Дар Мақомоти иҷроияи ҳокимияти давлатии шаҳри Душанбе масъалаи ҳушмандсозии идораи шаҳрдорӣ баррасӣ шуд
ДУШАНБЕ, 06.02.2023. /АМИТ «Ховар»/. Мақомоти иҷроияи ҳокимияти давлатии шаҳри Душанбе ва Котиботи давлатии Швейтсария оид ба иқтисод масъалаҳои вобаста ба рушди ҳамкорӣ дар бахшҳои инфрасохтори сайёҳӣ, технологӣ, густариши равобити иқтисодӣ, тиҷоратӣ ва сармоягузории дуҷонибаро баррасӣ намуданд, хабар доданд ба АМИТ «Ховар» дар шуъбаи иттилоотии дастгоҳи Раиси шаҳри Душанбе.
Зимни вохӯрии муовини Раиси шаҳри Душанбе Абдураҳмон Абдураҳмонзода бо роҳбари барномаҳои макроиқтисодӣ, ҳамкории иқтисодӣ ва рушди Котиботи давлатии Швейтсария оид ба иқтисод Рето Вайерманн ҷиҳати идомаи ҳамкории мутақобилан судманд дар доираи барномаи «Роҳбурди Швейтсария дар Осиёи Марказӣ барои солҳои 2023-2025» изҳори ҳавасмандӣ намуданд.
Инчунин вохӯрии ҳайати шаҳрдорӣ бо роҳбарии муовини Раиси шаҳри Душанбе Абдураҳмон Абдураҳмонзода бо мудири иҷроияи «Бунёди муколамаи Пердана»-и Малайзия Рафӣ Юсуф баргузор карда шуд.
Дар мулоқот ҳамчунин масъалаҳои ба роҳ мондани ҳамкорӣ байни мақомоти иҷроияи ҳокимияти давлатии шаҳри Душанбе бо Бунёди мазкур дар бахшҳои инфрасохтори шаҳрсозӣ, технологияи рақамӣ, ҳушмандсозии идораи шаҳрдорӣ, тавсеаи равобити иқтисодӣ, тиҷоратӣ ва сармоягузорӣ баррасӣ карда шуданд.
АКС: Шуъбаи иттилоотии дастгоҳи Раиси шаҳри Душанбе
ДУШАНБЕ — ҚАЛБИ ТОҶИКИСТОН. Таҳти ин унвон конференсияи ҷумҳуриявии илмӣ – амалӣ баргузор шуд
35 ШОҲКОРӢ ДАР ДУШАНБЕ. Дар даврони соҳибистиқлолӣ пойтахти Тоҷикистон ба яке аз шаҳрҳои зеботарини минтақа табдил ёфт
«БУРҶИ ДУШАНБЕ» — 77 ОШЁНА ВА 340 МЕТР БАЛАНДӢ. Сохтмони баландтарин иншоот дар пойтахти Тоҷикистон оғоз гардид
Раиси шаҳри Душанбе Рустами Эмомалӣ бинои нави Кумитаи дин ва танзими ҷашну маросимро ифтитоҳ намуданд
Имсол кӯчаи Абдулаҳад Қаҳҳоров мавриди истифода қарор дода мешавад
Шумораи воситаҳои нақлиёти мусофирбар дар шаҳри Душанбе 20 фоиз зиёд карда шуд
ДУШАНБЕИ ИДОНА. Дар пойтахти Тоҷикистон ба истиқболи 35-солагии Истиқлоли давлатӣ омодагӣ мегиранд
Дар ноҳияи Синои пойтахт Муассисаи таҳсилоти томактабии хусусии «Нури миллат» ба истифода дода шуд
35-СОЛАГИИ ИСТИҚЛОЛИЯТИ ДАВЛАТӢ. Дар пойтахти Тоҷикистони соҳибистиқлол — Душанбе лоиҳаҳои азими роҳсозӣ татбиқ гардиданд
Дар ноҳияи Фирдавсии пойтахт корхонаи истеҳсолии ҶСП «Нур Пласт» ба истифода дода шуд
РУШДИ БЕСОБИҚАИ ДУШАНБЕ ДАР 35 СОЛИ СОҲИБИСТИҚЛОЛӢ. Мулоҳизаҳои муовини Раиси Маҷлиси намояндагон Мавсума Муинӣ
35-СОЛАГИИ ИСТИҚЛОЛИ ДАВЛАТӢ. Дар ноҳияҳои Сино ва Шоҳмансури шаҳри Душанбе иншооти муҳим ба истифода дода шуданд
