Дар Маркази миллии тестӣ даври омӯзишии шиносоӣ бо низоми ИМД барои соли 2023 оғоз гардид
ДУШАНБЕ, 18.01.2023 /АМИТ «Ховар»/. Аз 16 то 20 январ Маркази миллии тестии назди Президенти Ҷумҳурии Тоҷикистон даври омӯзишии шиносоиро бо низоми имтиҳонҳои марказонидаи дохилшавӣ (ИМД) бо намояндагони сарраёсати шаҳри Душанбе, шаҳру ноҳияҳои водии Ҳисор, вилояти Суғду Хатлон, Вилояти Мухтори Кӯҳистони Бадахшон ва дигар минтақаҳои мамлакат доир менамояд. Дар ин бора ба хабарнигори АМИТ «Ховар» дар маркази матбуоти Маркази миллии тестии назди Президенти Ҷумҳурии Тоҷикистон хабар доданд.
Даври омӯзишӣ дар се сатҳ: ҷумҳурӣ, шаҳру ноҳияҳо ва муассисаҳои таълимӣ баргузор карда мешавад, ки ҳадафи он сари вақт шинос намудани ҷомеа, бахусус омӯзгорону хатмкунандагони муассисаҳои таълимии таҳсилоти миёнаи умумӣ ва ибтидоию миёнаи касбӣ бо ин низоми ИМД дар соли 2023 мебошад.
Ҳайати кории Маркази миллии тестии назди Президенти Ҷумҳурии Тоҷикистон дар доираи барнома ва модули омӯзишӣ барои шарҳу тафсири мавзуъҳои дарсӣ шаклҳои гуногуни таълими интерактивӣ, аз ҷумла муаррифии компютерӣ, маърузаҳои хурд, маводи чопию электронӣ ва ғайра омода намудааст. Дар даври аввал барои 137 нафар корманди муваққатии Марказ – таблиғгарон омӯзишҳо гузаронида мешаванд.
Ҳамчунин аз 26 то 27 январ даври дуюми омӯзишӣ дар 68 шаҳру ноҳияи ҷумҳурӣ идома ёфта, дар он 3754 нафар намояндагони муассисаҳои таълимии таҳсилоти умумии асосӣ, миёнаи умумӣ ва ибтидоию миёнаи касбӣ дар раёсат ва шуъбаҳои маориф иштирок мекунанд. Даври сеюми курси шиносоӣ дар муассисаҳои таълимӣ барои зиёда аз 150 000 нафар хатмкунандаи муассисаҳои таълимӣ ба роҳ монда мешавад.
Ёдовар мешавем, ки аз 1 феврал то 10 марти соли равон тибқи нақшаи чорабиниҳои Маркази миллии тестии назди Президенти Ҷумҳурии Тоҷикистон оид ба ташкил ва гузаронидани ИМД-2023 вохӯриҳои кормандони марказ бо хатмкунандагони муассисаҳои таълимии шаҳру ноҳияҳо, омӯзгорон ва падару модарони онҳо доир мегарданд.
АКС: Маркази миллии тестӣ
ИМТИҲОНҲОИ МАРКАЗОНИДАИ ДОХИЛШАВӢ. Шарту талаботи он барои довталаб чӣ гуна аст?
Бахшида ба Рӯзи Ваҳдати миллӣ дар Донишгоҳи байналмилалии сайёҳӣ ва соҳибкории Тоҷикистон ҳамоиши илмӣ баргузор шуд
АЗ МЕРОСИ МИЛЛӢ ТО САРМОЯИ ИЛМИИ БАШАРИЯТ. Дар ҳошияи таъсиси Ҷоизаи байналмилалии Абуалӣ ибни Сино
Дар Донишгоҳи технологии Тоҷикистон ғолибони озмунҳои ҷумҳуриявӣ ва байналмилалӣ қадрдонӣ шуданд
Бахшида ба Рӯзи байналмилалии ҳифзи кӯдакон дар шаҳри Душанбе ҳамоиш доир гардид
Доир ба Конвенсияи Ромсар ва аҳамияти байналмилалии он нишасти илмӣ баргузор гардид
Таъсиси Ҷоизаи байналмилалии Абӯалӣ ибни Сино дар соҳаи тиб — заминаи густариши илми тиб, муаррифии шахсият ва осори тоҷикон дар арсаи ҷаҳон
Доир ба нақши Президенти Тоҷикистон дар гиромидошти қаҳрамонони миллат ҳамоиш баргузор шуд
Дар Душанбе масъалаҳои рушди соҳаи илму маориф бо ректори Донишгоҳи СММ баррасӣ гардид
Коршиносони хориҷӣ нақши Тоҷикистонро чун давлати ташаббускор дар ҳалли масъалаҳои глобалии обу иқлим назаррас арзёбӣ намуданд
Ҳамкории Донишгоҳи байналмилалии сайёҳӣ ва соҳибкории Тоҷикистон бо Донишгоҳи СММ тақвият меёбад
Дар Донишгоҳи байналмилалии сайёҳӣ ва соҳибкории Тоҷикистон олимпиадаи ҷумҳуриявӣ ҷамъбаст шуд
