Комиссияи Олии аттестатсионӣ: баъзе аз довталабон ҳатто нисбат ба диссертатсияашон дониши казоӣ надоранд
ДУШАНБЕ, 10.02.2023 /АМИТ «Ховар»/. Яке аз тамоюлҳои хатарзо, ки Комиссияи Олии аттестатсионии назди Президенти Ҷумҳурии Тоҷикистонро бетараф гузошта наметавонад, ин савияи пасти илмомӯзӣ ва ҳатто доир ба диссертатсияашон дониши казоӣ надоштани баъзе аз довталабон мебошад. Дар ин хусус Раиси Комиссияи Олии аттестатсионӣ Абдулҳаким Розиқзода имрӯз зимни нишасти матбуотӣ иброз дошт.
Ба гуфтаи мавсуф, ҳангоми аз рӯйи зарурат ба шӯроҳои экспертӣ даъват шудани довталабон ҳолатҳое ошкор мегарданд, ки диссертатсияҳо аз тарафи довталабон таълиф нашудаанд. Ва чунин тамоюл низ ба мушоҳида мерасад, ки мавзӯъҳои таҳқиқоти илмӣ чандон мубрам набуда, аз забони русӣ тарҷума ё аз хати форсӣ баргардон шудаанд.
Таъкид гардид, ки тибқи таҳлилу мушоҳидаҳо, ҳарчанд ҳамасола теъдоди кормандони дорандаи дараҷаю унвонҳои илмӣ зиёд мегардад, вале таҳқиқоти илмӣ ҳанӯз ба таври шоиста ба пешрафти иқтисодиёту сатҳи зиндагии мардум таъсири назаррас надоранд, ки ин ҳолат Комиссияро нигарон кардааст.
Абдулҳаким Розиқзода аз он изҳори таассуф намуд, ки имрӯзҳо дар баъзе соҳаҳо, аз ҷумла энергетика, геология, минералогия, нафту газ, нанотехнология, биотехнология, психология, сотсиология ва боз чандин ихтисосҳои дигар кормандони тахассуси олӣ намерасанд. «Мутаассифона, имрӯз ҳамгироии илм ва истеҳсолот, ҳамоҳангии муассири илмӣ байни муассисаҳои илмию таҳқиқотии Академияи миллии илмҳои Тоҷикистон, академияҳои соҳавӣ ва маткабҳои олӣ ба таври зарурӣ ба мушоҳида намерасад»,-афзуд ӯ.
Иттилоъ дода шуд, ки дар Ҷумҳурии Тоҷикистон шумораи кормандони илмӣ ва илмию тахассусии олӣ ба 5294 нафар мерасад. Ин шумора ба ҳар сари аҳолии мамлакат 0,6 фисад рост меояд, ки ба таври назаррас кам мебошад.
Шаҳлои САДРИДДИН,
АМИТ «Ховар»
АКС: АМИТ «Ховар»
Пешвои миллат Эмомалӣ Раҳмон дар шаҳри Душанбе Муассисаи таълимии ғайридавлатии таҳсилоти миёнаи умумии «Имкон»-ро ба истифода доданд
35-СОЛАГИИ ИСТИҚЛОЛИ ДАВЛАТӢ. Дар назди 12 муассисаи таълимии шаҳри Ваҳдат биною синфхонаҳои иловагӣ ба истифода дода мешаванд
Имрӯз дар Тоҷикистон беш аз 240 ҳазор кӯдакон ба синфи якум рафтанд
Аз 1 сентябр донишҷӯёни тоҷик дар Русия метавонанд ҷойи зисти худро тавассути барномаи мобилии «Амина» ба қайд гиранд
Президенти Тоҷикистон: «Падару модарон ба тарбияи фарзандон бояд бо масъулияти баланд муносибат намоянд»
Пешвои миллат дастур доданд, ки сифат ва муҳтавои китобҳои насли нав беҳтар карда шавад
Президенти Тоҷикистон: «Зарур аст дар байни ҷавонону наврасон фарҳанги истифодаи шабакаи интернет баланд бардошта шавад»
Кормандони Мақомоти иҷроияи ҳокимияти давлатии ноҳияи Ёвон суханронии Президенти Тоҷикистонро дастҷамъона тамошо намуданд
Пешвои миллат: «Ба мо, пеш аз ҳама, мутахассис зарур аст, на ҷавоне, ки танҳо соҳиби диплом аст»
МАКТАБУ МАОРИФ — ВАСИЛАИ ҲИФЗУ ТАҲКИМИ СУЛҲУ ОРОМӢ ВА СУБОТИ СИЁСӢ. Иқтибосҳо аз суханрониҳои Пешвои миллат бахшида ба Рӯзи дониш
Эмомалӣ Раҳмон: «29 ҳазор хатмкардагони муассисаҳои таҳсилоти миёнаи умумӣ бо квотаи президентӣ ба таҳсил фаро гирифта шуданд»
Суханронии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба муносибати Рӯзи дониш ва Дарси сулҳ дар муассисаи таҳсилоти миёнаи умумии №105-и шаҳри Душанбе
