Маркази миллии тестӣ: соли 2022 тиб, биология ва варзиш аз серинтихобтарин самтҳо байни довталабон гардиданд
ДУШАНБЕ, 06.02.2023 /АМИТ «Ховар»/. Дар байни гурӯҳи ихтисосҳо кластери 5 (тиб, биология ва варзиш) соли 2022 аз серинтихобтарин самт миёни довталабон гардид. Дар ин хусус Директори Маркази миллии тестии назди Президенти Ҷумҳурии Тоҷикистон Сабзалӣ Ҷаъфарзода имрӯз зимни нишасти матбуотӣ ба хабарнигорон иттилоъ дод.
Мавсуф изҳор дошт, ки байни 5 самте, ки аз ҷониби Марказ ба довталабон пешниҳод карда шуданд, кластери 5 серинтихобтарин шуморида шуда, нақшаи иҷрои он ба 121% баробар гардид. Тибқи ин нишондиҳанда, соли сипаригардида дар ҷои дувум гурӯҳи ихтисосҳои 4-ум (ҷомеашиносӣ ва ҳуқуқ) бо 100%-и шумораи ҷойҳои нақшавии ин гурӯҳ қарор дошт.
Таъкид гардид, ки дар муқоиса бо нақшаи қабули донишҷӯён дар соли 2022-юм шумораи камтарини довталабони номнависшуда чун дар ИМД-и солҳои пеш ба гурӯҳи ихтисосҳои 1-ум (табиӣ ва техникӣ) рост меояд, ки он ҳамагӣ ба 49,69% -и ҷойҳои нақшавии ин гурӯҳ баробар аст.
Ба гуфтаи Сабзалӣ Ҷаъфарзода, «холи миёнаи довталабон аз фанҳои дақиқ чандон баланд нест. Дар доираи эълон гардидани «Бистсолаи омӯзиш ва рушди илмҳои табиатшиносӣ, дақиқ ва риёзӣ дар соҳаи илму маориф» (2020-2040) соли дуюм аст, ки аз ҷониби Марказ беҳтарин довталабон, ки аз фанҳои мазкур холҳои бештар ба даст меоранд, қадрдонӣ карда мешаванд».
Номбурда иттилоъ дод, ки соли 2023 аз ҷониби Марказ нуқтаҳои бақайдгирӣ, ки доимамалкунанда ва сайёр мебошанд, зиёд карда шуда, шумораи 34 нуқтае, ки дар ноҳияҳо мавҷуданд, ба 44 адад расонида мешаванд.
Ҳамзамон дар назар аст, ки соли равон дар ноҳияҳои Ёвон ва Исфара марказҳои имтиҳонӣ ташкил карда шаванд.
Шаҳлои САДРИДДИН,
АМИТ «Ховар»,
АКС: АМИТ «Ховар»
«Пиряхҳои Тоҷикистон – манбаи обҳои зулоли Осиёи Марказӣ». Таҳти чунин унвон дар Донишгоҳи миллии Тоҷикистон ҳамоиш доир шуд
Бахшида ба Наврӯз дар Гимназияи №1 барои хонандагони болаёқати шаҳри Душанбе барномаҳои омӯзишӣ баргузор шуданд
КОНФЕРЕНСИЯИ ДУЮМИ БАЙНАЛМИЛАЛИИ СММ ОИД БА ОБ. Вобаста ба он «Паёми Донишгоҳи миллии Тоҷикистон. Бахши илмҳои иҷтимоӣ-иқтисодӣ ва ҷамъиятӣ» нашр шуд
ТАЪТИЛИ БАҲОРӢ. Пагоҳ хонандагони муассисаҳои таҳсилоти миёнаи умумии Тоҷикистон ба истироҳат мебароянд
Байни Донишгоҳи байналмилалии сайёҳӣ ва соҳибкории Тоҷикистон ва Донишгоҳи давлатии иқтисодии Тошканд созишнома ба имзо расид
НАВРӮЗ-САРҶАМЪКУНАНДАИ МИЛЛАТҲО. Дар Донишгоҳи миллии Тоҷикистон ин ҷашни фаррухпай бо иштироки меҳмонони хориҷӣ таҷлил карда шуд
Дар Донишкадаи кӯҳию металлургии Тоҷикистон оид ба масъалаҳои об машварати илмӣ-амалӣ доир шуд
Дар Донишгоҳи давлатии Хуҷанд Маркази илмии глятсиология ифтитоҳ гардид
«РАДИОЭЛЕКТРОНИКА, ЭЛЕКТРОТЕХНИКА ВА ЭНЕРГЕТИКА». Дар шаҳри Душанбе конференсияи байналмилалӣ доир гардид
«МАҲОРАТИ НУТҚ». Донишҷӯёни Донишгоҳи байналмилалии забонҳои хориҷии Тоҷикистон соҳиби роҳхати таҳсил дар Ҷопон шуданд
Донишгоҳи давлатии ҳуқуқ, бизнес ва сиёсати Тоҷикистон ҳамкорияшро бо донишгоҳҳои Узбекистон густариш медиҳад
«ТОҶИ САРИ ҶУМЛА ҲУНАРҲОСТ ИЛМ». Хонандагони шаҳри Душанбе дар ин озмун маҳорати ихтироъкории худро месанҷанд
