Дар Донишгоҳи миллии Тоҷикистон бахшида ба озмунҳои ҷумҳуриявӣ ҳамоиши илмӣ баргузор шуд
ДУШАНБЕ, 04.02.2023 /АМИТ «Ховар»/. Дар Донишгоҳи миллии Тоҷикистон дар робита ба баргузории озмунҳои ҷумҳуриявии ««Тоҷикон» — оинаи таърихи миллат», «Тоҷикистон – Ватани азизи ман», «Фурӯғи субҳи доноӣ китоб аст» ва «Илм – фурӯғи маърифат», ки дар асоси амрҳои Президенти Ҷумҳурии Тоҷикистон муҳтарам Эмомалӣ Раҳмон соли 2023 дар мамлакат баргузор мегарданд, ҳамоиши илмӣ баргузор шуд. Дар ин бора АМИТ «Ховар» бо истинод ба Донишгоҳи миллии Тоҷикистон хабар медиҳад.
Ректори донишгоҳ, доктори илмҳои иқтисодӣ, профессор Қобилҷон Хушвахтзода оид ба муҳиммияти ин озмунҳои ҷумҳуриявӣ ва омодагии донишҷӯёни донишгоҳ барои иштирок дар онҳо таъкид намуд, ки воқеан барои тамоми аҳолии мамлакат иштирок дар озмунҳои мазкур мояи ифтихор ва шараф аст.
«Аз ин хотир донишҷӯён бояд дар ҳар як озмун фаъолона иштирок намуда, дар татбиқи ҳадафҳои олии Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, ки нишонаи воқеии таъмини рушди бемайлони илму маориф ва шинохти таъриху фарҳанг ва ҳунари оламшумули мардуми тоҷик мебошанд, саҳми муносиби худро гузоранд», — тазаккур дод ӯ.
Дар ҳамоиш устодони донишгоҳ низ доир ба нақши озмунҳо дар рушди соҳаҳои илму маориф ва фарҳанг, дарёфти истеъдодҳои нави донишманд, таърихдон ва ҳунарманд андешаҳои худро иброз доштанд.
Таъкид карда шуд, ки донишҷӯён ва дигар кормандони донишгоҳ, ки дар озмунҳо иштирок менамоянд ва ба ҷойҳои ифтихорӣ сазовор мегарданд, ҳамзамон, устодоне, ки дар ин озмунҳо шогирдонашон ҷойҳои ифтихориро ишғол мекунанд, аз ҷониби раёсати донишгоҳ ҳавасманд гардонида мешаванд.
Ёдовар мешавем, ки дар робита ба баргузории озмунҳои ҷумҳуриявии болозикр амрҳои дахлдори Президенти Ҷумҳурии Тоҷикистон муҳтарам Эмомалӣ Раҳмон 2 феврал ба тасвиб расиданд.
АКС: Донишгоҳи миллии Тоҷикистон
Пешвои миллат Эмомалӣ Раҳмон дар дар шаҳри Душанбе Муассисаи таълимии ғайридавлатии таҳсилоти миёнаи умумии «Имкон»-ро ба истифода доданд
35-СОЛАГИИ ИСТИҚЛОЛИ ДАВЛАТӢ. Дар назди 12 муассисаи таълимии шаҳри Ваҳдат биною синфхонаҳои иловагӣ ба истифода дода мешаванд
Имрӯз дар Тоҷикистон беш аз 240 ҳазор кӯдакон ба синфи якум рафтанд
Аз 1 сентябр донишҷӯёни тоҷик дар Русия метавонанд ҷойи зисти худро тавассути барномаи мобилии «Амина» ба қайд гиранд
Президенти Тоҷикистон: «Падару модарон ба тарбияи фарзандон бояд бо масъулияти баланд муносибат намоянд»
Пешвои миллат дастур доданд, ки сифат ва муҳтавои китобҳои насли нав беҳтар карда шавад
Президенти Тоҷикистон: «Зарур аст дар байни ҷавонону наврасон фарҳанги истифодаи шабакаи интернет баланд бардошта шавад»
Кормандони Мақомоти иҷроияи ҳокимияти давлатии ноҳияи Ёвон суханронии Президенти Тоҷикистонро дастҷамъона тамошо намуданд
Пешвои миллат: «Ба мо, пеш аз ҳама, мутахассис зарур аст, на ҷавоне, ки танҳо соҳиби диплом аст»
МАКТАБУ МАОРИФ — ВАСИЛАИ ҲИФЗУ ТАҲКИМИ СУЛҲУ ОРОМӢ ВА СУБОТИ СИЁСӢ. Иқтибосҳо аз суханрониҳои Пешвои миллат бахшида ба Рӯзи дониш
Эмомалӣ Раҳмон: «29 ҳазор хатмкардагони муассисаҳои таҳсилоти миёнаи умумӣ бо квотаи президентӣ ба таҳсил фаро гирифта шуданд»
Суханронии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба муносибати Рӯзи дониш ва Дарси сулҳ дар муассисаи таҳсилоти миёнаи умумии №105-и шаҳри Душанбе
