ШАҲРИ САБЗ. Дар Душанбе 193 ҳазору 499 бех ниҳолҳои ороишӣ, сояафкан, мевадиҳанда ва буттагӣ шинонида мешаванд
ДУШАНБЕ, 31.01.2023 /АМИТ «Ховар»/. Дар асоси қарори марбутаи Раиси шаҳри Душанбе «Дар бораи тасдиқи Нақшаи чорабиниҳо оид ба ниҳолшинонию сабзкорӣ дар мавсими тирамоҳи соли 2022 ва баҳори соли 2023» дар шаҳри Душанбе 193 ҳазору 499 бех ниҳолҳои ороишӣ, сояафкан, мевадиҳанда, буттагӣ ва ба миқдори 13 миллиону 147 ҳазору 315 дона гулҳои мавсимию бисёрсола ва лола шинонида мешаванд. Дар ин хусус аз Сарраёсати ҳифзи муҳити зист дар шаҳри Душанбе ба хабарнигори АМИТ «Ховар» иттилоъ дод.
Аз тарафи Мақомоти иҷроияи ҳокимияти давлатии шаҳри Душанбе ҳоло дар ҳудуди гулгашту хиёбон, кӯчаҳо ва боғҳои фарҳангу фароғатии ноҳияҳои пойтахт ба миқдори 151 ҳазору 651 бех ниҳол шинонида шудааст. Инчунин ҷиҳати таъмини шукуфоӣ ва сарсабзии кӯчаву хиёбон ва шоҳроҳҳо ба миқдори 7 миллиону 619 ҳазору 587 дона гулҳо шинонида шуданд, ки аз ин 5 миллиону 300 ҳазору 598 ададаш гулҳои гуногунранги лола мебошад.
Мувофиқи дастури Мақомоти иҷроияи ҳокимияти давлатии шаҳри Душанбе, дар ҳудуди Муассисаи давлатии «Боғи Ғалаба ва нигоҳдории ҷангал» шинонидани 58 ҳазору 163 бех дарахтони ороишии навъи санавбар, можжевелник, туя, шулаш, олуи даштӣ ба нақша гирифта шудааст. То имрӯз аз тарафи ташкилоту идораҳои муваззафшуда ба миқдори 48 ҳазору 552 бех ниҳол шинонида шудааст.
Роҳбарияти Кумитаи ҳифзи муҳити зисти назди Ҳукумати Ҷумҳурии Тоҷикистон ҷиҳати саҳмгузорӣ дар таъмини ба «Шаҳри сабз» табдил додани Душанбе дар ҳудуди «Боғи Ғалаба ва нигоҳдории ҷангал» 4715 бех ниҳолҳои ороишӣ шинонида истодааст.
Ҳамчунин роҳбарияти Кумитаи ҳифзи муҳити зист тасмим гирифтааст, ки дар мавзеи Обшорон, талу теппаҳои маҳаллаҳои Лучоб ва Гулдара иловатан 2000 бех ниҳолҳои ороишӣ шинонида, дар ободу зебо ва шукуфон гардидани минтақаҳои пойтахт нақши сазовор гузорад.
АКС: Сарраёсати ҳифзи муҳити зист дар шаҳри Душанбе
Бахшида ба Рӯзи Конститутсия дар мавзуи «Асосҳои конститутсионии муқовимат ба коррупсия» ҳамоиш доир шуд
Дар Душанбе оид ба таҳияи нақшаи чорабиниҳои 40-солагии истиқлолияти давлатӣ ҷаласаи гурӯҳи корӣ доир шуд
31 ОКТЯБР — РӮЗИ ҶАҲОНИИ ШАҲРҲО. Дар хиёбони Саъдии Шерозии Душанбе 3 эстакадаи дусатҳа бунёд мегардад
Шаҳри Душанбе бо ба даст овардани 65 ҷой ғолиби Озмуни ҷумҳуриявии «Илм – фурӯғи маърифат» гардид
БАРНОМАИ РУШДИ ПАРВАРИШИ ПАВЛОВНИЯ. Дар ниҳолхонаҳо зиёда аз 120 ҳазор ниҳоли павловния парвариш меёбад
Иҷлосияи ҳафтуми Маҷлиси вакилони халқи шаҳри Душанбе, даъвати ҳафтум баргузор гардид
Рустами Эмомалӣ дар кӯчаи Абдулаҳад Қаҳҳорови ноҳияи Фирдавсии пойтахт бо гузоштани санги асос ба сохтмони 3 эстакада ва як пул оғоз бахшиданд
Бо мақсад рушди ҳамкории сайёҳӣ ҳайати шаҳри Душанбе ба музофоти Хайнани Чин сафар намуд
Рустами Эмомалӣ дар ноҳияи Дарвоз аз маҷмааи сайëҳию истироҳатии «Чорчаман» дидан намуданд
Рустами Эмомалӣ дар ноҳияи Дарвоз варзишгоҳи болопӯшидаи «Нури Модар Арена», майдони хурди футбол ва ҳавзи шиновариро мавриди истифода қарор доданд
Рустами Эмомалӣ дар деҳоти Қалъаи Хумби ноҳияи Дарвоз бо фаъолияти комплекси сайёҳии «ЗЕВ-С» ва намоишгоҳи ҳунарҳои мардумӣ шинос шуданд
Рустами Эмомалӣ бо сафари корӣ ба ноҳияи Дарвози Вилояти Мухтори Кӯҳистони Бадахшон ташриф оварданд
