Игор Черевченко сармураббии дастаи «Истиқлол» мешавад
ДУШАНБЕ, 16.01.2023 /АМИТ «Ховар»/. Мураббӣ аз Россия Игор Черевченко бо дастаи футболи «Истиқлол»-и Тоҷикистон шартнома мебандад. Маросими имзои шартнома бояд дар Душанбе сурат гирад. Черевченко мушаххас кард, ки барои ҳалли ин масъала рӯзи душанбе, 16 январ аз Москва ба пойтахти Тоҷикистон парвоз менамояд, хабар медиҳад АМИТ «Ховар» бо истинод ба ТАСС.
«Муҳлати шартнома як сол аст», — гуфт Игор Черевченко ба ТАСС.
АМИТ «Ховар» қаблан дар бораи пешниҳоди шартнома аз ҷониби дастаи футболи «Истиқлол» ба Игор Черевченко хабар дода буд. Ҳамзамон зодаи Тоҷикистон дар заминаи ихтисоси мураббигӣ пешниҳодҳои зиёде дарёфт кардааст. Маълум аст, ки Черевченко ин шартҳоро бо якчанд дастаҳои дигар муҳокима мекунад, ки миёни онҳо бошгоҳҳо аз ИДМ низ ҳастанд.
Ёдовар мешавем, ки моҳи октябри соли 2021 Игор Черевченко вазифаи сармураббии дастаи «Химки»-ро тарк кард. Сабаби рафтани ӯ аниқ нашудааст, аммо тарафҳо бо мувофиқаи дуҷониба шартномаро қатъ карданд.
Қаблан Черевченко дар мусоҳиба бо расонаҳои Россия гуфта буд, ки нияти қатъи мураббигӣ надорад ва имконоти мухталифи кор, аз ҷумла аз кишварҳои Осиёи Марказиро баррасӣ мекунад. Ӯ нақша дошт, ки аллакай зимистон дастаи нави футболро роҳбарӣ кунад.
Ёдовар мешавем, ки Игор Черевченко 21 августи соли 1974 дар Душанбе таваллуд шудааст. Ӯ писари футболбози маъруф, ҳоло марҳум Геннадий Черевченко аст, ки тақрибан тамоми фаъолияти худро дар «Помир»-и Душанбе гузаронида, солҳои зиёд ба ҳайси сарбони ин даста фаъолият кардааст.
Солҳои 1993-1994 Игор Черевченко дар ҳайати дастаи мунтахаби Тоҷикистон бозӣ карда, бо бозиҳояш дар дастаи «Локомотив»-и Москва низ маъруф аст. Дар нимаи дуюми солҳои 90-ум ӯ яке аз бозигарони асосии даста буд. Яке аз се футболбози Федератсияи Россия ҳамроҳ бо Дмитрий Парфенов ва Сергей Семак аст, ки ҳам ҳамчун бозигар ва чун сармураббӣ Ҷоми Россияро ба даст овардаанд.
Игор Черевченко Душанбеи азизашро фаромӯш намекунад ва тақрибан ҳар сол ба ин ҷо омада, дар Академияи Федератсияи футболи Тоҷикистон ба поси хотири падараш мусобиқаи кӯдакона мегузаронад.
Дастаи «Истиқлол» ғолиби феълии чемпионати Тоҷикистон аст. Ин даста 11 маротиба ҷой аввалро гирифта, 9 маротиба барандаи Ҷоми Тоҷикистон шудааст, ки ин низ рекордӣ мебошад.
АКС аз манбаъҳои боз
Бахшида ба Рӯзи Конститутсия дар мавзуи «Асосҳои конститутсионии муқовимат ба коррупсия» ҳамоиш доир шуд
Дар Душанбе оид ба таҳияи нақшаи чорабиниҳои 40-солагии истиқлолияти давлатӣ ҷаласаи гурӯҳи корӣ доир шуд
31 ОКТЯБР — РӮЗИ ҶАҲОНИИ ШАҲРҲО. Дар хиёбони Саъдии Шерозии Душанбе 3 эстакадаи дусатҳа бунёд мегардад
Шаҳри Душанбе бо ба даст овардани 65 ҷой ғолиби Озмуни ҷумҳуриявии «Илм – фурӯғи маърифат» гардид
Иҷлосияи ҳафтуми Маҷлиси вакилони халқи шаҳри Душанбе, даъвати ҳафтум баргузор гардид
Рустами Эмомалӣ дар кӯчаи Абдулаҳад Қаҳҳорови ноҳияи Фирдавсии пойтахт бо гузоштани санги асос ба сохтмони 3 эстакада ва як пул оғоз бахшиданд
Бо мақсад рушди ҳамкории сайёҳӣ ҳайати шаҳри Душанбе ба музофоти Хайнани Чин сафар намуд
Рустами Эмомалӣ дар ноҳияи Дарвоз аз маҷмааи сайëҳию истироҳатии «Чорчаман» дидан намуданд
Рустами Эмомалӣ дар ноҳияи Дарвоз варзишгоҳи болопӯшидаи «Нури Модар Арена», майдони хурди футбол ва ҳавзи шиновариро мавриди истифода қарор доданд
Рустами Эмомалӣ дар деҳоти Қалъаи Хумби ноҳияи Дарвоз бо фаъолияти комплекси сайёҳии «ЗЕВ-С» ва намоишгоҳи ҳунарҳои мардумӣ шинос шуданд
Рустами Эмомалӣ бо сафари корӣ ба ноҳияи Дарвози Вилояти Мухтори Кӯҳистони Бадахшон ташриф оварданд
Иҷлосияи ҳафтуми Маҷлиси вакилони халқи шаҳри Душанбе, даъвати ҳафтум баргузор мегардад
