КОНФРОНСИ ОБИ СММ-2023. Дар Пекин бахшида ба конфронси Ню-Йорк брифинг баргузор гардид
ДУШАНБЕ, 11.02.2023 /АМИТ «Ховар»/. Бо ибтикор ва ҳамкории сафоратҳои Ҷумҳурии Тоҷикистон ва Шоҳигарии Нидерланд дар Ҷумҳурии Мардумии Чин дар Дафтари намояндагии Барномаи рушди СММ дар Чин бахшида ба татбиқи ҳадафҳои баъдии Конфронси оби СММ 8 феврал нишасти хабарии муштарак баргузор гардид. Дар ин хусус ба АМИТ «Ховар» дар Вазорати корҳои хориҷии Ҷумҳурии Тоҷикистон хабар доданд.
Зимни нишасти хабарӣ оид ба Конфронси дуюми байналмилалии сатҳи баланд оид ба Даҳсолаи байналмилалии амал «Об барои рушди устувор, солҳои 2018-2028» (6-9 июни соли 2022 ш.Душанбе), ҳамзамон дар бораи чораҳои тадорукотии Конфронси оби Созмони Милали Муттаҳид бо ҳамраисии Ҷумҳурии Тоҷикистон ва Подшоҳии Нидерланд, инчунин дар бораи қатъномаи «Соли 2025 — Соли байналмилалии ҳифзи пиряхҳо», ки аз ҷониби Ҷумҳурии Тоҷикистон пешбарӣ шуда буд ва 14 декабри соли 2022 Маҷмаи Умумии Созмони Милали Муттаҳид зимни иҷлосияи 77-уми худ бо иттифоқи оро қабул кард, маълумот дода шуд.
Дар идомаи нишасти матбуотӣ ҷаласаи алоҳидаи панелӣ дар сатҳи коршиносони соҳавӣ баргузор гардид, ки дар чаҳорчӯби он оид ба аҳамияти Конфронси моҳи марти соли 2023 Ню-Йорк, таҷрибаи пешқадами кишварҳои ҷаҳон, тағирёбии иқлим мубодилаи афкор сурат гирифт.
Дар чорабинӣ зиёда аз 100 намоянда аз зумраи роҳбарияти сохторҳои дахлдори Ҷумҳурии Мардумии Чин, намояндагони ниҳодҳои байналмилалӣ дар соҳаи обу иқлим, сафирони кишварҳои хориҷии муқими Чин ва инчунин воситаҳои ахбори омма, дар шакли ҳузуриву маҷозӣ иштирок намуданд.
Ёдовар мешавем, ки Конфронси оби СММ 22-24 марти соли 2023 дар шаҳри Ню-Йорк таҳти раисии Ҷумҳурии Тоҷикистон ва Подшоҳии Нидерланд баргузор хоҳад шуд. Нишасти мазкур баъд аз Конфронси оби сатҳи баланди соли 1977 дар Мар-дел-Плата нахустин Конфронси оби СММ дар чунин сатҳ ба ҳисоб меравад.
АКС: Вазорати корҳои хориҷии Ҷумҳурии Тоҷикистон
Сафири Тоҷикистон бо Вазири барқ, об ва энергияи таҷдидпазири Кувайт мулоқот кард
Форуми байналмилалии «Сайёҳии устувор ва мероси фарҳангӣ» дар Тоҷикистон дар расонаҳои иттилотии Аморот инъикос ёфт
Моҳи майи соли 2027 дар Душанбе Конфронси байналмилалии сатҳи баланд роҷеъ ба оғози Даҳсолаи таҳкими сулҳ баргузор мешавад
Сафири Тоҷикистон бо Вазири федералии энергетикаи Покистон мулоқот намуд
Рушди муносибатҳои дуҷонибаи Тоҷикистону Умон баррасӣ гардид
Дурнамои ҳамкории Тоҷикистон ва Кувайт дар соҳаи маориф баррасӣ шуд
Шараф Шерализода бо ҳамраисони иҷроия ва аъзои Шурои директорони Палатаи муштараки савдои Швейтсария мулоқот намуд
Сафири Тоҷикистон дар Амороти Муттаҳидаи Араб дар ҷаласаи 32-юми Шурои IRENA иштирок намуд
Дар Женева чорабинии сатҳи баланд дар мавзуи «Сулҳи устувор дар Осиёи Марказӣ: сабақҳо аз Эъломияи дӯстии абадии Хуҷанд» доир шуд
Сафири Тоҷикистон дар Амрико бо тоҷикони Канада мулоқот намуд
Сироҷиддин Муҳриддин бо Сафири Арабистони Саудӣ мулоқот намуд
Ба бузургдошти Робиаи Балхӣ ва Ҳофизи Шерозӣ дар Вена ҳамоиш доир гардид
