ҶОМИ ОСИЁ-2023. Футболбозони ҷавони тоҷик имрӯз бо дастаи ЛКС-и Лаҳистон бозии санҷишӣ анҷом медиҳанд

ДУШАНБЕ, 31.01.2023 /АМИТ «Ховар»/. Шоми имрӯз дастаи мунтахаби ҷавонони то 20-солаи Тоҷикистон оид ба футбол дар доираи омодагӣ ба қисми ниҳоии Ҷоми Осиё-2023 дар ҷамъомади таълимиву тамринӣ дар Туркия боз як бозии санҷишӣ анҷом медиҳад, хабар медиҳад шореҳи варзиши АМИТ «Ховар» бо истинод ба Федератсияи футболи Тоҷикистон.

Ин дафъа дастаи мунтахаби ҷавонони то 20-солаи Тоҷикистон бо дастаи ЛКС аз шаҳри Лодзии Лаҳистон, ки пешсафи Лигаи якуми футболи ин кишвар мебошад, сурат мегирад. Вохӯрии дастаҳо дар маҷмааи варзишии «Арслан Зеки Демирчӣ»-и Сиде, соати 18:00 баргузор мешавад.

Мавриди зикр аст, ки қаблан дастаи мунтахаби ҷавонони то 20-солаи Тоҷикистон оид ба футбол бо ҳамсолонашон аз Ироқ бо ҳисоби мусовӣ- 0:0 бозӣ карда, аз дастаи Суперлигаи Узбекистон «Бухоро» бо ҳисоби 1:3 шикаст хӯрда буд. То охири ҷамъомади таълимиву тамринии Туркия дастаи мунтахаби ҷавонони то 20-солаи Тоҷикистон боз панҷ бозии дӯстонаи дигар баргузор мекунад.

Бозии санҷишӣ

Тоҷикистон (U-20) – ЛКС (Лаҳистон)

Оғози бозӣ: 18:00

31 январ. Сиде, Туркия. Маҷмааи варзишии «Арслан Зеки Демирчӣ».

Акс: ФФТ