30-СОЛАГИИ ҚУВВАҲОИ МУСАЛЛАҲ. Зиёда аз 2000 нафар хонандагон аз қисмҳои ҳарбии ҳудуди шаҳри Душанбе дидан намуданд
ДУШАНБЕ, 20.02.2023. /АМИТ «Ховар»/. Зиёда аз 2000 нафар хонандагони синфҳои болоии муассисаҳои таълимии шаҳри Душанбе аз қисмҳои ҳарбии Вазорати мудофиаи Ҷумҳурии Тоҷикистон, Гвардияи миллии Ҷумҳурии Тоҷикистон, Қӯшунҳои сарҳадии Кумитаи давлатии амнияти миллии Ҷумҳурии Тоҷикистон ва Донишкадаи ҳарбии Вазорати мудофиаи Ҷумҳурии Тоҷикистон дидан намуданд. Дар ин хусус ба АМИТ «Ховар» сардори Раёсати муассисаҳои таҳсилоти томактабӣ ва миёнаи умумии Сарраёсати маорифи шаҳри Душанбе Асомиддин Бобозода хабар дод.
Мақсад аз ташкил ва баргузор намудани боздид (экскурсия)- иҷрои дастуру супоришҳои Раиси шаҳри Душанбе муҳтарам Рустами Эмомалӣ вобаста ба сазовор таҷлил намудани 30-солагии таъсиси Қувваҳои Мусаллаҳи Ҷумҳурии Тоҷикистон буда, ҳамзамон ҷиҳати тарбияи ватандӯстӣ ва таҳкими ҳувияти миллии наврасону ҷавонон ва ҷалби онҳо ба хизмати ҳарбӣ баъди хатми муассисаи таълимӣ мебошад.
Ин амал ба баланд бардоштани рўҳияи наврасону ҷавонон дар роҳи содиқона хизмат кардан ба Ватан, шиносоӣ пайдо намудан бо шароити хизмати афсарону сарбозон, ҷалби ихтиёрии онҳо ба хизмати ҳарбӣ, хосатан пешгирии наврасону ҷавонон аз амалҳои номатлуби иҷтимоӣ ва ҳушёрию зиракии сиёсии онҳо равона гардидааст.
Зимни боздид (экскурсия) хонандагон бо дастовардҳои ҳарбию низомии ҷузъу томҳои Қувваҳои Мусаллаҳ, имконияту шароити сарбозону афсарон ва яроқу аслиҳаи низомӣ шинос гардида, ҳамзамон байни ҷавонони синни даъватӣ ва сарбозон мусобиқаҳои варзишии дӯстона баргузор карда шуданд.
Иқдоми мазкур минбаъд низ идома меёбад.
АКС: Сарраёсати маорифи шаҳри Душанбе
Маркази барномаҳои байналмилалӣ қабули ҳуҷҷатҳои довталабонро ба донишгоҳҳои Узбекистон оғоз намуд
ИСТИҚЛОЛИЯТ ВА РУШДИ МАОРИФ. Дар вилояти Суғд 767 иншооти соҳаи маориф ба истифода дода шудааст
Дар муассисаҳои таҳсилоти миёнаи умумии Тоҷикистон зиёда аз 1 миллион китоби узбекӣ мавҷуд аст
СОЛИ ОБОДОНИЮ СОЗАНДАГӢ. Дар шаҳри Норак бинои нави муассисаи таълимӣ сохта мешавад
ИСТИҚЛОЛИЯТ ВА РУШДИ МАОРИФ. Дар вилояти Хатлон соҳаи маориф қариб ду баробар рушд намудааст
НИШАСТИ МАТБУОТӢ. Дар Филиали Донишкадаи энергетикии Москва дар шаҳри Душанбе лабораторияи нави «Электроникаи саноатӣ» кушода мешавад
Раиси шаҳри Шероз бо имконоти муосири таълимию илмии Донишгоҳи байналмилалии сайёҳӣ ва соҳибкории Тоҷикистон шинос шуд
ИСТИҚЛОЛИЯТ ВА РУШДИ МАОРИФ. Дар ин давра дар Тоҷикистон шумораи мактабҳо, хонандагон ва омӯзгорон афзоиш ёфт
Президенти Тоҷикистон: «Аҳолии узбекзабони шаҳри Турсунзода бо муассисаҳои таълимии узбекӣ ва китобҳои дарсӣ таъмин карда шаванд»
НИШАСТИ МАТБУОТӢ. Филиали Донишгоҳи давлатии Москва дар шаҳри Душанбе бо зиёда аз 40 муассисаи хориҷӣ ҳамкорӣ дорад
35-СОЛАГИИ ИСТИҚЛОЛИ ДАВЛАТӢ. Дар ноҳияи Рӯдакӣ раёсати маориф ва 3 муассисаи таҳсилоти томактабӣ ба истифода дода мешавад
Дар шаҳри Хуҷанд намоиш-фурӯши либос ва лавозимоти мактабӣ оғоз гардид
