Бар асари тӯфони зимистона дар Калифорния садҳо ҳазор манзил бе барқ монд
ДУШАНБЕ, 28.02.2023 /АМИТ «Ховар»/. Дар ин рӯзҳои истироҳатӣ дар Калифорния бар асари тӯфони бесобиқаи зимистонае, ки дар иёлат ба амал омад, қатъи оммавии неруи барқ, обхезӣ ва баста шудани шоҳроҳҳо ва соҳилҳо ба мушоҳида расид, иттилоъ медиҳад АМИТ «Ховар» бо истинод ба BBC News.
Зиёда аз 120 ҳазор нафар, ки бисёрашон дар минтақаи Лос — Анҷелес зиндагӣ мекунанд, баъд аз чанд рӯзи вазидани шамоли сахт бе барқ мондаанд.
Хадамоти миллии обуҳавосанҷӣ дар бораи бориши шадид ва раъду барқ дар Калифорнияи Ҷанубӣ ва барфи эҳтимолӣ дар минтақаи Шимолии байникӯҳҳо ва Калифорнияи Шимолӣ ҳушдор додааст.
Оид ба ҳалокшудагон ва осебдидагон бар асари тӯфон ҳанӯз гузориш нарасидааст.
Мувофиқи иттилои CNN, обуҳавосанҷон аллакай дар бораи тӯфони нави барфӣ ҳушдор медиҳанд, ки бар асари он дар ғарби ШМА борон ва барфи бештар меборад. То рӯзи сешанбе дар кӯҳҳо эҳтимол боз барф борад. Тӯфонҳои барфӣ ин ҳафта дар қаторкӯҳҳои ғарбӣ шароити хатарнок ё номумкинро барои ҳаракат метавонанд ба амал оранд.
Азиза ДАДАБОЕВА,
АМИТ «Ховар»
АКС аз манбаъҳои дастрас
Дар «Офтобак»-и шаҳри Норак 100 кӯдак ба истироҳат фаро гирифта шуданд
Имрӯз дар водиҳои Тоҷикистон ҳаво то 41 дараҷа гарм мешавад
8 июл дар якчанд вазорату идора нишасти матбуотӣ баргузор мешавад
Имрӯз дар шаҳри Душанбе ҳаво то 38 дараҷа гарм мешавад
Навгониҳои электронӣ дар самти рақамикунонии хизматрасониҳои андоз муаррифӣ гардид
Имсол Рӯзҳои фарҳанги Ҷумҳурии Тоҷикистон дар Узбекистон, Давлати Қатар, Беларус ва Қирғизистон доир гардиданд
Имрӯз дар водиҳои Тоҷикистон ҳаво то 38 дараҷа гарм мешавад
СОЛИ ОБОДОНИЮ СОЗАНДАГӢ. Дар муассисаҳои таълимии шаҳри Панҷакент бино ва синфхонаҳои иловагӣ сохта мешавад
