Петр Павел президенти нави Чехия интихоб гардид
ДУШАНБЕ, 30.01.2023 /АМИТ «Ховар»/. Собиқ раиси Кумитаи низомии Созмони Аҳдномаи Атлантикаи Шимолӣ Петр Павел пирӯзии худро дар даври дуввуми интихоботи президентии Чехия кафолат дод. Дар ин хусус зимни ҳисоб кардани овозҳо, ки рӯзи шанбе ба поён расид, телевизиони Чехия хабар дод. Сарвазири ҷумҳурӣ Петр Фиала пирӯзии Павелро дар интихоботи президентӣ тасдиқ кард, иттилоъ медиҳад АБИ «Казинформ» бо истинод ба ТАСС.
«Президенти нави Чехия Петр Павел интихоб шуд, — изҳор намуд барандаи барномаи телевизионӣ. — Андрей Бабиш дигар наметавонад ин қадар овоз ҷамъ кунад, то ба Петр Павел баробар шавад».
Нахуствазири Чехия Петр Фиала дар нишасти матбуотӣ пирӯзии Павелро дар интихоботи президентӣ тасдиқ кард.
Тавре агентии иттилоотии «CTK» бо истинод ба Раёсати омории Чехия хабар дод, Павел дар даври дуюми интихоботи президентӣ, ки рӯзҳои ҷумъа ва шанбе баргузор шуд, бо 57,59 дарсади овозҳо пас аз ҳисоб кардани 95,5 дарсади овозҳо аз ҳавзаҳои интихоботӣ пирӯз гардид. Рақиби ӯ, нахуствазири собиқи Чехия Андрей Бабиш 42,4% раъйи интихобкунандагонро ба даст овард. Ҳозиршавӣ ба раъйдиҳӣ аз шумораи умумии 8,25 миллион овоздиҳандагони ҷумҳурӣ 70,17%-ро ташкил дод.
Азиза ДАДАБОЕВА,
АМИТ «Ховар»
АКС аз манбаъҳои боз
Даҳҳо ҳазор нафар дар ҷануби Чин бар асари тӯфон кӯчонида шуданд
Дар Ҳиндустон ҳавопаймо суқут кард
Дар Фаронса барои кӯдакони то 15-сола истифодаи шабакаҳои иҷтимоӣ манъ карда мешавад
Дар Қазоқистон пешниҳод намуданд, ки пӯшидани фаранҷӣ ва ниқоб манъ карда шавад
«МО ЯК УҚЁНУСЕМ». Фаронса мизбони сеюмин Конфронси СММ оид ба Уқёнус хоҳад буд
Палатаи поёнии парлумони Беларус дар ҳайати пурра интихоб гардид
Қатар барои шаҳрвандони Тоҷикистон раводидро бекор намуд
Прабово Субианто дар интихоботи президенти Индонезия пирӯз гардид
Директори генералии Созмони ҷаҳонии тандурустӣ Тедрос Аданом Гебрейесус изҳор намуд, ки ҷаҳон ба пандемияи нав омода нест
Александр Стубб дар интихоботи президентии Финландия пирӯз шуд
Дар интихоботи президентии Озарбойҷон Илҳом Алиев бо гирифтани 92,05% овози интихобкунандагон пешсаф мебошад
Теъдоди ҳалокшудагон бар асари сӯхтори ҷангал дар Чили ба 131 нафар расид
