илмиву таърихӣ ва фарҳангиву маънавӣ дорад
Имрӯз дар «Боғи Ирам» ҷашни Тиргон, иди зардолу ва намоиши «Хушкмеваҳои Тоҷикистон» баргузор мешаванд
Дар Тоҷикистон боғи зардолу чанд гектарро ташкил медиҳад?
Дар Агентии назорати давлатии молиявӣ ва мубориза бо коррупсия Рӯзи Ваҳдати миллиро ботантана ҷашн гирифтанд
Пагоҳ дар Душанбе ҷашни Тиргон бо баргузории иди зардолу ва намоиши «Хушкмеваҳои Тоҷикистон» таҷлил мегардад
Дар Бизнес-форуми Бонки Авруосиёии рушд афзалиятҳои сармоягузории Тоҷикистон муаррифӣ карда шуд
Вилояти Хатлон дар шаҳри Алмаатои Қазоқистон намоиш-фурӯши маҳсулоти кишоварзӣ ва ҳунарҳои мардумӣ баргузор менамояд
ҲУВИЯТИ МИЛЛӢ – ТАҲКИМБАХШИ ВАҲДАТИ МИЛЛӢ. Назари коршинос дар ин мавзуъ
Дар Намоишгоҳи байналмилалии ЭКСПО-и «Чин — Авруосиё» гӯшаи Тоҷикистон ташкил карда шуд
Дар «Саноатсодиротбонк» Рӯзи Ваҳдати миллиро таҷлил намуданд
