ТОҶИКИСТОН ЧӢ ТАВР БОЯД АЗ ИНТИХОБ ГУЗАРАД? Шакли марҳилаи интихобии Чемпионати ҷаҳон барои дастаҳои мунтахаби Осиё тасдиқ шуд

ДУШАНБЕ, 03.01.2023 /АМИТ «Ховар»/. Дар ҷаласаи кумитаи иҷрояи Конфедератсияи футболи Осиё (КФО) шакли гузаронидани марҳилаи интихобии Чемпионати ҷаҳон-2026 барои дастаҳои мунтахаби осиёӣ тасдиқ шуд, ки дар ИМА, Канада ва Мексика доир мегардад,. Дар маҷмӯъ, ФИФА ба КФО 8 ҷои мустақим ва як ҷой тавассути плей-оффи байниқитъавӣ ҷудо мекунад. Мусобиқаи интихобии ЧҶ-2026 аз чаҳор давра иборат хоҳад буд.

Миқдори роҳхатҳо ба ЧҶ-2026 барои қитъаи Осиё 8+1 муқаррар шудааст ва дастаҳои мунтахаби миллӣ аз рӯи низоми тахассусӣ иборат аз 5 марҳила рақобат мекунанд.

Бори аввал дар таърих дар ЧҶ-2026 дар марҳилаи финалӣ 48 дастаи мунтахаб иштирок мекунанд.

Тавре қаблан АМИТ «Ховар» хабар дода буд, Федератсияи футболи Тоҷикистон (ФФТ) Барномаи стратегии «Орзу-2026»-ро қабул кардааст. Он танҳо маънои роҳ ёфтани дастаи мунтахаб ба чемпионати ҷаҳонро дорад. Узви Кумитаи иҷроияи ФФТ Анваршо Мирзоев раиси Шӯрои назорати иҷрои ин барнома таъйин шудааст.

Тавре дафтари матбуоти ФФТ хабар медиҳад, дар ин барнома даҳ самти асосии рушди футбол дар кишвар, аз ҷумла зерсохтор, маркетинг, лигаи миллӣ, дастаҳои мунтахаби Тоҷикистон, мукаммалсозии футболи наврасон, маориф, рушди федератсияҳои минтақавӣ, футзал, футболи занона ва рушди бахши доварӣ муайян шудаанд.

АКС аз манбаъҳои боз