Рақиби аввалини варзишгари тоҷик Нурулло Алиев дар «UFC Fight Night» муайян шуд
ДУШАНБЕ, 10.01.2023 /АМИТ «Ховар»/. Размикори бразилӣ Рафаэл Алвес рақиби аввалини варзишгари тоҷик Нурулло Алиев дар «UFC Fight Night» интихоб шуд. Дар ин бора шореҳи варзиш Муродалӣ Тешаев ба хабарнигори АМИТ «Ховар» иттилоъ дод.
Ин муҳориба 26 феврали соли 2023 дар шаҳри Лас Вегаси ИМА баргузор мешавад.
Размикори 23-сола Нурулло Алиев аввалин варзишгари Тоҷикистон аст, ки имкони дар UFC ҳунарнамоӣ карданро пайдо намуд. Ӯ моҳи сентябр, баъди ғалаба бар варзишгари амрикоӣ Ҷош Вик, дар мусобиқаи Dana Whits Contender Series бо ташкилоти UFC барои баргузории чаҳор рақобат қарордод ба имзо расонд.
Дар сурати ду ғалаба ӯ имкон дорад, барои чаҳор рақобати дигар шартнома бандад. Нурулло то инҷониб 7 муҳориба гузаронида, дар ҳамаи онҳо пирӯзӣ ба даст овардааст.
Ӯ соли 2000 дар Ҷумҳурии Тоҷикистон таваллуд шудааст. Ҷоизадор ва унвондори мусобиқаҳои байналмилалии зерин мебошад: EFC, AMC Fight Global ва Samara MMA Federation.
Мавриди зикр аст, ки варзишгари 32-солаи бразилӣ Рафаэл Алвес 30 муҳориба гузаронида, 20 ғалаба ва 10 бохтро дар корномаи варзишиаш сабт намудааст. Рафаэл Алвес қаҳрамони мусобиқаи Titan FC миёни размандагон мебошад. Ин варзишгар аввалин рақобати худро дар UFC соли 2021 муқобили намояндаи қазоқ Дамир Исмагулов гузаронида, мағлуб шудааст.
АКС аз манбаъҳои боз
Дастаи «Сипар»-и Хуҷанд бори дуюм унвони чемпиони Ҷоми Тоҷикистон оид ба футзалро сазовор гардид
Рустами Эмомалӣ дар ноҳияи Дарвоз варзишгоҳи болопӯшидаи «Нури Модар Арена», майдони хурди футбол ва ҳавзи шиновариро мавриди истифода қарор доданд
Президенти Федератсияи футболи Тоҷикистон Рустами Эмомалӣ дар Дарвоз Академияи футболи Вилояти Мухтори Кӯҳистони Бадахшонро ифтитоҳ намуданд
Дар ноҳияи Мир Сайид Алии Ҳамадонӣ Фестивали бозиҳои миллии варзишӣ баргузор гардид
Дар вилояти Суғд ғолибони мусобиқаи вилоятӣ муайян гардиданд
Дастаи мунтахаби духтаронаи Тоҷикистон тими Амороти Муттаҳидаи Арабиро мағлуб намуд
Мусобиқаи байналмилалӣ оид ба камонварӣ ҷамъбаст гардид
Дастаи мунтахаби Тоҷикистон ба садгонаи беҳтаринҳои раддабандии ФИФА ворид шуд
Дастаи мунтахаби футзали Тоҷикистон бо дастаи яккачини Русия бозиҳои дӯстона анҷом медиҳад
Маросими гусели ҳайати дастаи мунтахаби паралимпии мамлакат ба Бозиҳои V Параосиёӣ баргузор гардид
Иштирокдорони Бозиҳои 20-уми Осиёӣ—2026-ро дар Фурудгоҳи байналмилалии Душанбе истиқбол гирифтанд
Дастаи мунтахаби Тоҷикистон дар бозии дӯстона бар тими миллии Чин пирӯз шуд
