ФУТБОЛ. Дастаи мунтахаби ҷавонони Тоҷикистон (U-20) бо дастаи шомили Cуперлигаи Узбекистон бозии санҷишӣ мегузаронад

 ДУШАНБЕ, 26.01.2023 /АМИТ «Ховар»/. Дастаи мунтахаби ҷавонони Тоҷикистон (U-20) оид ба футбол бо дастаи шомили Суперлигаи Узбекистон бозии санҷишӣ мегузаронад. Дар ин бора ба АМИТ «Ховар» дар Федератсияи футболи Тоҷикистон хабар доданд.

Дастаи мунтахаби ҷавонони Тоҷикистон (U-20) омодагиро ба қисми ниҳоии Ҷоми Осиё-2023 дар ҷамъомади таълимиву тамринии Туркия идома медиҳад.

27 январ дастаи ҷавонони мо дувумин бозии санҷишии худро дар ҷамъомади тамринии Анталия баргузор мекунад. Шогирдони Олег Кубарев ин дафъа бо дастаи «Бухоро», ки онро сармураббии собиқи тими миллии Тоҷикистон Ҳаким Фузайлов роҳбарӣ мекунад, бозии санҷишӣ анҷом медиҳанд.

Қаблан дар дидори аввал дастаи мунтахаби ҷавонони Тоҷикистон (U-20) бо ҳамсолони худ аз Ироқ натиҷаро мусовӣ кард. Вохӯрӣ бо ҳисоби 0:0 анҷом ёфт.

Бозии санҷишӣ

27 январ (ҷумъа)

ТОҶИКИСТОН (U-20) – «Бухоро» (Узбекистон)

Анталия, Туркия

Акс: ФФТ