Дар Брюссел маҳсулоти ҳунарҳои мардумӣ ва аксу нигораҳои Тоҷикистон муаррифӣ шуданд
ДУШАНБЕ, 19.01.2023 /АМИТ «Ховар»/. Маҳсулоти ҳунарҳои мардумӣ ва аксу нигораҳои Тоҷикистон 17 январ дар доираи барномаи фарҳангие дар бинои Хадамоти аврупоии амалиёти берунӣ дар Брюссел ба муносибати таҷлили 30-юмин солгарди истиқрори муносибатҳои дипломатӣ миёни кишварҳои Осиёи Марказӣ ва Иттиҳоди Аврупо зери унвони «Пайваст аз тариқи Роҳи Абрешим» муаррифӣ гардиданд. Дар ин бора ба АМИТ «Ховар» дар Вазорати корҳои хориҷии Ҷумҳурии Тоҷикистон хабар доданд.
Дабири кулли Хадамоти аврупоии амалиёти берунӣ Стефано Саннино ва Намояндаи вижаи ИА дар Осиёи Марказӣ хонум Терҳи Ҳакала ба ҷамъомад ҳусни ифтитоҳ бахшида, бобати ҳолат ва дурнамои рушду густариши ҳамкории мутақобилан судманд андешаронӣ карданд.
Дар доираи намоиш барномаи фарҳангӣ бо навору сурудҳои миллӣ, намоишгоҳи маҳсулоти ҳунарҳои мардумӣ ва аксу нигораҳо ба маъраз гузошта шуданд.
Инчунин ба ифтихори 30-юмин солгарди истиқрори муносибатҳои дипломатӣ миёни ИА ва кишварҳои Осиёи Марказӣ дар Дафтари Хадамоти аврупоии амалиёти берунӣ намоиши мусавввараҳои рассомони минтақа ва аксҳо то 2 феврали 2023 баргузор мегардад.
Акс: ВКХ ҶТ
Сафири Тоҷикистон бо намояндагони ширкати нассоҷии швейтсарии Rieter AG мулоқот намуд
Сафари расмии Сарвазири Гурҷистон Ираклий Кобахидзе дар Ҷумҳурии Тоҷикистон ба анҷом расид
Дар Душанбе мулоқоти вазирони корҳои хориҷии Тоҷикистону Гурҷистон доир гардид
Маросими имзои санадҳои нави ҳамкорӣ миёни Тоҷикистон ва Гурҷистон
Музокироти расмии Тоҷикистону Гурҷистон баргузор шуд
Сарвазири Гурҷистон Ираклий Кобахидзе дар пояи муҷассамаи асосгузори давлати тоҷикон Исмоили Сомонӣ гулчанбар гузошт
Сарвазири Гурҷистон Ираклий Кобахидзе бо сафари расмӣ ба Тоҷикистон ташриф овард
Идибек Қаландар бо намояндаи махсуси Раиси САҲА оид ба пешбурди муколама ва таҳкими эътимод мулоқот намуд
Сарвазири Тоҷикистон Қоҳир Расулзода дар Конфронси байналмилалӣ оид ба таҳкими робитаҳои фарҳангӣ ва рушди соҳаҳои эҷодӣ иштирок намуд
Сафири Тоҷикистон бо Директори департаменти робитаҳои давлатӣ ва байналмилалии ширкати Caterpillar мулоқот намуд
Ҷалби сармоягузории Озарбойҷон ба иқтисодиёти Тоҷикистон баррасӣ гардид
Дар Тошканд вохӯрии дуюми масъулини аршади Саммити «Осиёи Марказӣ-Ҷумҳурии Корея» доир гардид
